黃婉曼上月 13日主持 now 101台直播節目《撳錢》時爆粗，當時佢衝口而出講咗「 X你」，事後猛賴自己有懶音，話要讀報糾正，不過未夠兩個月，黃婉曼又爆多次粗，佢上星期六接受商台 DJ小儀主持嘅直播節目《 AiShiTeRu》訪問又爆粗，講「 X你唔讀書」，今次咬字仲清楚過上次，睇嚟「 X你」應該係黃婉曼嘅口頭禪。訪問中，黃婉曼話讀中學時無端端做咗唔受歡迎人物，仲越講越激動，之後一輪嘴咁話：「有試過風頭躉嘅唔鍾意，大家覺得吖 X你，唔讀書又考第一？因為我好隨意，上堂會瞓覺，大家覺得嘩咁又考第一。」之後黃婉曼可能意識到講錯嘢，即刻口窒窒。

放大圖片
上個月黃婉曼（左）喺《撳錢》中爆粗，仲嚇親拍檔洪永城。　資料圖片

上個月黃婉曼（左）喺《撳錢》中爆粗，仲嚇親拍檔洪永城。　資料圖片

放大圖片
同男友講情話嗰陣，黃婉曼話唔會夾雜粗口。　資料圖片

同男友講情話嗰陣，黃婉曼話唔會夾雜粗口。　資料圖片

陸永擋駕

就再爆粗一事，黃婉曼噚晚喺電話中死撐：「我應該唔係講嗰個字，如果真係爆粗，小儀會當場指出嚟。」三分鐘後佢再回電話：「我同陸永聽番個節目，我應係講『點解你』。」陸永接過電話力撐：「我發覺佢唔係黐脷筋，係忌發『點』字音，佢講親都出現怪音。」馮仁昭好懷疑唔單止黃婉曼習慣講粗口，就連陸永嘅耳仔都有問題，陸永尷尬咁話：「你咁講，我要開始懷疑自己有聽障。」問黃婉曼同男友拍拖講情話時會唔會夾雜粗口？佢話：「唔會，但我唔係扮優雅嘅女仔，我覺得女仔講粗口要視乎情況，有時可能好激氣，但最好唔好講。」佢接唔接受男友爆粗？黃婉曼話：「睇吓乜情況，我唔會要求人神聖完美。」


黃婉曼承認自己唔會扮優雅，仲話女仔有時激氣都會爆粗。

黃婉曼 直播 節目 再 爆粗

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄