晒胸吳千語露背連詩雅互當透明

「第三十一屆香港電影金像獎頒獎典禮」將於明日舉行，鑑於影后絕對是葉德嫻的囊中物，賽果欠驚喜。反而新演員之爭更有睇頭，候選人連詩雅及吳千語作最後衝刺試戰衣，前者大露背示人，後者則以事業線抗衡，提到心水人選時更互當透明，火藥味濃！

一向走玉女形象的吳千語，將罕有地穿低胸裝出席頒獎禮。

一年一度本地影壇盛事「第三十一屆香港電影金像獎頒獎典禮」將於明晚假香港文化中心舉行，以往影帝、影后花落誰家均是討論焦點，不過先後憑電影《桃姐》五度封影后的葉德嫻，依照目前戰況推算根本冇得輸。

連詩雅勤做背部磨沙，誓要爭做金像獎最佳影「後」。

吳千語亦有揀選露背晚裝。

連詩雅坦言近日緊張至失眠。

喪做運動發洩

基於影后人選塵埃落定，焦點自然落在其他獎項上，戰況最激烈的，要數新人獎之爭！連詩雅（Shiga）與吳千語（Karena）分別憑《喜愛夜蒲》及《開心魔法》角逐「最佳新演員」，同是模特兒出身的二人曾是好姊妹，但一談到獎項即無情講！早前公開談及心水人選時，竟互當透明，Shiga睇好蕭敬騰及盛鑑，Karena則睇好鄭爽。

吳千語與設計師Cecilia研究服飾。

吳千語《開心魔法》
吳千語憑與吳尊合演的《開心魔法》獲提名「最佳新演員」。

連詩雅《喜愛夜蒲》
連詩雅於《喜》片與沈志明有床戲。

頒獎禮日子逼近，兩女行動再次升級，更先後前往揀戰衣。睇中Hugo Boss白色雪紡連身裙的Shiga，毫不吝嗇騷滑溜背脊及42吋長腿。她透露近日心情緊張失眠，就連母親也緊張埋一份，只好喪做運動發洩，並勤做背部磨沙，務求明晚以最佳狀態示人。

葉德嫻被看好在金像獎再下一城。

鄭爽《畫壁》、盛鑑《龍門飛甲》、蕭敬騰《殺手歐陽盆栽》

老闆送衫獎勵

另邊廂，首度參與電影盛事的Karena亦不敢怠慢嚴選戰衣，更邀請時裝設計師Cecilia Yau做軍師。玉女派的Karena為頒獎禮大解放，谷胸露事業線兼露背又露肩，還試穿透視晚裝，性感度不遜於Shiga。結果她揀了三款戰衣，統統由老闆黃百鳴送贈作獎勵。對於新人獎戰況，Karena坦言睇好鄭爽：「我睇過佢做電視劇，好有實力，演技係入圍者之中最好嗰個。」提到她與連詩雅爭獎爭出火藥味，她說：「獎項唔到我管，由評委選。（覺得佢演技？）個角色OK，佢做得好放，要有勇氣先做到。」

Profile

吳千語

英文名：Karena

生日：1993年10月27日（18歲）

三圍：33、23.5、34

連詩雅

英文名：Shiga

生日：1988年6月29日（23歲）

三圍：33、23、34

文：影視組

Baby做司儀 預咗畀人玩

金像獎司儀曾志偉、Angelababy和鄭中基等昨日到香港文化中心出席拜神儀式，並宣布李雲迪、葉德嫻任表演嘉賓，舒淇、柯震東、高圓圓、楊冪等則任頒獎嘉賓。

右起：鄭中基、志偉、曾寶儀、林家棟及Baby將任金像獎司儀。

Baby希望志偉等人「口下留情」，盡量少玩她。

Baby笑言已有心理準備當晚被曾志偉整蠱。早前柯震東表示很欣賞Baby，她說：「我當佢係弟弟，佢唔係有緋聞咩（與蕭亞軒）？（你覺得襯唔襯？）一定襯過同我。」提到緋聞男友黃曉明與林兆霞（Brenda）於新片演情侶成熱話，Baby大讚Brenda斯文可愛。問覺不覺有威脅？，她說：「幾大架！咁紅，好容易比下去。」

志偉表示頒獎禮當晚不會拿Baby的感情事開玩笑，鄭中基則透露囡囡經常坐學行車追狗，並想再生多個。

劉嘉玲Deanie互笠高帽

有份角逐今屆金像獎影后的葉德嫻（Deanie）與劉嘉玲前晚出席活動，Deanie笑言知道大家偏心想她得獎，如果再封后亦不會特別獎勵自己。問看不看好嘉玲奪女配角？Deanie大讚對方是好演員，並透露當晚會任表演嘉賓唱歌。

劉嘉玲以性感低胸裝亮相，明艷照人。

劉嘉玲笑指葉德嫻拎獎拎到手軟。

被Deanie讚賞的嘉玲笑謂：「我睇好佢至真，頭先合照我都話佢拎獎拎到手軟。」問她看好誰稱影帝？她謂：「個個都好，我唔揀。（偏心邊個？）個個都偏心。（梁朝偉陪你出席？）佢去都冇嘢做（冇提名）。」另外，有指嘉玲在微博下載舒淇的陳年艷照，她謂：「我係想睇下佢點解刪走微博同咁嬲，入到去都唔係嗰啲相。」

姜文今抵港 稱帝呼聲高

今年金像影帝之爭相當激烈，入圍者全是殿堂級實力演員。由姜文自導自演的英皇電影《讓子彈飛》叫好叫座，之前在內地舉行的中國電影導演協會2011年度表彰大會上已連奪三獎，加上姜文落實今日來港，故呼聲甚高。同樣憑《讓》提名影帝的葛優，因要照顧患病老父，故此未能與姜文同出盛會。

葛優、姜文

另外，劉青雲奪獎呼聲同樣很高，雖然他有兩套戲提名，但當年任達華亦是在同樣情況下封帝，證明「自己打自己」是好先兆。

霆鋒孖經理人赴會

憑英皇電影《新少林寺》角逐男配角獎項的謝霆鋒，去年與前妻張栢芝恩愛出席金像獎頒獎禮，如今此情不再，栢芝事先張揚不出席金像獎，屆時霆鋒可能換上經理人陪同出席。另外，有份角逐影后的內地女星高圓圓，未知是否近日與趙又廷的姊弟戀炒得太熱，原定今日來港試戴贊助首飾的她，前日忽然改變主意，轉乘明天航班來港。

霆鋒自復活節一直留港陪兩兒，至下周二才返內地工作。