周秀娜出書，搞到書展人山人海；周秀娜去大學講 talk，逼爆演講廳；前幾日，周秀娜帶同師妹們搞寫真之旅，一樣爆團出發，娜姐的萬誘引力真厲害，難怪男團友們影影吓都忍唔住突圍入水！文：肥腸攝影：韋迅鳴謝：康泰旅行社
其他副刊影片 團友水着爆過七模 放大圖片 
■男團友影影吓突然除褲只剩三角泳褲走落水，原來想同 mia和 Suki合照。
今次俾康泰諗到必殺絕招，搵來 Chrissie（周秀娜）和六個師妹 A.Lin、 DaDa、 Mia、 Suki、 Betrys、 Jeana，帶領近 60位團友（ 95%都是男團友啦），去到德慶盤龍峽，喺山山水水之下，以相機會 o靚模，不得不寫個服字。今次盤龍峽之旅，主要去生態旅遊區其中三個景點，水車王國、薰衣草王國及森林水世界。只得三個地點？無他，醉翁之意不在「景」，在乎 o靚模也，觀光其次，行程主要活動係同攝影有關，可以對住七模對足幾日影影影……龍友們粉絲們夢寐以求啦。「周秀娜抱抱花田寫真之旅」整個行程的高潮位，在第三日的「碧波蕩漾水世界」攝影環節，一眾 o靚模水着上陣，同團友們近距離接觸，近成點？有男團友因為天氣熱心頭 hot，影影吓終於忍唔住除剩條三角泳褲跳埋入泳池，身貼身與 Mia和 Suki合照！團友搏到盡，反觀 o靚模們的比堅尼外竟加了件 tee，這樣的水着好似保守咗少少囉，有團友就反映有啲失望，好彩最尾都有得同各位模特兒一齊影相。
放大圖片 
■團友加傳媒，再加內地旅客都蜂擁而至，過百支鏡頭瞄準七模。
放大圖片 
■周秀娜與師妹們坐遊覽車進場啦！
較密實的 A.Lin同 Dada於旁邊小泳池拍攝，慘遭餵蚊！
放大圖片 
放大圖片 
Suki、 Betrys同 Mia旅程中表現較文靜。但到水着環節，性感演出殺團友們一個措手不及。
放大圖片 
放大圖片 
放大圖片 
放大圖片 
六位數字器材出戰
一般到盤龍峽區的旅行團，三日兩夜團費約$1,200，今次「周秀娜抱抱花田寫真之旅」，團費加保險及雜費等，大約$2,600。貴成千幾蚊都咁多人參加，因為計落真係抵，除咗有得旅行，平時 book一個模特兒四個鐘都要八百幾蚊，家一共有七模，仲係對住 3日 2夜喎，都未計現今身價出個 show都幾萬元的周秀娜，加千零元，抵晒啦。再者，對龍友來說，可以同志同道合分享拍攝心得，呢個真係無價。粗略估計，團友每人約帶二萬元器材，整個團就有過百萬的攝影器材和電子產品，其中一位身穿「浪子」 tee的龍友，更帶同六位數字的器材隨行。離開盤龍峽之時，一班團友依然興高采烈，仲拎出多部 iPad逐張跟團友分享相片。
放大圖片 
■「浪子」隨身帶備約六位數字器材， pro！
放大圖片 
■旅行社安排導遊擔當攝影助理，幫器材專業的龍友們打反光板。
放大圖片 
■龍友們你一言我一語，不斷指導模特兒擺甫士。
放大圖片 
■為拍得好，有龍友高、中、低角度，甚至青蛙式跪地拍攝。
放大圖片 
■「浪子」三少更自備打印機，即場列印相片，一份簽名另一份送給模特兒，真有心！
放大圖片 
海寶粉絲娜姐上身 放大圖片 
■攝影團中，不少是周秀娜 fans，專程報團支持！
今次旅行團，除了有龍友，當中亦不乏 o靚模的粉絲，即使自己唔多影相，亦報團參加撐偶像，當中尤以 3日 2夜都以海寶造型亮相的趙先生最為突出。他說自己是周秀娜粉絲，不過佢亦好欣賞已為人母嘅 Mia。趙先生之外，好多團友於攝影活動開始無耐，已經多次突破保安的防線，站在 o靚模旁與她們合照。 3日 2夜之旅，訪問過不少團友，大部份都說抵玩，更有說時間不夠，又想增加簽名環節……
放大圖片 
■「海寶」趙先生身穿娜姐 print tee撐偶像。
放大圖片 
■多位團友突破防線跟 o靚模合照，不過過程亦好守規矩。
最搏師妹 Jeana 放大圖片 
周秀娜率領 6位師妹出團，娜姐只露纖腰露滑腿，已教團友們失控。而 6位師妹中，今次最搏是 Jeana，更得到不少團友的讚賞。
Travel Memo 放大圖片 
持有效回鄉證或卡均可。中旅社： 2853 3533「周秀娜抱抱花田寫真之旅」只此一團，不過錯過咗都唔使揼心。因為今次試驗團反應好，康泰及模特兒公司正計劃於 11月添食，地點有待公佈。而康泰平時的盤龍峽 3天團則由$1,219起。康泰旅行社： 2108 8888220V，兩扁腳/三扁腳插座
Crazy for Chrissie 放大圖片 
溫馨提示：可以同偶像去旅行兼影相真高興！不過出發前最好為攝影器材額外購買保險，即使有乜損傷或唔見咗都無咁肉痛。
放大圖片 
中國 廣東下周多雲有雨， 26-35℃ 
■第三日的碧波蕩漾水世界場景拍攝是高潮位，娜姐只露纖腰滑腿出場已令粉絲冧晒！\n
留言列表
