明星靚相大分享☆

吳綺莉多年來和跟成龍所生的吳卓林生活低調，但自從日前她在上海搞個人畫展，正式首次帶同小龍女亮相後即成為焦點。昨日卓林在機場亞洲博覽館出現，由林建明陪同下捧場看恐龍騷《與龍同行》，起初卓林對鏡頭表現有點抗拒，但最後仍大方任影，年紀輕輕已有大將之風。

其他娛樂名人影片

斥資過千萬的舞台滙演《與龍同行》昨晚在赤鱲角機場的亞洲博覽館首度演出，這個機械恐龍表演除了吸引大批觀眾看騷，也有不少圈中人捧場，包括應屆港姐陳庭欣和莊思明、胡諾言和陳琪及女兒、姚嘉妮和林祖輝帶女兒、蘇玉華、張繼聰及無綫總經理陳志雲等。日前首次跟媽咪吳綺莉正式現身上海畫展的小龍女吳卓林，由林建明帶同在香港現身睇騷看巨型遙控恐龍。沒有媽咪在身邊，卓林起初戴起恐龍頭套，表現活潑，面對鏡頭難免有點抗拒，但最後大方除下頭套任影，果然甚得媽咪真傳，有大將之風。

放大圖片

小龍女吳卓林戴上恐龍頭套，再襯腳印手套頸巾，搞笑可愛。

放大圖片

卓林除去原先戴上的恐龍頭套，大方給記者影相。

志雲：四大未傾掂

一直傳是迷雲黨的張繼聰巧遇陳志雲，兩人大方握手和合照，張繼聰表示不知陳總來睇騷。提到日前未有出席無綫《勁歌》總選記者會，張繼聰表示聽從公司安排。談到有傳四大唱片和無綫就版稅爭拗破冰，張繼聰笑言：「其實我都唔係四大，但次次都要問我，最緊要大家開心。」向陳總求證無綫是否已和四大傾掂數？他說：「要再傾，未傾掂，至家都唔可以用四大嘅歌曲同 MV。」有傳已支付 09-10年中期版稅 200萬？陳志雲再次表明：「我哋未畀，只係傾緊 09-11年嘅臨時付款，除咗臨時付款，仲有最後付款，一日未傾掂都唔可以用四大嘅音樂，但大家傾得好好，應好快傾掂。」

放大圖片

胡諾言和老婆陳琪帶囡囡看騷，但囡囡只顧望恐龍公仔。

放大圖片

陳志雲（右）昨晚巧遇一直被指是迷雲黨的張繼聰（左）。

破無綫壟斷不成立

四大歌手是否可亮相無綫節目？陳志雲說：「其實久不久我哋都有訪問佢哋，只不過部份歌手嘅公司或經理人覺得唔適合亮相，但我哋冇問題，照樣會邀請，只要係唔涉及音樂版權嘅都可以。」他又否認刻意新增獎項在《勁歌》總選頒給四大歌手。有傳之後歌星除可現身無綫，還可亮相其他電視台，陳志雲說：「合約方面未傾，以往歌星同藝人都唔係簽獨家合約，我哋唔係簽晒所有歌手，所以唔可以話係打破壟斷。」是否一人跟四大唱片傾掂數，正是外界所指的特別任務？陳志雲自言只是一分子。是否搞掂便離開無綫？他謂只是傳言。採訪：李珮洳攝影：林德雄


戴上頭套的卓林和林建明雙雙伸出手互掂。