07年港姐張嘉兒三年來積極減肥、瘦面兼谷胸，洗甩「豬扒港姐」惡名。逐漸變靚的張嘉兒，事業嶄露頭角，08年，傳張嘉兒與拍拖四年男友金剛分手。回復單身後，她曝光率大增，除了做主持，近日更不時在劇集《女人最痛》及《摘星之旅》客串！
事業轉好，愛情亦有着落。
據知她與高大的外籍教師Danny打得火熱，而身材有番咁上下的張嘉兒，與男友約會時更力谷身材，明益鬼佬男友。
08年，有指張嘉兒為事業狠飛拍拖四年男友金剛，又離奇地被指與林敏驄撻着，不過，她與林敏驄只是霧水緋聞，一瞬即逝，其實，她的真命天子是國際學校鬼佬教師。
據知減肥後的張嘉兒，身邊不乏追求者。一年前，她在一個同學聚會中重遇讀大學時認識的外籍友人Danny，當時正值張嘉兒感情空虛，所以話咁快，兩人就打得火熱。
據張嘉兒好友透露︰「嘉兒同Danny喺溫哥華讀書識，聽佢講男友係南美洲人，兩人當年已經係好啱傾嘅朋友，不過後來嘉兒返香港選港姐同發展，又同金剛拍拖，佢哋就少咗來往。一年前，Danny過嚟香港發展定居，喺蘇豪區租咗個單位，喺港島區的一間出名嘅國際小學教書。Danny都追咗嘉兒一年，佢哋先喺埋一齊。」
原來，07年嘉兒奪港姐冠軍後，負面新聞不斷，被指「豬扒港姐」及「女版William Hang（孔慶祥）」，Danny得悉嘉兒工作不順、情緒受困，不時以email鼓勵女方，更來港工作，近水樓台，終於追求成功。
甜蜜餵爆穀
29歲的Danny，由於放暑假空閒，不時黐實女友，而張嘉兒亦不時與男友在中環出現。本刊在一星期內，兩次撞見張嘉兒與鬼佬男友拍拖。7月6日，兩人踢拖到人煙較少的貝沙灣戲院睇完戲出來，並肩而行漫步走到附近的小巴站。四周冇人時，Danny熱情地餵女友食爆穀，溫馨到痺。未幾他們發現記者，兩人刻意保持距離，更即時改搭的士離開。一星期後（13日），張嘉兒又與Danny在中環食Lunch，男友更護送女友到髮型屋set頭，認真廿四孝。
本刊向張嘉兒求證與鬼佬Danny的新戀情，她雖然死口唔認，但就難忍甜絲絲︰「佢係一個好男仔，我哋識咗好耐！（你哋有冇發展機會？）將來嘅嘢冇人知，我同佢係好好嘅朋友！（咁依家你想唔想拍拖？）都好想o架，到時至話你知！」過氣男友金剛則表示：「我同佢（張嘉兒）最近冇聯絡，吓！有新戀情，咁作為朋友我都祝福佢嘅！」
鬼佬教師vs台灣藝人
07年，奪得港姐冠軍的張嘉兒，入行以來緋聞唔多，男友只得一個金剛，張嘉兒與金剛亦是在溫哥華讀書時認識的。之後再認識Danny，雖然兩人很投契，卻未有拍拖，直至張與金剛分手，Danny才得米。
現任男友Danny
國籍︰南美洲人
年齡︰29歲
身高︰6呎2吋
職業︰國際學校教師
月薪︰約4萬5千
過氣男友金剛（原名：李信樵）
國籍︰台灣人
年齡︰29歲
身高︰5呎10吋
職業︰無綫合約演員（主持及拍劇）
月薪︰約3萬
7月13日餐廳撐枱腳
中午時分，張嘉兒與Danny齊齊到中環的酒吧餐廳撐枱腳，貪那裏環境陰暗，兩人更揀了偏僻位置坐。
撐完枱腳，Danny陪張嘉兒到附近的郵局取信件，便送她到salon整頭，皆因張下午要出席航空公司活動。
張嘉兒唔認同鬼佬拍拖，但就大讚對方人品好，問到他任職外籍老師時，她表示：「佢份人好有愛心，好鍾意細路仔，不過佢嘅職業，就唔方便講嘞！」
去年10月，張嘉兒出席完活動後，即坐的士到中環蘇豪區一所大廈，當時有指她由將軍澳搬到此居住，但估計她是探外籍男友。《蘋果日報》圖片
7月6日踢拖睇戲
當日下午五時左右，不施脂粉身穿街坊裝的張嘉兒與男友從貝沙灣戲院出來，在人多的地方，兩人行到離行離列，非常避忌。
等小巴時，兩人見周圍冇人，即黐實互餵爆穀，溫馨到痺！
近日，張嘉兒出席活動都狂谷事業線，一洗「豬扒港姐」惡名。
張嘉兒（左）不時在劇集中客串，如《女人最痛》及《天天天晴》，差不多日日在電視都見到她。
留言列表
