曹敏莉為B女改名 老公勁彈
曹敏莉（Mandy）、陳法蓉（Monica）、趙雅芝、王愛倫等前港姐，昨聯袂宣傳三月十三日舉行的「慧妍繽Fun植樹慈善行」活動，其中副會長Mandy頂着四個月身孕撐場，並自爆懷女胎。
Mandy透露懷孕四月，但肚子大得人人都問她是否懷雙胞胎，她說：「得一個女啫，都冇話特別鍾意女，第一胎仔女都開心，會喺香港生，未定係咪擇日生。」自稱「爛瞓」的Mandy謂已注意自己睡姿，以免影響胎兒。至於囡囡名字，Mandy笑言：「英文名就改咗，但要等屋企人批准，中文名就等老公改，佢要求高唔畀我改，佢話我改嗰啲冇乜意思又冇point，所以等佢改完再畀相士睇吓。」
拉鄧萃雯落水
至於師姐Monica今個情人節並不孤單，因為與一班朋友到好友羅慧娟家裏聚會，她笑言：「雖然依家冇男友或情人，但我會做好單身女人本分，快樂生活，（羨慕人哋雙雙對對？）好多賣剩蔗㗎！除咗我仲有鄧萃雯，其實我哋係『寶物沉歸底』！隨緣啦！」
陳法蓉展示十多年前的相片，依家一樣咁靚。
身為師姐級的趙雅芝，自然要撐場。
捐利是作慈善
單身的Monica農曆新年利是大豐收，並一如往年捐助慈善機構，將愛與人分享，亦可因此而更大膽地向人利是。談到前男友許晉亨與太太李嘉欣誕下愛情結晶，Monica說：「衷心祝福佢哋一家三口幸福快樂，睇報紙見佢個樣好容光煥發、好靚，亦都祝世伯伯母兔年開開心心，（私下恭喜許生？）私下嘅嘢唔使講啦！」
全站熱搜
留言列表
