幫襯千嬅啪骨師　陳自瑤搓胸升cup 忽然1周 785期－明星靚相大分享☆

上周堅挺
上周六陳自瑤出席劇集《女人最痛》宣傳活動，身材瘦削的她上圍變得堅挺，不再如09年（左圖）平坦。

只有32A上圍的陳自瑤（YoYo），身材一直無甚睇頭，但早前她出席《女人最痛》宣傳，竟以三點式上陣，罕露深坑，成功搶鏡！
據知陳自瑤大半年前秘密搵楊千嬅啪骨師陳耀堅教授（Brain Chan）替她徒手挺胸，令只有A cup的陳自瑤升至B cup。
上周五（6日），陳自瑤再到上環陳耀堅的「尚本堂」幫襯，事後她大方承認搵啪骨師挺胸：「依家個胸挺咗，望落大咗一cup！」女友上圍勁咗，男友王浩信聞言即笑笑口說：「佢鍾意就得啦！」

早前本刊踢爆楊怡搵啪骨師Ida徒手瘦面，原來只得32A的陳自瑤亦於大半年前找Ida師父、楊千嬅的啪骨師陳耀堅教授徒手挺胸。據知做完兩次，陳自瑤的上圍已被推高至32B，令陳自瑤欣喜若狂。

一個月做兩次
搓胸升cup的陳自瑤，近期頻穿低胸衫晒料。知情人士說：「大半年前YoYo（陳自瑤）整完一次，見個胸真係firm咗，開心到猛介紹我哋去做。YoYo仲話只要坐姿同站姿正確，無令胸骨移位，挺胸效果可以keep好耐。佢最近幫《女人最痛》宣傳要着三點式，所以7月開始keep住一個月做兩次，務求keep住胸形。」
幫陳自瑤挺胸的大師陳耀堅是加拿大約克大學客席教授，主要以「結構整復」的自然療法替人醫病及矯正面部輪廓，達至美容功效。不少圈中人如邱淑貞、陳寶珠、查小欣、林嘉欣及楊千嬅等是其捧場客，診金一次$1,000，而徒手豐胸則收$5,000。不過陳耀堅不會主動替客人挺胸，要視乎客人有否需要才肯出手。
上周五（6日）晚上7時，陳自瑤再到陳耀堅開設的「尚本堂」上環分店搓胸，當時已過了客人等候高峰時段，她坐下不久陳教授即出來跟她打招呼：「嚟咗啦，等一陣，好快幫你做。」等了不久便輪到陳自瑤，她入房做了四十五分鐘挺胸療程，便轉到房外做磁療。記者聽到女治療師對她說：「磁療幫你軟化塊面啲骨，方便一陣教授幫你推面骨去水腫。」

教授來頭
陳耀堅是註冊自然療法（大中華）醫學會註冊治療師，教授銜頭甚多，他是倫敦高等教育學院健康科博士，又是加拿大約克大學健康科學系客席教授。現任筋膜保健按摩學會及亞洲顱骨治療師協會主席及課程導師。他除創辦「尚本堂」外，亦不斷研究新技術，包括顱面整復技術，面部塑形整復術等，在行內相當活躍。

醫腰骨變挺胸
做完徒手挺胸及推面骨，翌日陳自瑤出席《女人最痛》宣傳時雖穿得密實，但在貼身衫顯露下，上圍較以往明顯堅挺。
記者問她是否徒手豐胸，她聽罷起初雖顯得有點尷尬，但之後亦坦白承認：「我唔止去做胸，全身都做。因為大半年前我脊骨歪咗，朋友介紹我去推骨。佢哋話我胸骨歪咗令個胸走樣，於是幫我推埋胸骨，同埋將走咗位嘅胸部軟組織推番正，咁上圍咪firm番挺番，望落好似大咗一cup。除咗升cup，我嘅腰痛都好番。講真我又唔係求大胸，又抗拒隆胸，咁呢個方法幾好呀，又天然又有保健作用，幫助血氣運行。（痛唔痛？）一啲都唔痛。（係陳教授幫你搓胸？）唔係，陳教授主要幫我推胸骨，當時有着衫，之後就由教授女徒弟幫我推胸，所以唔會尷尬。（你做埋面同額頭！）係呀，因為我左額有少少傾斜凹凸，所以教授幫我推番正。（男友王浩信有冇讚？）佢都話我順眼咗！（咁佢滿唔滿意你依家上圍？）哈哈，唔知喎！」
本周二（10日），記者問王浩信對女友徒手挺胸感覺，他即笑笑口：「佢有同我講，其實佢去整主要係當保健。佢身形一向都好fit，只要佢鍾意同健康，我唔反對佢做，佢鍾意就得。」

解構「結構整復」
陳耀堅所用的技巧名為「結構整復」，是透過改良80年代歐美的徒手技術治療，重組身體結構組織，再配合生物磁療法刺激人體穴位、經絡和內臟器官，達至促進人體自癒能力。其中脊椎是最受關注的結構，一旦移位很容易造成內臟及肢體的病徵。而透過「結構整復」可改善因顱面骨移位所導致的高低眼，大細臉及鴛鴦鼻等不平衡現象。數年前記者曾到尚本堂推骨保健，陳教授叫記者站立給他「目測」，他即能說出記者的關節那兒出了問題。之後他着記者張開口，讓他伸手在口腔內推按牙骨，即時改善記者不對稱面形。
對於徒手豐胸及結構整復，物理治療師Elton Ng說：「結構整復唔屬於物理治療，只係用一啲手法去改變人體，但做完之後照×光同磁力共振都見唔到身體結構有咩改變。病人覺得有改善，係因為喺治療過程中得以放鬆，但未有實質數據證實呢個手法有效。」

名人明星撐

我啪骨咋，無整胸呀！（設計對白）