不時有女性朋友食飯時鬧爆老公，話由求婚、婚禮到度蜜月都毫無心思同驚喜，尤其係影結婚相，唔係企喺佈景板前就係喺海邊擺甫士……各位男士，若果想婚後在家中有餐好飯食，飯廳牆上的結婚照又會令你回味無窮的話，以下介紹可能幫到你。記者：蕭漢祥攝影：譚盈傑Model： Jacky、 Cindy鳴謝：土耳其航空、 Touch Up Production、 GRS Corporation Ltd.
橫跨歐亞實景
問到女士對婚紗攝影的想法，十居其九答：「我要有歐陸風味！」奈何，現時香港主流婚紗攝影的歐陸景都是搭出來的。要真？要特別？有，伊斯坦堡實地實景影如何？但，為乜要走到去土耳其咁遠？一，伊斯坦堡同時位於歐亞兩洲，兩地被博斯普魯斯海峽分隔。當中百分之三土地屬歐洲，整個城市的建築充滿歐陸風味，古蹟群又集中，方便着住婚紗的新娘子四圍影靚相。而且，風景靚天氣好，都係影靚相最重要的元素。
放大圖片 
■喺伊斯坦堡影結婚相，夜景先係主菜。
放大圖片 
■土耳其小孩臉孔像畫中的安琪兒，找來當花女更有異國風情。
攝位 1：藍色清真寺
讓我好膚淺咁講句，飛到咁遠影結婚相，出來效果一定要夠「型」。要企喺土耳其著名地標「藍色清真寺」（ Sultanahmet Camii）影，仲有土耳其人做背景，咁先至令親朋戚友羨慕。藍色清真寺，正名唔係叫 Blue Mosque，而係 Sul-tan-ah-met（音讀：書丹阿咩），即蘇丹艾哈邁德。清真寺由門外的尖塔、內園到寺內大圓頂，均是非常漂亮的攝影位。不過，寺內多遊客，拍攝難度高，而且無空調，夏天時溫度頗高，適宜速戰速決，影得越耐個人同個妝就越快溶。另外，我們拍攝時適逢是伊斯蘭教齋戒月，導遊說信徒每日會向亞拉真神祈禱 5次，祈禱時清真寺會封閉個多小時，只供信徒進入。想入內拍攝，就要較啱時間，以免喺門外齋等。所有人均須除鞋方可進內，而服飾性感的女士，更要披上藍色長布，遮蓋性感部位。
放大圖片 
■清真寺氣氛絕佳，在此拍婚紗照，型到震。
放大圖片 
■天花以藍色瓷磚為主，因而得名。
放大圖片 
■祈禱時，寺內人員會驅走非信徒。點樣分？導遊話「一眼就分到係遊客啦」。
放大圖片 
■寺外有不少飾物店，就地取材為新娘打扮更有當地特色。
攝位 2：博斯普魯斯大橋夜景 放大圖片 
■博斯普魯斯大橋，晚上滿佈燈光效果。
其實伊斯坦堡的建築，完全承繼了歐洲的美學。當你以為日間的婚紗拍攝來來去去都係咁，咁你就走寶喇！好似喺伊斯坦堡用作連接歐亞兩地的博斯普魯斯大橋（ Bogazici Koprusu），旁邊亦有不少古蹟建築群，加上燈光效果之後，畫面完全有另一種感覺。
放大圖片 
■兩位模特兒將於明年結婚，拍攝當日不斷得到圍觀的土耳其人前來祝福。
放大圖片 
■海邊不少古蹟建築旁，晚上非常熱鬧。
攝位 3：聖蘇菲亞大教堂 放大圖片 
■以前是傷殘人士專用的祈禱位置，被遊人當作景點。
土耳其另一著名地標聖蘇菲亞大教堂（ Ayasofya）亦是婚攝最佳位置推介。大教堂於 1453年之前，原本係基督教教堂，但經過奧斯曼帝國統治後，土耳其內的教堂好多都變為清真寺，而內裏的設計只係刪除部份富有基督教象徵的圖案，繼而加入伊斯蘭教元素。時至今日，導遊一再強調現今的土耳其文化非常開放，雖然 99%人口信奉伊斯蘭教，但係其實容許宗教自由，而今大教堂已改為博物館，內裏仍然保留住不少基督教色彩的設計。
放大圖片 
■土耳其共和國成立後，將聖蘇菲亞教堂重新開闢成博物館。
放大圖片 
■教堂內樓底高 55米，而中間的巨大圓頂直徑達 27米。
Honeymoon in Turkey 放大圖片 
溫馨提示：伊斯坦堡夏天氣溫偶爾超過攝氏 35度，不要說穿禮服的新郎，就連性感上陣的新娘都熱到香汗淋漓，所以最佳拍攝時間為春秋兩季。
Travel Memo 放大圖片 
特區護照免簽證， BNO須簽證。土耳其領事館： 2572 1331「七天土耳其航空奇幻浪漫蜜月之旅」每位價錢由$22,998起，包括土耳其航空來回機票１張、４晚酒店住宿。查詢： 2781 1900（翠明假期）、 2108 8888（康泰旅行社）。另，度身訂做「土耳其婚紗攝影之旅」，價錢及詳情請查詢： 2717 1940（ Touch Up Production）1土耳其新里拉約兌 5.13港元（文中價錢已折算港元）240V，兩圓腳插座
放大圖片 
土耳其 伊斯坦堡下周天晴， 25-33℃ 
■被稱為「藍色清真寺」的蘇丹艾哈邁德清真寺，是伊斯坦堡地標之一。
留言列表
