依家個個明星上微博「收o靚」，但唔係個個玩微博都係高手，要喺微博稱霸，先要學識微博潮語，咁就可以同大陸粉絲有效溝通。本刊精選12個微博常用潮語，一班歌手藝員進行大測試，而話咁快攞滿分嘅黃宗澤同阿Sa，難怪微博粉絲數量高企，稱王封后。
黃宗澤（全中）新朵「波兒」
黃宗澤絕對是微博高用量藝人之一，英文名Bosco更被童鞋們暱稱為「波兒」，他不但經常把日常生活細節放上載，更不時在微博跟人搭訕，亦不避嫌同緋聞女友胡杏兒公然耍花槍，所以微博潮語完全難唔到佢，不用五分鐘便填完。他信心十足話：「我一定攞一百分！哈哈，如果以前讀書係咁就好咯！」
黃宗澤解釋因拍劇等埋位時間多，所以養成上微博習慣，他說：「我介紹晒俾所有朋友，一班人玩至好玩o架！我工作忙，唔可以經常約到朋友見面，依家就算見唔到面，都可以透過微博知道大家近況，拉近距離，微博簡直係偉大發明！」
蔡卓妍（全中） 自封微博皇后
阿Sa興奮地話：「嘩！我最鍾意答呢啲問題，好玩呀！」身邊助手比阿Sa還緊張，在旁提水，點知阿Sa自信話：「得嘞，我自己答！」阿Sa興奮地自封：「我自封微博皇后o架！嘻嘻！」
阿Sa玩微博之齡極短，只有兩個月，但被關注的粉絲數量極速上升，已超過130萬人，爬過港星排行榜之冠的梁詠琪。阿Sa說：「係阿嬌叫我玩先嘅，嗰時啲朋友全部都有玩，當時有好多假阿Sa扮我，所以我咪加入玩囉，點知一玩上癮，中晒微博毒，唔玩唔安樂！」
陳偉霆（答中2題） 扁嘴交卷
William一見問題，"R"晒頭顯得非常苦惱，話：「嘩，我唔識o架喎﹗（你有玩微博？）有，不過……頭兩條一定識，最容易，等我睇吓先，呀！跟住嗰啲唔識喎，佢識我，我唔識佢呀！毫無頭緒！」
他四處張望欲搵人幫手，可惜冇人識，然後佢眼定定對住空白嘅問題，無奈畫咗個大交叉，一臉歉疚話：「對唔住，我真係諗唔到！」唔使對唔住，又唔係樂壇交白卷，唔使咁愁喎！﹗
吳雨霏（答中9題） 集思廣益
鬼妹仔Kary本來只是識得一半，佢話：「死啦！咁多唔識，好低分，頭先老孫（孫耀威）答中幾多題呀？嘩，十題？唔得，我要爭氣啲。」之後佢哀求記者提水：「俾啲提示啦！我成日見到啲fans留言話搶沙發，但唔明點解呀，有冇hints呀？唔該你啦！」之後問助手，又走去問fans，集思廣益，最後只錯了一題﹗
陳柏宇（答中4題） 創意十足
陳柏宇最初只答中四題，但沒有就此放棄，不停試圖從讀音、拆開逐個字的意思去解讀答案，雖然最後仍然答錯，不過創意力十足，加上鍥而不捨精神，值得嘉許，他邊填邊自言自語：「嘩！圍……勃？圍埋一齊？一定係三級嘢。愛扒？扒即係話人豬扒，邊有人鍾意豬扒o架？頂？一定係鬧人，頂人個肺個頂，呢啲唔應該學！」
孫耀威（答中10題） 有紋有路
老孫是較早一批玩微博的香港藝人，不過竟然也被考起，佢話：「愛瘋係iphone，愛扒係咪同一類嘢？係咪ipod呀？冇理由依家仲講ipodo架﹗」他思索良久才寫下：「好啦！我估ipad，因為我都想買部！」老孫得知答中後，即興奮大笑。
陳美詩（答中11題） 電話提水
Macy話：「我係微博先鋒嚟，哈哈，一定難唔到我！」她口噏噏話：「我要滿分，我要滿分……。」其中一條唔識時，她即打電話問朋友，最後問她係咪打俾男友孫耀威？她即甜笑說：「我其實本身係一名宅女，成日匿喺屋企上網，睇得多，所以識！」本來信心滿滿的Macy最後答錯一條，表現得極度失望話：「我仲諗住自封微博公主添！」
莊思敏（答中6題） 升胸唔升呢
近日上圍升呢嘅莊思敏，雖然她自稱是微博之友，不過對微博的認知卻相當有限，只答了五題，她為自己辯護：「我同朋友微博，都係用番平日嘅語言，好少見到呢啲用語！」即係咁，莊思敏雖然因為隆胸成為近日熱門藝人，但係升胸之餘，升呢與fans同步前進都好緊要！
徐淑敏（答中8題） 險交白卷
連升兩級成為人妻同人母的徐淑敏，對住份問題相當懊惱：「我一題都唔識呀，我無玩微博o架，可唔可以搵人幫手呀？」之後猛問人，才不致交白卷。記者笑她out，她說：「學做太太同媽咪，好忙呀！」做少奶奶要keep住in，咁至係聰明嘅女人。
（答中7題）高海寧 陳倩揚 以笑遮醜
高海寧即找好姐妹陳倩揚幫手，不過似乎找錯人，大家水皮鬥水皮，以為陳倩揚識答，點知她在答案欄上畫個哈哈笑，她笑話：「以笑遮醜，嘻嘻﹗」高海寧真係搵錯人喇，最後兩個腦加埋答中7題。
（答中5題）浸大E神 騰雞
楊梓瑤（Carol）填完頭兩條，露出招牌無奈表情：「好深呀，唔識答，點算呀？」記者叫她試用普通話讀音，運用一下想像力，她繼續一臉無助：「即係點呀？」並問助手：「點算呀？」最後助手打電話問人，為她解難，她扁晒嘴話：「我冇見過呢啲用語呀﹗」喺鏡頭前袒胸就咁大膽！反而填份問卷就騰雞到咁，誇張啲喎！
微博潮語逐個捉
現在流行玩微博，先學識箇中潮語，就唔會雞同鴨講，現在將十二大微博潮語逐一解讀。
留言列表
