李彩華（ Rain）前晚出席首映禮時，宣佈已自掏七位數字賠償寰宇解約，現投身 Golden Scene，又出口術希望男友贈她 8位數字她開心。同場的文詠珊則回應被指工作量不及 Angelababy，她表示公司有給她安排工作，亦安排她進修，她很安於現狀，還說經常曝光未必是好事。
其他娛樂名人影片
李彩華與寰宇電影老闆林小明前妻趙雪英到圓方出席電影《外星 51》首映， Rain透露新動向：「我早幾日賠咗七位數字畀寰宇和平解約，原本仲有 2年幾約，年幾前開始傾解約，家簽咗新公司 Golden Scene。喺以前嘅電影公司，兩年幾冇戲拍，希望有新開始。」
與趙雪英感情好 放大圖片 
Janice Man（右三）前晚為有份配音的電影出席首映，李彩華（左）也來捧場。
可以自掏百萬解決， Rain被指是大富婆，問她男友保險界才俊王傲山會否心痛送上八位數字予她作補償？她笑說：「男友好支持我，希望佢睇到報道畀番 8位數字我開心啦！我為咗解約拖咗年幾，發夢都為件事困擾。」談到與趙雪英關係， Rain謂是好朋友，也是很疼錫她的姊姊，至於會否上契？ Rain說：「唔使做呢啲儀式啦。」有指她不滿舊公司將資源全放在江若琳身上， Rain說：「我以前一向冇用公司資源，自己揸車，整頭化妝都有贊助，都多謝前公司照顧。」
JM自認搵到錢 放大圖片 
Janice Man表示工作量減可讓她進修，令自己更進步。
文詠珊（ Janice Man）、張婉婷及王梓軒等為《外》片配音也到場睇戲， Janice Man近日被指因沒有工作而要幫男友看舖，她否認說：「我重申一次我男友只得一間舖，我一路都有工作做，公司亦安排時間畀我進修，我同公司好有默契。」談到與舊日戰友 Angelababy的工作量比較， Janice說：「寫到我冇收入好慘咁，我搵到錢，想買樓，夠自己用。我以前出嚟次數好密，係咪好事？未必囉，家做法唔同，工作環境好開心，當然都想越嚟越好。」採訪：馬建華、駱華齡攝影：陳慧安、彭琮然 
李彩華自掏百萬賠予寰宇解約轉投新公司，更打趣表示想男友王傲山（右圖）賠 8位數字給她。
留言列表
