由王祖藍、李思捷、阮兆祥（祥仔）及汪明荃演出的無綫節目《荃加福祿壽》，自播映以來除了口碑甚佳，叫好叫座之外，節目內容更成為YouTube熱播項目，而上周節目收視飆升六點，平均高達三十點，有一百九十一萬多觀眾收看，最高更有三十三點收視，平了二○○八年台慶頒獎典禮收視紀錄，成績顯著，有見及此，無綫有意將節目搬上舞台，預計農曆新年在紅館演出。
祖藍成功反串，博得觀眾的歡呼聲。（資料圖片）
搵欣宜一齊玩
而祖藍、思捷、祥仔對此表示十分支持，當中祖藍承認有傾過，但暫未落實，祖藍表示：「都渴望會成事，到時請番我哋扮過嘅真身一齊嚟玩就好喇。（最想請邊個？）欣宜，佢係個好好嘅綜藝節目腳，有佢一齊玩好開心。」而問到祖藍現時《荃》可有帶挈他搵真銀？他表示暫時全力做好節目，未有空檔搵真銀，最緊要觀眾喜歡睇、與觀眾成為朋友。
享受萬人掌聲
至於祥仔指若節目真的在紅館演出，感覺似完成他演舞者心願，他笑說：「平時錄影廠得八百幾觀眾拍手，喺紅館有萬幾觀眾歡呼，係一種享受。」
福祿壽經常討論「少女心事」，十分搞笑。
此外，提到上周無綫接獲四個有關《荃》的觀眾投訴，當中一個是投訴祖藍頻扮女人，而祖藍對此謂：「我自己都想投訴埋一份，我都有啲厭，不過有百幾萬人想睇，都冇辦法。」
福祿壽「串」爆紅館按住搶錢
扮嘢扮到上紅館，王祖藍、李思捷和阮兆祥成為「扮嘢達人」指日可待！《荃加福祿壽》將於農曆新年搬上紅館演出，節目令無綫賺錢，而暫未有錢落袋的祖藍、祥仔和思捷則享受目前有名無利的過渡期，祖藍說：「我同觀眾做住朋友先，錢可以慢慢搵！」
三位扮嘢「達人」目前雖未能藉此來搵真銀，但祖藍卻淡定地表示錢可以慢慢搵，最緊要與觀眾做朋友，大有放長線釣大魚之意；祥仔則較有夢想，他笑言在紅館扮嘢是演舞者的心願，搵錢只是其次；而思捷則認為如果成事會是一件好事，對於「福祿壽」反應理想，他大感開心，揚言是一個好開始。
祖藍扮女人接投訴
對於搬上紅館一事，祖藍承認有傾過，但暫未成事。祖藍說：「有得演梗係去，仲好渴望添！想搵番之前喺節目中扮過嘅嘉賓出席，當大Party咁搞，最想請係欣宜，因為佢係一位好腳，有佢一齊扮，特別開心。（未搵到真銀？）未！想全力做好呢個騷先。（好多投訴話你扮女人？）自己都想投訴埋一分，但百幾萬觀眾想睇我扮女人都冇辦法。」而對扮嘢演出甚有理想的祥仔，得悉會搬上紅館演出，開心得以圓其演舞者心願來形容，並笑說：「呢個係大挑戰，平時喺廠錄影就得八百幾個觀眾拍手，而喺紅館就有萬幾觀眾歡呼，簡直係享受！（收視高？）大家錯愛啦！（有名無利喎？）播咗三集啫！凡事都唔好急功近利。（添食？）我唔想住，都要抖抖！因為一晚試過扮六個造型，如果添食太快，我唔想咁求其！」
留言列表
