阿Sa 暗交北京闊少 5個月離婚真相　撇花心基 Sa媽搭路　face 週刊 149期－明星靚相大分享☆

結婚，係一個事實。 06年我哋兩個係非常之咁開心，做咗呢個決定。
儘管我哋唔能夠成為夫妻，但我哋的而且確有過一段好開心嘅時間，更加希望我哋可以成為永遠嘅好朋友。真實對白"
封面
離婚真相　撇花心基 Sa媽搭路　阿 Sa暗交北京闊少 5個月
2010年03月31日
04年開始的 Sa基戀，兩人從未正式公開戀情，勢估唔到大方交代關係之時，竟然結婚與離婚亦同時公告天下，真夠諷刺！
正式離婚各行各路，據知除鄭中基一向花心外，心淡阿 Sa亦有「新戀情」。雖有報道指阿 Sa結識了上海富豪二代，據本刊得悉， 27歲阿 Sa去年 8月確實經中間人識了一位國內富豪二代，但生意基地在北京，而幫阿 Sa搭路攀富貴的，竟是 Sa媽。
到去年 11月，阿 Sa與北京闊少打得火熱，而 Sa媽一直有感女兒結婚近 4年，「女婿」鄭中基從未有錢過手，反而闊少大碼頭在眼前， Sa媽「撥行」，阿 Sa亦決心離婚撇花心基，鋪路入北京豪門。
Sa基記招上，雖然二人都忍唔住喊，不過睇爆喊程度，鄭中基似係悔不當初多啲囉，冇得怨啦，自己花心在先，一切都怪 timing囉！

上週六（ 27日），有報章刊登 Sa基在洛杉磯 06年的結婚證書，冇得抵賴，二人同日無奈焗開記招， 38歲鄭中基聲淚俱下，而 27歲阿 sa則強忍淚水，直認已婚及離婚處理中。

一路以嚟都以為藝人可以有一啲屬於我哋嘅私隱，但原來藝人係唔可以存在有私隱嘅。
希望嚟緊大家可以畀多啲空間我同 Ronald，我哋都係好朋友。真實對白

離婚在即，二人仍然有默契地互望，並拍拍膊頭以示支持，再見亦是朋友，亦有唔少八卦友在 YouTube上回味。《蘋果日報》圖片

會所私會
闊少每次來港都會約會阿 Sa到私隱度十足的陽明山莊會所密會，咁蹺鄭中基以前都住過陽明山莊，阿 Sa應該好熟路！《蘋果日報》圖片

有米有底
年齡： 30多歲
背景：父親為國內富豪榜 50大，生意基地在北京。

Sa基婚訊曝光後當日立即開記招，親口承認已婚同時，亦宣布離婚，夠晒戲劇性。

鐵證曝光
報章於上週六（ 27日）刊登二人結婚證書， Sa基戀終於曝光。
《蘋果日報》圖片

氹基買樓
事發前殘基
本刊於本月 11日在銅鑼灣影到單拖鄭中基，當時佢面容愁爆，睇嚟已為離婚一事煩惱中。

鄭中基在記招上三次以「好開心」形容 4年婚姻，不過離婚的導火線，兩人卻決不透露。據知情人士說：「 06年阿 Sa先得 23歲，傻更更拍拖，難得 Ronald提出結婚，當時 Sa媽一心諗住話晒 Ronald係太子爺（老豆鄭東漢為金牌娛樂揸 fit人），有家底，咪放心畀個女結婚囉。」
據知，最主張阿 Sa嫁阿基的，就係 Sa爸。一向在大陸搞製作公司生意，協辦演唱會的 Sa爸，吼準襯家的龐大明星陣容，希望阿 Sa婚後，靠兩家人關係，可幫助自己的製作事業；至於 Sa媽眼見有太子做女婿，當然唔放過大好機會。
不過貴為太子爺的鄭中基，其實財政大權一直在老豆身上，本身「冇乜油水」。消息指，婚後兩年，雖然新婚尚算美滿，但 Sa媽開始慫恿愛女開聲叫鄭中基買樓。
「 08年底， Sa媽叫 Ronald買樓畀佢哋兩母女， Ronald表面上話好，但得個講字，冇乜實際行動，口爽荷包！」自小父母離異的阿 Sa，一直以來父母關係很差， Sa媽更不滿襯家鄭東漢只「照顧」 Sa爸，曾私下怨「冇人顧我哋兩母女」。
金手指爆大鑊
對於婚訊突然被揭，阿 Sa講到明俾二五仔出賣：「我知道一定係身邊人爆料。範圍好細，我心中有數。」據知阿 Sa懷疑的身邊人，就係《 TVB周刊》其中一名助理總編輯，專黐圈中人，花名「四眼絲」的郭穎絲。「四眼絲」同 Twins非常熟絡，多次被影到出動私伙 Benz接載 Sa嬌做觀音兵，又經常出入二人屋企。
「佢最鍾意黐星，留喺啲星身邊，其實咪為攞着數！阿 sa好信佢，仲不時叫佢跟住 Ronald住佢有冇作反，以前佢都會同阿 sa講：『其實 Ronald對你好好 o架，佢都冇作反！』不過咁多年來咩都得唔到，近呢半年已經冇幫 Ronald講好說話。」
「四眼絲」今次涉嫌爆阿 Sa婚訊，睇怕以後都好難再黐星喇！

阿 Sa出道無耐即認識任職記者嘅四眼絲（左），二人更曾同車被撞破！不過四眼絲當年卻經常上阿嬌東半山東山臺住所過夜，同 Twins二人一樣咁 friend！《忽然 1周》圖片

四眼絲愛埋星堆， 04年連成龍愛兒房祖名都俾佢埋到身。《忽然 1周》圖片

28/3記招翌日各自撐

美女陪笑
鄭中基在成都出席頒獎禮，強顏歡笑，呢啲就係藝人生涯。《蘋果日報》圖片

老死撐住
有拍檔在身邊嘅阿 Sa繼續表現失落，即使為嚟緊演唱會造勢，阿 Sa亦笑唔出。《蘋果日報》圖片

50大富豪
婚姻蜜月期一過，鄭中基難掩花心本色，爛蒲爛玩更令阿 Sa難受。直至去年 8月， Sa媽再出招，搭路經中間人介紹，認識了一位年約三十多歲的北京闊少。
據知闊少老豆的生意業務基地全在北京，包括多間上市公司，亦是國內富豪榜頭 50名人馬，而闊少亦有打理父親生意，不似鄭中基「得個殼」，絕對養得起阿 Sa有餘。闊少對阿 Sa極為細心，加上去年 8月有傳疑似鄭中基與 club女的緋聞，令 Sa基吵了一次大鑊，更令阿 Sa對甚有風度的闊少着迷，於是二人在 11月正式拍拖。

自 Sa基傳出分手，即有指鄭中基因力追 Angelababy而玩出火，事後二人雖然極力否認，不過分手已是鐵一般事實。《蘋果日報》圖片

二人緣自 04年的電影《追擊八月十五》，不過 6年情話咁快玩完！《忽然 1周》圖片

離婚鋪路
與鄭中基情轉淡，阿 Sa亦向闊少自爆已婚秘密。「個闊少勁冧 Sa，邊會介意吖，不過闊少個老豆就同阿 Sa講，一定要佢搞清楚啲關係，如果唔係就會叫個仔離開佢。所以去年尾，阿 Sa已經話要同 Ronald分開。 Ronald都知自己衰花心，所以近呢半年不斷箍煲，三月頭仲喺雜誌度講話關係穩定，實情係佢想箍煲之嘛。」
阿 Sa與闊少秘交 5個月，據知闊少亦會來港密會阿 Sa。「佢哋每次都係去陽明山莊個會所見面、食飯，貪嗰度夠隱蔽喎！有次阿 Sa去緊途中仲撞正雜誌狗仔隊，不過都係俾阿 Sa撇甩咗！」
真的假不了。兩人離婚已是鐵一般事實，消息指 Sa爸極力反對愛女決定，曾極力勸阿 Sa「唔好衝動」。「 Sa爸同 Ronald老豆咁多生意關係，最近鄭東漢仲『閂水喉』，大家分番清楚好啲！」知情者說。
本週一（ 29日），身在成都出席頒獎禮的鄭中基，被傳媒問起阿 Sa是否有第三者時，他說：「我講多次，冇第三者出現喎！」再問是否有身邊人做金手指告密，他卻說：「我唔識答！」
至於女主角阿 Sa同日到屈臣道為 Twins演唱會排舞，大批傳媒問她與報章盛傳上海富豪二代撻着一事，木無表情的阿 Sa只匆匆答：「唔係呀，冇呀！」
29/3苦 Sa排舞

週一（ 29日）阿 Sa前往屈臣道排舞時遇見記者，被追問是否已暗交內地闊少時，阿 Sa只說：「唔係呀，冇呀！」便匆匆上樓走人。
玩謝阿 Sa

Sa基戀玩完，「多得」身邊人各自發功撥火，同前襯家鄭東漢有生意來往的 Sa爸，當然落晒嘴頭氹二人復合，不過 Sa媽就希望個女嫁北京闊少。無端端做咗扯線公仔，真係難為晒阿 Sa！
錫 Sa爸多啲

阿 Sa的父母於阿 Sa12歲時離婚，之後阿 Sa一直跟父親生活，到近年才與 Sa媽同住。共同生活十幾年的阿 Sa父女，關係非常密切，每日用字條溝通，阿 Sa又會不時畫畫送畀父親，錫女錫到燶的 Sa爸更連衛生巾都幫個女買埋！ 08年兩人出版講父女情的《單親愛》，阿 Sa親自執筆、畫插畫， 5千本 2日賣晒。

買樓畀 Sa爸
「個女將賺到第一份模特兒工作的錢，買了一件 jacket給我；入了娛樂圈工作，又把第一次賺到的錢買了手錶送我；到她有了自己的儲蓄，她更送我一個『安樂窩』！」

父女講 TB
「我就讀的是女校，學校總會有一些長得很帥的女學姐，有一次，我問爸爸：「你知道什麼是『 TB』嗎？」『 Of course！......肺結核嘛！』他很認真地答我。這件事的確令我覺得很好笑，也證明爸爸和我之間實在沒有太多秘密，」

Sa爸早年與 Sa媽分開，雖然阿 Sa選擇同 Sa媽同住，不過事業上亦幫了 Sa爸不少！《壹週刊》圖片

Sa媽與阿 Sa無甚代溝，難怪即使曾愛基心切嘅阿 Sa，情轉淡後亦聽從 Sa媽意見，離開花心基。《蘋果日報》圖片

冇樓揸手
雖然貴為金牌大風老闆鄭東漢新抱仔，但與鄭中基結婚 4年的前鄭太蔡卓妍卻有名無實，多年來擁有的物業全靠自己賺錢買，而老公鄭中基自己連一層樓都冇，住緊嘅淺水灣獨立屋亦係老豆名下，自己都顧唔掂，又難怪冇水買樓畀老婆。
蔡卓妍

炒親都賺
阿 Sa出名係小富婆，多年來靠母親幫手炒樓都有賺冇蝕，仍持有的海濱南岸（圖）賬面都有賺。

漾日居 1座高層
12/02以 778萬買入， 7/06以 1280萬賣出，賺 502萬
薄扶林碧瑤灣 25座中層
10/04以 510萬買入， 4/06以 710萬賣出，賺 200萬
紅磡海濱南岸 5座高層
9/08以 460萬買入，市值約 500萬
鄭中基

空心中基