過去幾屆嘅港男，做嘉賓嘅伍詠薇出晒位。點知今屆轉做司儀，風頭就俾中門大開嘅呂慧儀搶晒。冇所謂啦，返屋企有老公練海棠呵番咪得囉。唔經唔覺，佢哋結婚已經11年，早前仲去咗歐洲慶祝結婚紀念㖭。伍姑娘話玩得最開心係喺西班牙，佢哋去咗被譽為全球第一嘅餐廳El Bulli食飯，埋單五千零蚊，但就食咗35道菜，店主知道佢哋11周年結婚紀念。仲特登送咗一大盒朱古力俾佢哋。
不過講到最sweet嘅，仲係呢樣：「老公話全個trip要好頭好尾，所以花咗十幾萬蚊坐（飛機）頭等呀！」嗱，價錢事小，嗰份心意至o氹死人嘛。

 


輸風頭冇所謂，我有我老公錫！（設計對白）


此行包括英國、法國、意大利同埋西班牙，全程坐頭等機位，伍姑娘冧晒。


呢間被好多本權威飲食雜誌選為世界第一嘅El Bulli餐廳，位於巴塞隆拿山上，如果坐的士上去，要4千幾港紙，真係誇張。


伍姑娘叫媽咪姐估吓呢個球係乜？媽咪姐估係鴕鳥蛋，點知原來係芝士球，伍姑娘話：「啲芝士入口即融，一啲都唔漏。」


餐廳送咗呢盒朱古力俾伍姑娘，慶祝佢結婚11周年。要食晒又真係甜到漏。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄