【紐約直擊】行蹤飄忽的張曼玉，昨日現身美國紐約時裝周，捧設計師好友場。曼玉雖然跟《蜘蛛俠》女星姬絲頓丹絲並排坐第一行睇騷，但二人卻沒有溝通。曼玉主動談到情人節雖然男友 Ole不在身邊，但和朋友仔在酒店談心，一樣快樂。

張曼玉近年出席時裝活動、玩音樂、玩設計、拍廣告，全都隨心所欲。香港時間昨日，長居北京的張曼玉，忽然現身紐約時裝周，出席品牌 Rodarte時裝騷。

放大圖片
曼玉和男友人一齊坐在首行睇騷，但跟坐在旁的《蜘蛛俠》女星姬絲頓丹絲（右二）卻沒有交談。

曼玉和男友人一齊坐在首行睇騷，但跟坐在旁的《蜘蛛俠》女星姬絲頓丹絲（右二）卻沒有交談。

放大圖片
姬絲頓丹絲（右）和蘇菲亞哥普拉作伴。

姬絲頓丹絲（右）和蘇菲亞哥普拉作伴。

姬絲頓納悶托頭

繼續以爆炸頭示人的曼玉，和男友人一齊坐 VIP第一行，而電影《蜘蛛俠》女星姬絲頓丹絲（ Kirsten Dunst）就坐正隔籬，不過兩人之間，完全沒有溝通、沒有傾談，姬絲頓丹絲和蘇菲亞哥普拉（ Sofia Coppola）作伴，不時悶到托頭，又俯身整理手袋、打電話，相反，曼玉就心情靚極，一時睇報紙，一時和友人玩 iPad，其間，退役紅髮女模 Karen Elson更上前搵她影合照。

放大圖片
美國饒舌歌手 Kanye West也是時裝騷座上客。

美國饒舌歌手 Kanye West也是時裝騷座上客。

放大圖片
Rodarte來季秋冬新裝，以圖案拼貼輕盈長裙。

Rodarte來季秋冬新裝，以圖案拼貼輕盈長裙。

呻情人節冇仔陪

曼玉透露專程赴美捧 Rodarte姊妹設計師 Kate Mulleavy、 Laura Mulleavy場。問到她日前情人節，和男友如何度過？她說：「男朋友冇嚟，我同朋友、經理人一齊食飯，之後就喺酒店房傾偈，過咗個 warm talk嘅夜晚，幾好呀。」她謂下星期會到英國，繼續睇騷之旅，捧 Burberry Prorsum場。臨近奧斯卡頒獎禮，問曼玉睇好誰會成為影帝影后，愛電影的她卻表示未有留意，但對妮坦莉寶雯（ Natalie Portman）主演的《黑天鵝》（ Black Swan）就相當期待，希望一睇。採訪：梁錦貞攝影：陳順禎


張曼玉昨日身在紐約睇時裝騷，更早早到場，她透露稍後將飛英國繼續睇騷之旅。
記者陳順禎紐約傳真

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄