美國佬拍3D拍到爛,動畫、歌舞、恐怖、動作,乜都立體;都係香港人有腦呀,有乜嘢電影比色情片更需要立體感呢?如果以男角視線作攝影角度,我懷疑會有觀眾邊睇戲邊伸出雙手。
20年前的《玉蒲團之偷情寶鑑》,屬於我未夠秤仍然想偷雞入場的經典。葉子楣接班人雷凱欣話打算三點盡露,加埋大陸代表台灣代表,人才濟濟。個人始終偏愛日本AV女優的敬業樂業,尤其現年21的周防雪子,記招上打扮密實,慘敗俾雷凱欣,但講明熱愛AV工作,做到阿婆年紀都願,邊講邊扯低件衫邊擺出一號甜笑,極高難度迎刃而解。Yeah,我的AV經驗仲停留喺夕樹舞子小沢圓年代,睇嚟要重拾興趣了。

周防雪子:我好怕醜
唔係星探發掘,唔係做唔掂明星焗住AV,周防雪子係主動參加日本灰姑娘AV女優比賽,贏咗,入行,09年年中推出處女作,sell純情,掂喎,立即打入銷量榜頭五名。出咗3隻AV,已經被選中過香港拍大製作,似乎大有機會由AV女優過渡成偶像派。好,我就嘗試模仿周防雪子可愛語氣將日文翻譯成中文。

你好,我係周防雪子。
係呀,我係參加AV女優比賽入行o架,不過,我真人其實好怕醜嘅呢。到今日,算拍過幾齣作品,依然唔敢睇番自己演出,好難為情嘅。
不過,一到攝影廠,攝影機一開,我就會去到忘我狀態,視隔籬左右如無物,全情投入演出。我相信其他女優的心態都一樣。
贏過比賽後,經常有人問我,打算拍到幾時呀?有無想過轉型呀?怎樣說呢,我一直對工作很享受,如果直到我變成阿婆一樣,還有觀眾喜歡看,我相信自己仍然樂意拍下去。
哈哈,我變了阿婆的年紀,你還會想看我嗎?

原紗央莉:日本唔會有人[目及]嘢
周防雪子是典型日本可愛女孩模樣,有德國血統的原紗央莉截然不同,表情cool十倍,擺手指喺嘴邊扮可愛的時候,有點勉強,但大大個E cup打出來,無話可說。
又跟周防雪子不同,原紗央莉本來是水著模特兒,事業發展平平,毅然下海拍AV,大爆,成為最新的AV女王。有興趣認識原紗央莉的,除了參加可能舉辦的探班旅行團外,另一途徑是上新浪微博。對,原紗小姐像蒼井空一樣,極看重中國市場。

 
你好,我係原紗央莉。
能夠拍到《肉蒲團》,對我來說,意義非常大。這是齣大製作,在亞洲不同地方都會上映,我希望自己的知名度可以得到進一步提升,令我可以在不同的範疇發展。
對於我來說,拍攝性愛場面,不困難,困難在我本身是個男仔頭,要在床上演一個充滿女人味的尤物,很尷尬。
怕唔怕俾閒雜人探班?不會吧,喺日本,連工作人員都唔敢隨便走動,怕影響演員情緒後好難回復狀態。在片場出現旅行團?我不相信!

 


衫是電影公司提供的,周防雪子可能心諗無料到,拍拍吓,自動自覺夾出線來,真專業。


論身材,周防雪子不算特別標青,勝在白滑識笑唔造作,ATV打港姐,唔好找o靚模,出多少少請佢好過。


去年年底,曾出席澳門成人博覽,左手邊嗰個就係佢。


機場到埗,阿姐級的原紗央莉唧都唔笑,據說周防雪子表現遠較其親民。


參加的AV女優比賽,模式似《超級巨聲》,到最後階段,周防雪子以大比數勝出,成功入行推出作品。


記招上,密實到暈,俾香港代表開胸到肚嘅雷凱欣K.O。作客,係蝕底啲。


有德國血統的原紗央莉,好高,好大,唔笑靚過笑,頗特別。


既出AV,亦出寫真,AV的銷量現時屬日本最頂尖。

arrow
arrow
    全站熱搜

    stacylife 發表在 痞客邦 留言(0) 人氣()