王祖藍同李亞男嘅長短腳之戀，自從公開後外界都好受落，前晚祖藍同高海寧、梁政珏等一齊到 apm戲院為電影《我愛 HK開心萬歲》謝票，雖然佢哋謝票嗰場只有三分一入座率，但祖藍幾個依然表現好興奮，又向觀眾派 T恤同書籤，搞到氣氛不知幾咁熱鬧。提到電影監製曾志偉話票房達 4,000萬就玩裸跑，仲會拉埋高海寧同呂慧儀着三點式，問祖藍點睇？佢笑笑口話：「三點式冇乜特別，我就想睇志偉。」

浪漫坐小輪 放大圖片
王祖藍派紀念品畀觀眾時表現風騷。

王祖藍派紀念品畀觀眾時表現風騷。

講到啱啱過咗嘅情人節，祖藍話同亞男度過一個經濟又浪漫嘅下午，佢甜絲絲話：「夜晚要去春茗，下晝我就同佢坐天星小輪由尖沙嘴去中環，仲送咗粉紅玫瑰畀佢。」問到仲喺小輪度做乜？祖藍反問：「喺船上可以做乜？睇風景囉，同埋有其他情侶搵我哋影相。」雖然只係短短一個下晝，但祖藍話已經好開心。不過，祖藍亦自爆話收到未來外母嘅警告，佢話：「 Auntie打電話畀我，話我仲未過關，要我對佢個女再好啲。」

高海寧減肥 放大圖片
《我愛 HK開心萬歲》喺香港勁收成二千幾萬，祖藍同一班演員去戲院謝票。

《我愛 HK開心萬歲》喺香港勁收成二千幾萬，祖藍同一班演員去戲院謝票。

同場嘅高海寧稍後要去越南拍飲食節目，佢話要努力減肥迎接夏天，準備以泳衣出擊。


今年係王祖藍同李亞男公開戀情嘅首個情人節，佢哋去咗玩好經濟嘅渡輪船河。
資料圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄