8月11日面露笑容
Sammi自寫完剖白信後,連日來在家中閉關,直至周三(11日)首次出席活動,其間一直面露笑容。

 

許志安早前宣布和女友余德琳(Michelle)分手,數日後,舊愛Sammi即按捺不住,撰寫千字剖白拒愛心情。分手事件至今擾攘近兩周,但三個當事人表現各異。成為眾矢之的的安仔連日來選擇避忌封口,直至周三(11日)出席《勁歌金曲》時,落晒形的他才開腔表示要為Michelle澄清。相反Sammi同日出席澳門活動時,全程笑意盈盈,最終更出言力撐安仔。
至於慘成大輸家的Michelle,失去安仔庇蔭後,為生計,局做中環OL。周二(10日)放工時,她為避記者追訪,竟揀搭貨[車立],被發現後落荒而逃,慌忙中更不慎「飛釘」,認真禍不單行!

 
周四(12日),本是許志安43歲生日,自宣告與Michelle分手後,即時與負心漢、賤男等外號掛鈎。據知牛一正日,安仔死黨張衞健、梁漢文等本打算相約到安仔家中食飯慶祝兼為壽星仔解悶,安仔卻斷然拒絕。「安仔話冇心機搞生日,費事到時俾人影咗相,轉頭又話佢撇女成功要大肆慶祝。佢同我哋講想喺屋企避靜,叫我哋冇必要都唔好打電話俾佢。」安仔好友透露。
周三(11日),安仔出席《勁歌金曲》錄影,一直封口的安仔,竟為Michelle澄清:「對於中傷佢嘅報道,我要同佢講句公道說話,好似偷睇sms、迫婚、同居,全部都冇。佢唔係圈中人,唔應該承受呢啲嘢,你哋要俾啲空間佢,我亦要同佢衷心講句sorry。」

8月10日放工飛釘暴走
周二(10日)晚上七點半,為避傳媒,足足遲了個半小時才離開公司的Michelle,由後門貨[車立]離去時,被本刊記者發現,她即急急跑上預先在停車場等候的Audi私家車,由於太過匆忙,Michelle內衣疑似移位,不慎飛釘。

中環做卡地亞白領
分手後,Michelle頓失安仔這個大靠山,連月來亦要為生計而頻撲。據知與安仔分手不久,Michelle便在中環Cartier總公司當秘書一職,月薪近兩萬。「其實開頭唔知佢係許志安女友,因為佢好少同我哋講佢嘅嘢。不過近排出咗咁多佢嘅新聞,全公司都通晒天。試過有口痕友問佢呢件事,Michelle即刻衝入廁所,匿喺入面半個鐘唔肯出嚟!」知情人士透露。

 
與安仔拍拖時,備受照顧的Michelle大把時間打波消遣,但自今年四月中,她在網誌上載這幀打網球的相片後,至今再冇update。

走秘道避傳媒
自安仔單方面宣布分手,Michelle即向公司申請放一星期大假,自閉家中。直至本周一(9日)正式復工。不少傳媒早已得知她在中環怡和大廈返工,過去數日大堂均聚滿記者等候。由於怡和大廈無論地庫、地下大堂甚至一樓均有樓梯和電梯直達三樓Cartier總公司,因此一早收到風的Michelle,返工或放工均由其他通道出入以避過傳媒。
周二(10日)晚上七點半,本刊記者發現原本在六點放工的Michelle,與兩名女同事乘搭後門貨[車立]直達地庫停車場。當Michelle未出[車立]前,先有一名女同事步出視察環境,發現記者後,女同事即用身體阻擋記者視線,繼而撥手機通知[車立]內的Michelle,但還未撥通,心急的Michelle便與另一女同事衝出貨[車立]。其間女同事更用西裝褸冚實Michelle的頭。記者上前訪問:「Michelle,安仔同你分手,你係咪覺得好委屈?」一聽「安仔」二字,Michelle即連跑帶跳,走上預先在停車場接應的Audi私家車。由於太過慌張逃走,她 的內衣一度移位,其間更驚現「飛釘」場面。

Sammi撐安仔人格
Michelle慘情局做OL,至於寫完公開信剖白心情的Sammi,連日來一直留守家中。其經理人郭啟華早前代Sammi覆傳媒:「佢出嚟買包薯片,你哋都話佢係勝利者姿態,唔笑又話佢愁爆,所以佢寧願唔出嚟!」Sammi為避傳媒,更連每周的教會聚會亦沒有參與。一班教友和Sammi家人為開解她,早幾日便到她家中搞了一個飯局。
周三(11日),Sammi出席澳門新濠天地的活動,由於此次是安仔與Michelle分手後Sammi首次出現,因此吸引過百傳媒前來採訪。
雖然備受緋聞困擾,但Sammi全程風騷high爆。當記者問到關於安仔問題時,Sammi雖然統統以「我冇嘢補充!」作回應,但一直面露笑容,再問她本月19日生日怎度過時,Sammi即尷尬地狂笑說:「生日會去廣州,應該都係工作中度過!」
當記者再問她安仔自撇甩Michelle後,形象插水。此時,一直封口的Sammi即緊張地說:「我諗認識佢嘅人都知佢唔係咁,所以唔使講咁多。」可見她仍護「安」心切。

 

 


拍拖兩年多的許志安和Michelle,分手收場,隨即傳出安仔出招趕走女友。《壹週刊》圖片


向前女友say sorry
安仔周三出席《勁歌金曲》錄影,再三為Michelle澄清及說sorry。主持羅敏莊問他生日願望,安仔笑說:「希望個個都開心……自己都開心!」


飛釘


記者追訪期間,Michelle一直把玩手上的iPhone電話,對記者提問不聞不問。


載Michelle離開公司的Audi私家車,司機和前座乘客均是男人。記者事後翻查資料,該車登記車主名叫阿Bill。


護Michelle心切的Cartier職員,連日來每隔半個鐘便接力到樓下煲煙兼為Michelle做「天文台」視察環境,其中束短髮的中年女人,當晚護送Michelle離去時,更當街辱罵記者。


Michelle現時在中環怡和大廈的Cartier返工,由於大廈有不少出口,因此Michelle輕易避過傳媒耳目。


在Michelle的facebook其中一張照片中,站在她身後的女子(紅圈),當晚亦有份護駕並坐在Michelle旁邊。


今年6月,Sammi和安仔被拍得一同現身北京機場,被指關係曖昧。


8月11日澳門開腔
本周三下午,Sammi到澳門新濠天地出席活動,被問安仔與Michelle分手後形象插水,原本一直唔肯多言的Sammi即幫口,對安仔果然好着緊。


活動上,Sammi心情大靚,經常笑到四萬咁口,神采飛揚。


Sammi上周在微博發表的千字文,文中提到自己感情仍是空白,雖然想過和安仔復合,但就從沒有和他復合,一向dry爆的她就渴望快點有愛情滋潤,更求上帝不要讓她等得太久。


8月8日返港封口
安仔自宣布和Michelle分手後,為怕愈描愈黑,一直對事件封口不提,上周從馬來西亞回港時,神情落寞。《蘋果日報》圖片

arrow
arrow
    全站熱搜

    stacylife 發表在 痞客邦 留言(0) 人氣()