93年華視推出電視劇《包青天》，由金超群、何家勁、范鴻軒飾演包拯、展昭、公孫策，原本計劃拍15集，點知收視好到爆晒燈，最後足足拍咗236集先至停。
當年無綫、亞視爭住買播映權，並自家製作全新一輯《包青天》，再响同時段播對打爭收視，呢單「雙包案」，成為娛樂版頭條熱話。


開封有個包青天，估唔到原班人馬終於有機會捲土重來，响舊年開拍全新一輯《包青天之七俠五義》。今年7月响上海首播，收視繼續贏開巷。
既然觀眾鍾意睇，於是再拍《包青天之碧血丹心》，更加入3D立體效果，令武打場面更加逼真。
包大人變阿凡達，佢額頭嘅月亮標記，可能會更激凸，虎頭鍘會更加虎頭，不過最吊詭係51歲嘅何家勁，再扮南俠展昭，身形一樣咁fit，皮膚同17年前一樣咁滑，仲白淨咗，究竟食咗邊隻美白防腐劑？


今日


1993年
相隔17年再嚟包青天，可惜到今時今日，我都係分唔清王朝馬漢張龍同趙虎。


1994年
有圖為證，94年嚟香港宣傳嘅「公孫先生」范鴻軒，同何家勁一樣青靚白淨，但17年後，公孫先生64歲，白頭髮皺紋出晒嚟，51歲何家勁？搽咗咩？SKIII？



2010年


包青天玩3D，何家勁要應付更多動作場面，一有時間就要操fit，巨乳展昭貨真價實呀。



《包青天之碧血丹心》10月開鏡，而家响青島拍緊外景，一共40集，預計明年暑假可以推出。


包大人生日，公孫先生、八王爺同何家勁買定蛋糕同佢慶祝。睇落金超群keep得唔錯，其實塊面搽到咁黑，咩缺點都可以遮遮掩掩。


arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄