謝霆鋒同張栢芝早前口口聲聲話唔會同二少爺Quintus搞百日宴，並已於上周日（15日）一家人喺屋企食飯慶祝。但轉個頭，上周五（20日），身為嫲嫲嘅狄波拉就喺灣仔福臨門擺咗幾圍為細孫慶祝。拉姑為愛孫慶祝冇乜出奇，奇就奇在當晚只得拉姑同老公鬍鬚Kong、女兒謝婷婷出現。阿爺謝賢唔見，霆鋒又去咗山東拍劇，連栢芝都跟埋去探老公班，齊齊no show。
其實霆鋒兩公婆係喺20號當日至出發去山東拍新劇《劍俠情緣》，就算霆鋒開工改唔到期，而此行只係做跟得夫人嘅栢芝，話要同霆鋒慶祝生日，但霆鋒29號至生日，栢芝大可以出席埋呢餐至走o架？媽
咪姐唔想亂咁猜測，正所謂清官難審家庭事嘛！
栢芝山東入廚樂
散席時，Quintus由傭人抱住，婷婷開路，狄波拉夫婦做左右護法。Lucas則由另一傭人抱住跟喺後邊，當時佢仲好興奮。
記者一湧上前團團圍實，鬍鬚Kong即護實Quintus，場面都幾驚險。
見慣場面嘅Lucas亦被嚇到失聲大喊，喺菲傭身上扭嚟扭去。
22日，栢芝（箭嘴）獨自去到當地街市買餸。
之後仲親自落廚，炮製一頓豐富大餐，阿SaV晒手讚阿嫂犀利。
栢芝仲為各人預備開工飯盒，阿Sa嘅係壽司，上邊仲有個「Sa」字，真係有心思。
老婆出得廳堂入得廚房，霆鋒冧到爆，帶挈阿Sa同Kenny（關智斌）有口福。
霆鋒、栢芝18日仍出席栢文新店開張，但在20日Quintus百日宴當日就齊齊飛上山東。《蘋果日報》圖片
全站熱搜
留言列表
