成日覺得，手錶電話呢家嘢，好睇唔好食，即使有話題，銷量亦無保證！不過，對曾經推出過第一代 Watch Phone的 Topodi嚟講，又未必係事實；皆因一年後，佢再翻兜外形相近嘅手機，但的骰「錶肉」背後，竟然可插兩張 SIM卡，支援雙卡雙待，問你服未?!記者：陳國輝攝影：梁細權Model： Bambi@Jasco
其他副刊影片 取 SIM棄 microSD 放大圖片 
■機背放孖 SIM，對唔住！ microSD無位。
記得第一代 Topodi曾 Hit起一股 Watch Phone熱，不論大大小小山寨廠亦玩埋一份，甚至韓國 LG亦唔例外。但今時今日，好老實，呢陣風已經無咗，加上兩代外形差唔多，同樣用金屬錶帶，設計亦欠缺新鮮感，純粹靠雙卡雙待功能，可否撐起$1,880呢個價位，真係見仁見智。不過，手錶配雙卡雙待始終係首次，有 Sales曾經話過，唔少用家批評 Topodi換卡唔方便，首先要除錶，再扭開底蓋、拆電，跟住先可以換 SIM，比一般手機更麻煩，而呢次加多一個 SIM卡位，確實幫到唔少中港人士。但另一方面亦作出犧牲，就係原來 microSD位置被 SIM卡取代，各位想聽歌睇片，就必須靠內置記憶喇！
放大圖片 
■時鐘顯示方式有多種，但行針錶最靚。
放大圖片 
■ SIM的設定與雙卡雙待手機無分別。
扮 3G玩視像通訊 放大圖片 
■送藍芽耳機，款式同第一代無分別。
雖然 Topodi唔支援 3G制式，但入面居然有「視像通話」功能，係咪好邪門？唔係吹水！開啟該功能後，你會進入 Topodi預設嘅內地網頁「手機 KK」，成功註冊並登入後，就可以面對面同另一位朋友互 Chat。但係玩落，同 3G根本係兩回事，所謂「手機 KK」，實情係網上聊天工具，你必須成為會員先用到 Face-to-Face，再者，雙方唔能夠直接通話，全程只用文字交流，感覺似玩緊視像 MSN囉！
放大圖片 
■對方唔一定用手機，就算用電腦亦可聊天。
放大圖片 
■支援 MP3及 MP4格式，音效幾大聲 o架。
Details Snap
放大圖片 
■視像鏡頭在錶面。
放大圖片 
■ Stylus隱藏在錶帶內。
放大圖片 
■電池望落好 Heavy Metal，可惜唔襟用。
放大圖片 
■ USB位有防水金屬殼。
Profile 放大圖片 
制式： GSM 900/1800屏幕： 1.3"輕觸式電池： 450mAh體積： 48（直徑）× 17mm（厚）重量：約 120g主要功能：手寫輸入、音樂及電影播放、藍芽顏色：銀查詢： Like（ 2395 3777） 
留言列表
