戒蒲戒滾翻生邦箍掂唐詩詠忽然1周 785期 @ 明星靚相大分享☆

7月30日風騷煲粥
7月30日下午，崔建邦揸車到旺角商場購物，其間不時甜絲絲講電話，春風滿面。

崔建邦自捲入打女友（鄺敏慧）官司後，人氣直插，直至6月才復工，其間獲過氣女友唐詩詠力撐。雖然不時有傳兩人復合，他們卻死口唔認。女方頻話「好dry」，男方則話「見過鬼怕黑」，強調目前單身。
本刊發現，近日崔建邦已翻箍成功。7月4日，崔建邦駕車到唐詩詠寓所接她，而另一日（7月19日），女方亦駕車到男方畢架山寓所過夜，可見兩人又再次翻撻。據知，崔建邦為箍掂唐詩詠，與女方約法三章，不但換走溝女戰車，更戒絕夜蒲。希望今次崔建邦唔係三分鐘熱度啦。

崔建邦去年尾涉嫌毆打中巴鄺敏慧後，全面停工，上月中才獲無綫開恩復工主持《東張西望》。知情者透露：「經過中巴件事，Amigo（崔建邦）先知Natalie（唐詩詠）係最好，喊晒口向Natalie發誓戒蒲改過。不過佢哋分開後又一齊番都有幾次，圈中得好少人知，佢哋亦繼續扮單身。」
崔建邦發毒誓戒蒲戒滾，又將之前的Audi溝女戰車，換了樸實型的mini，向女友大派定心丸。本刊連日來發現，崔建邦的確變乖，除了每天返電視城工作，放工後只是去運動舖買運動裝備，非常深閨。

唐詩詠扮失憶
日前唐詩詠出席某嬰兒品牌活動，指跟崔建邦只是「普通朋友」的她，對對方的近況卻相當清楚，她說：「我哋有共同朋友，成班朋友不時會約出嚟。不過咁，每次聚會我都去唔到！」當記者踢爆7月4日下午，崔建邦曾在她位於廣播道的寓所樓下等候，她即笑說：「哎呀，我都叫佢唔好再去廣播道o架啦，好易引起誤會。佢去港台canteen食嘢，去商台探朋友啫﹗（泊正你屋企樓下喎！）佢話港台嘅嘢好食。（19日見到你揸車去佢屋企過夜。）睇錯喇，唔係我架車嚟，我冇去！真係奇怪喇……哈哈哈！」
記者追問是否不想再被報道二人離離合合的新聞，唐即收起笑容：「係囉！想人知道我嘅工作，唔想成日俾人問呢方面。（有無機會復合？）將來嘅嘢冇人知，如果仲係以前嘅佢，就一定冇可能。以前好盲目，依家我好清楚自己想要乜。（佢變咗好多，為你戒蒲喎！）」聽罷，唐詩詠禁不住冧笑，身邊的經理人見狀，即把她拉走。
8月5日，崔建邦出席活動時，與唐詩詠唔夾口供，他說：「只係好朋友（復合？）唔係……（你哋都有去對方屋企。）好朋友都會見面，不過都係一大班人。（但唐詩詠強調冇見過你喎！）唉吔！我難得返嚟工作，呢啲嘢（拍拖）唔諗住啦！」

之後他便到了運動舖揀T恤，然後就返回畢架山寓所。