價錢合理
台灣知名星座占卜師薇薇安，由佢主持嘅節目《娛樂星八客》，除咗會為觀眾，以星座角度解決感情疑難，每一集都會有一個主題，邀請嘉賓一齊上嚟傾偈。
上個禮拜嘅話題係講「性感女神辛酸史」，薇薇安請嚟鍾意响節目爆料、由報紙娛樂記者「升呢」成為名嘴嘅許聖梅做嘉賓。
佢果然不負眾望，一坐低就話台灣娛樂圈有好多純情女星只係虛有其表，許聖梅聽講有富二代包養某女星之後，驚訝對方床上花式比電影《色，戒》梁朝偉、湯唯更加「功力深厚」，更以「蟒蛇」形容女星嘅表現。
富二代何止食過翻尋味，仲介紹埋俾老豆，認為價錢合理，功夫一流，之後兩父子一齊包養呢位女星，何止「上床不離父子兵」，仲會賽後檢討，另類親子樂。
現場嘉賓都好想知，許聖梅口中嘅「功夫女星」究竟係邊個，佢只肯透露：「她在影壇已經是天后級。」


前「娛記」許聖梅响節目中踢爆純情女星「功夫一流」，所有高難度動作都演繹得出神入化，十足十蟒蛇上身。

激烈討論
講到呢度，主持薇薇安已經笑笑口知道答案，但一眾電視機旁邊嘅觀眾就估得好辛苦，不斷研究純情影壇天后真正身份。
至於成為最大嫌疑女星，居然係準新娘大S，原因係佢擅長瑜伽，身體柔靭度夠高，可以做出唔同嘅高難度動作，但就有人反駁，指大S由出道至今，從來冇清純過，認為林志玲嘅機會比較大，甚至有人估徐若瑄、桂綸鎂、劉若英甚至楊丞琳，一時間搞到全台灣熱估「功夫女星」究竟係邊個。

疑似「功夫女星」
金榜題名　原因
大S　苦練瑜伽多年，身體能應付各種高難度動作，影壇地位在港、台同樣吃香。
林志玲　清純外表加「娃娃音」，由《赤壁》開始電影作品一套接一套，積極向影壇天后目標進發。
徐若瑄　中、港、台都有電影作品，初出道更憑天使面孔、魔鬼身材，响三級影壇打出名堂。
劉若英　處女作電影《少女小漁》便在「亞太影展」奪「最佳女主角」，之後多套作品均能入圍各大小影壇頒獎禮，並多次封后。
楊丞琳　有「可愛教主」稱號，剛憑《海派甜心》奪金鐘獎「視后」，電影作品唔算多，最新作品係同舊愛余文樂拍恐怖片《童眼3D》。
桂綸鎂　07年參演周杰倫執導作品《不能說的•秘密》開始爆紅，在台灣及國內影壇擁有多部作品。

小豬公開性病報告
早排有討論區隱名指小豬羅志祥，證實患上俗稱「椰菜花」嘅性病，除咗要接受「電燒」治療，更累埋性伴侶楊丞琳「中招」。
原本小豬當笑料聽完就算，但最近傳出再有受害人，就係同「大師兄」黃一飛响偶像劇《無敵珊寶妹》中飾演父女嘅郭采潔。
走開清純路線、現年24歲嘅郭采潔，無厘頭變成「花風暴」女主角，回應時雙眼通紅，承認為事件在家激動落淚，「對我的傷害非常大。」
身為「病毒源頭」，小豬唔想再有人受到傷害，於是主動叫幫襯開嘅醫院，提交一份由2005年至2010年嘅驗身報告，證明小豬「接受包括泌尿科檢查，均未有發現傳染性皮膚病變」。
要還我清白，小豬將報告公開交俾傳媒刊登。連續5年都去驗性病，嗯……果然年年驗身令你放心。

Selina索償3,000萬
因為拍《我和春天有個約會》而嚴重燒傷嘅Selina，到現時為止已經接受過三次植皮手術，毋須再打嗎啡止痛，證實全身有54%皮膚燒傷，當中包括面部。明星靠樣搵食，有指Selina嘅唱片公司向電視台要求賠償3,000萬人民幣，但對方認為「金額太高，無法接受」，並強調合約內寫明，如果拍攝有危害Selina安全，唱片公司可以要求停拍，加上電視台到現時為止，堅持爆破做足安全措施，Selina同男主角俞灝明燒傷只係「意外」。
講到尾都係唔想賠，聽聞唱片公司向電視台出示Selina事發時，由助手拍下嘅面部燒焦變黑特寫照，作為索償秘密武器，當時所有電視台高層見到張相，全部嚇到呆咗，無諗過相中人居然就係Selina。


呢期台灣激烈討論「功夫女星」真正身份，要符合外形清純，影壇地位有番咁上下，林志玲、徐若瑄、大S全部榜上有名。





曾經因為唔肯陪老細「上床」，响韓國發展失敗嘅台灣女星林韋伶（左圖），問「功夫女星」是否在台灣電影圈，許聖梅話佢已經係「天后級」演員。


大S


林志玲


徐若瑄


劉若英


楊丞琳


桂綸鎂


小豬、楊丞琳呢對緋聞情侶，最近成為「花風暴」第一男女主角，搞到小豬要公開驗身報告，還我清白。


出道以來一直走清純路線嘅郭采潔，同鄭元暢合作全新偶像劇《國民英雄》收視仆直，家陣仲有埋「性病」，有冇咁黑仔呀！（《蘋果日報》圖片）


小豬出示連續5年嘅驗身報告，證明無「中招」。圖中驗身之年份，以民國計算。


Selina細妹向傳媒透露，家姐可以由護士扶實落床坐，佢話當時家姐開心到喊咗出嚟！


Selina拍檔俞灝明，康復情況同樣理想，有指稍後會嚟香港接受第二階段療程。


10年前藝人秦偉表演節目時，面部被火嚴重燒傷，幾乎失明，今日已經好番晒，相信Selina都可以做到。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄