吳君如06年以40歲高齡誕下愛女陳是知後即母性大發，一直努力追第二個，不過3年來都係得個桔。
追足3年，近日再傳君如有喜，但卻遭她否認，令懷孕消息變得疑幻疑真。不過，本刊收到可靠消息，君如在生仔聖手何永超醫生的全力協助下，2個月前終以胚胎植入方法成功懷孕，更秘密由何文田加多利山寓所，搬到列提頓道一號新居，方便安胎免受騷擾。
吳君如自06年為男友陳可辛誕下女兒陳是知後，坦承一直不設防，希望盡快追多個，君如曾在訪問中直認：「我一路都有搞，冇停止過。」等足3年，君如終於生仔有望。
胚胎植入成功
吳君如為了追多個，一直有幫襯不育救星、香港生殖學會會長何永超醫生。知情人士說：「君如一路都keep住搵何醫生幫手，佢知自己呢個年紀，要有BB嘅機會少過百分之五，45歲已經係極限，所以舊年開始就試埋胚胎植入，終於喺2個月前成功懷孕，不過用胚胎植入方法，要過咗3個月至叫穩定，所以君如都冇同其他人承認過，只係同記者講仲未得。」
君如難得有孕，即刻推掉甘國亮開拍的《熱愛島》，因而激嬲對方，大爆她因有孕而推戲。對此君如仍堅決否認，「因為Peter去咗雲南，我要留低陪個女。我知我有唔啱，我同甘生say sorry啦，總之唔係有咗！」
原來君如對佗B一直否認，是有高人教路，君如身邊友人透露：「君如一直睇開一個神秘高人，佢佗第一胎嘅時候，嗰位高人已經叫佢千祈唔好認，如果唔係BB會好易無，所以君如到就嚟生都唔肯認，佢今次亦唔會認。」
搬竇請助手
君如對自己高齡懷孕非常緊張，為了避開傳媒騷擾，近日已秘密搬到西半山列提頓道一號恒柏園居住。而君如還多請一個助手全程跟實自己，非常謹慎。
周二（24日）晚君如出席首映禮時，記者問她是否用胚胎植入方法懷孕，她即以港人在菲國遇難一事拒答，而同劇演員兼好友周慧敏亦為老友護駕：「以旁觀者角度睇，君如應該係冇懷孕，希望大家俾君如一啲空間啦！」
搬離風水屋
吳君如自03年開始入住何文田加多利山後，即憑《金雞》奪影后，06年又生下女兒是知，絕對是風水屋。但月前君如放棄風水屋，搬到香港列提頓道一號恒柏園。恒柏園分2座，已有37年樓齡，單位由1,400呎（市價約2,000萬）至2800呎複式（市價約3,500萬）不等，而租金約7萬到10萬。為了腹中BB，君如犧牲認真大。
胚胎植入10周才穩定
據婦科醫生靳嘉仁醫生表示，醫生會為接受「胚胎植入」婦女注射「超排卵針」，以刺激多個卵子同時成熟，之後將卵子取出，與精子結合培育成胚胎，最後將質素佳之胚胎移植到母體內，達至成孕。「胚胎植入」成功率可達30%或以上，不過亦會因女性年齡及身體質素而有所改變，而胚胎植入後需10周以上才算穩定。婦女於43歲時懷孕機會只有5%至10%，如年過45歲醫生就不建議再試。
長裙遮肚
當日君如穿上鬆身長裙，還以大貼紙遮肚，絕對係此地無銀。
《蘋果日報》圖片
輕盈跳
不認有孕的君如，周日（22日）出席《得閒炒飯》活動時，仲搵觀眾上台跳舞避嫌，真係睇見都牙煙！
《蘋果日報》圖片
06年君如為陳可辛誕下愛女陳是知，此後為令愛女多個伴，一直努力造人，如今成功有孕，認真可喜可賀。
甘國亮新戲《熱愛島》邀請君如飾演其中一名女主角，可惜君如在開鏡前二日才開聲推戲，令甘國亮大爆君如有孕。
《蘋果日報》圖片
周二（24日）君如和周慧敏出席新戲首映，其間被追問有孕一事時，則以菲國港人遇難為由拒答。
君如周日出席完活動，即往商場停車場上車返新竇，其間仲有多名工作人員護送。
之後君如的七人車熟練地駛入西半山的恒柏園，看來君如已搬進新竇一段時間。
列提頓道一號
君如新竇恒栢園單位由千四呎到二千八呎不等，君如除了為避傳媒，更因新居比舊居加多利山，更近愛女是知就讀的維多利亞國際幼稚園，認真廿四孝。
舊居加多利山
《壹本便利》圖片
06年4月，臨盆前的君如被影到和陳可辛拖手行街，但君如繼續否認有孕：「我到依家都唔肯認，你哋就明啦！」可見君如再有亦不會承認。
婦科聖手何永超（左圖）近日成功為君如植入胚胎，據知君如已計劃在黎姿早前生孖女的聖諾撒醫院生產。
《蘋果日報》圖片
留言列表
