明星靚相大分享☆

新片《索命童話》上月廿三日拉隊到局勢不穩的泰國開鏡，首次和導演彭發合作的劉青雲，帶埋郭藹明同行。
泰國外景為期大半個月，青雲有老婆貼身照顧，不過，見到在戲中做他A貨老婆的萬綺雯被吊到半空拍攝大場面，青雲即使唔使埋位亦全程[目及]實，表現緊張。

畏高硬吊
萬綺雯有畏高症，今次在《索》片中被吊起離地三層樓高，事前她十分緊張：「我未試過吊咁高，好彩有阿仔（泰籍童星）陪。」

在戲中飾演萬綺雯丈夫的劉青雲，企前睇實「妻兒」被吊，覺得有唔妥便即出聲。

被綁口綁腳的萬綺雯，被吊離地一刻，抬起頭不敢望地，緊張得雙手握實拳頭。

飾演警察的劉青雲，在廢紙廠內拍攝一場槍戰戲，由於現場環境惡劣，導演（左一）和工作人員均戴上口罩。

敏感洗眼
劇組一度爆發眼疾，青雲的雙眼和皮膚亦中招出現敏感，埋位唔可以戴口罩，工作人員只有不時上前用清水幫他洗眼，以免再感染。

取景的廢紙廠已荒廢多年，現場除了一陣惡臭，還有大量灰塵，一班演員就算在廠房外休息，都要戴住口罩，以防萬一。

前輩教路
青雲做差佬，駕輕就熟，但今次要同新丁合作，首次拍戲的傅嘉莉，難得有前輩教路，日日踎喺劇組取經。

長髮嚇人
江若琳在戲中飾演自閉少女，唔單只零對白，平時就算唔使埋位，導演亦要她面壁，唔准同其他人傾偈，加上長到落地的假髮造型，十足撞鬼。

長假髮重達十磅，行出行入江若琳都要用手托住，每次上妝，亦要花上大半個鐘。