「百果園咪神」陳靜追求者眾，但她對舊愛Square成員趙俊承（Gary），一直未忘情，最近兩人更第二度翻撻，愛得癡纏，還經常鬼祟見面，再一次跟「咪神」相戀，Gary不敢張揚，但情到濃時十指緊扣，戀得低調。

甜品店撐枱腳，DaDa蜜餵Gary食冰。

陳靜（DaDa）樣子甜美，身材出眾，裙下臣自然多不勝數，入行短短數月已爆出她曾跟校長譚詠麟愛將王宗堯以及Square成員Gary拍拖，雖然DaDa跟兩人都是分手收場，但兩位舊情人都曾先後開口力撐DaDa是好女仔。

據悉，DaDa與Gary識於微時，感情很深，入行前還是做模特兒時已認識，俊男美女很易墮入愛河，可惜當年兩人性格不太成熟，經常為小事嗌交，拍拖一年便分手。雖然如此，大半年後兩人仍未忘情，隨即展開第一次翻撻。可惜，之後因Gary入了娛圈，工作量大增，令戀情再度冰封。直至近期，DaDa亦加入娛樂圈，跟Gary的共同話題自然增多，遇上問題都第一時間打給Gary，促使再一次翻撻，Gary深明娛圈之道，第二度偷嗒「百果園咪神」，未敢張揚，兩位當事人對戀情均採取保密態度，愛得很低調。

Gary一手拖着穿四吋高跟鞋的DaDa，認真體貼。

Gary興致到，即場彈冧歌氹女友。

小巷出手代拎袋

日前，兩人鬼祟約會，不用開工的Gary獨自一人在尖沙咀一商業大廈外默默等候，雖然天氣十分炎熱，街上人又多，但Gary沒半點不耐煩，約十五分鐘後，架着墨鏡、穿上跌膊衫的DaDa由大廈步出，收起D cup巨咪的DaDa，只對Gary甜甜一笑，已令男友甜入心，但礙於街上途人眾多，兩人未有拖手，甚至行到離行離列地走去報紙檔看雜誌。直至轉入一條小巷暗角，兩人才放下防線，Gary還很有風度地主動為陳靜拿手上的購物袋。

情到濃時，DaDa與Gary咬耳仔。

兩人拍拖行街，懶理途人。

當日，DaDa先陪伴Gary到通利琴行睇樂器，兩人合拍地玩完鼓再彈琴，Gary更懶理旁人眼光，即席彈了段冧歌氹女友，DaDa亦十分受落，一臉感動兼向Gary投以崇拜眼光，笑着地拍手，雖然全程齋睇冇幫襯，但玩吓小樂器已令兩人十分開心。當兩人離開時，Gary更一手拖着穿上四吋高跟鞋的DaDa，緊緊地來一次十指緊扣！之後兩人更往甜品店食冰，見店內顧客不多，兩人放下防線，你一啖我一啖互餵，旁若無人！

趙俊承Profile<br>英文名︰Gary<br>出生︰86年9月11日<br>演出經驗︰男子組合Square成員，電影《愛情故事》、《關人7事》、《全城戒備》

陳靜

口徑一致四個好

事後，記者致電DaDa與Gary求證翻撻一事，兩人口徑一致，只以「好、好、好、好朋友」來形容對方關係，DaDa說：「我哋係有約會，但唔係拍拖，因應承咗公司要畀心機做嘢，不過大家拍過拖會熟悉啲囉，係好好好好嘅朋友。」至於Gary則表示：「當日拖佢只因為佢着高跟鞋，大家一直都係好好好好嘅朋友，（會唔會拍拖呀？）以後嘅事無人知。」

文：影視組

陳靜 Profile

英文名︰DaDa

出生︰89年3月22日

三圍︰33D、24、34

演出經驗︰「SONY相機T2」廣告、「道地百果園」廣告、陳柏宇《I MISS YOU》MV

施念慈：影響事業棒打鴛鴦

DaDa與Gary「翻撻」成功，不過DaDa日前卻主動向台灣組合AK成員之一的陳奕示好，又大讚對方溫柔及帥氣。對於「愛女」桃花不絕，其經理人公司老闆施念慈（Celia）昨接受電話訪問時，言語間暗示倘若太過影響事業的話，不排除「棒打鴛鴦」的可能，她說：「後生仔女談情說愛，要阻都阻唔到，但做嘢好緊要，如果太過分咪搵棒掃吓，畀啲signal佢哋囉。」

施念慈（左）贊成DaDa在圈中發展，愈多桃花愈好。（資料圖片）

問到Celia是否認識Gary，她笑說：「喺公開活動見過吓咁囉，印象中佢幾好嘅。（放心交個女畀佢？）嘩，點解講到好似結婚咁？所有嘢都係由朋友做起，工作行先。（DaDa春風滿面？）都係o架。（佢好多桃花喎。）呢行愈多桃花愈好。」

陳靜蜜餵Gary食冰降火

「百果園咪神」陳靜人氣急升，最近還成功第二度翻撻Square成員趙俊承（Gary）！近日兩人被拍得抽空鬼祟約會，趁人少少情不自禁地十指緊扣，可謂事業愛情兩得意。

樣靚身材正的陳靜（DaDa）身邊不乏追求者，入行數月已爆出曾與譚詠麟愛將王宗堯及Square成員Gary拍拖，雖然均是分手收場，但再見亦是好朋友，兩位過氣男友更曾出口撐她的人品好。

據知，DaDa一直難捨與Gary的感情，當年同是模特兒的兩人太緊張對方，經常為小事嗌交，結果拍拖一年便分手，大半年後翻撻，可是因Gary入行後工作量大增而再告終。不過，據兩人密友指他倆始終放不低，DaDa入行後與Gary有共同話題，每遇問題即向他求教，造就兩人再翻撻。為保護再長出的愛苗，兩人小心翼翼拍拖但仍被撞破！

Gary與DaDa復合打得火熱，行街時搭膊頭浪漫一番。

Gary與DaDa初時行街十分避忌，隔住一個身位睇雜誌。

兩人轉到小巷即「現形」，Gary主動埋身幫手攞袋。

日前下午，Gary被發現獨自在尖沙咀的商業大廈門外呆等，企足差不多十五分鐘，原來是等情人！戴黑超及身穿跌膊衫的DaDa由大廈步出，雖收起D Cup巨胸，但甜甜一笑已冧爆男友！礙於途人甚多，兩人拍拖相當避忌，相隔幾個身位看雜誌。直到轉入小巷，Gary主動幫女友拿購物袋。

即場彈琴冧女友

其後，兩人到琴行睇樂器，即場玩鼓又玩琴。Gary懶理其他客人，即場彈歌冧女，氹得DaDa一臉感動及拍手，非常Happy！離開時，他情不自禁拖實穿上高跟鞋的DaDa，十指緊扣擺明愛火重燃！兩人隨後往甜品店食冰「降火」，進入店後見食客不多即放下戒心，公然「你一啖、我一啖」互餵，還甜蜜咬耳仔，相信呢場「火」都幾難撲熄！

DaDa與Gary往甜品店撐枱腳，一人一啖互餵食冰，還不時咬耳仔。

放大圖片

Gary露兩手即場彈情歌，冧得DaDa笑晒口。

記者致電兩人求證翻撻一事，兩人齊以「好朋友」作答，DaDa說：「我哋係有約會但唔係拍拖，因為應承公司畀心機做嘢，大家只係好好好好朋友。」Gary則說：「拖佢因為佢着高踭鞋，大家一直係好好好好朋友。（再拍拖？）以後嘅事冇人知。」對於DaDa翻撻Gary，她的經理人公司老闆施念慈受訪時暗示，若影響事業的話將出手棒打鴛鴦：「做嘢緊要，太過分咪搵棒掃吓，畀啲提示佢哋囉！（識唔識Gary？）見過吓，印象中幾好嘅。」

影視組