女人三十，與「陽光少女」四個字簡直大纜都扯唔埋，就算唔怕黑，提起雀斑都心驚驚。惟獨是樂基兒，今年踏入三字頭，皮膚白滑似二十，沙灘外景、鎂光燈拍攝統統無有怕。細問護膚防曬美白心得，隨時倒得出一籮保養貼士，堪稱是最專業襟曬的陽光小小姐！記者：葉雪芯攝影：陳陶鈞鳴謝場地提供： Sugar@東隅V壹網：襯出夏日潮男裝@本地風http://www.vdonext.com/index.php?fuseaction=Features.Archive&channel_id=575783&program_id=704010
其他副刊影片 起身第一件事搽防曬
見到樂基兒（ Gaile），既羨慕亦妒忌。講愛情，嫁為人妻已是幸福少奶奶；講事業，貴為香港首席模特兒，剛過檔仲可以同 honey拍住上一齊搵銀；講自身，剛踏入中女關口三字頭，依然人靚樣甜白白淨似少女。以上種種她大可以向大家晒命，不過佢反而愛「晒」皮膚：「我鍾意陽光，見到太陽，人都會開心啲。不過大家睇我咁白淨，以為是我偏愛這種膚色，事實上黑不是問題，蜜糖膚色我 OK，反而防曬方面我就落咗好多心機！我有自己的一套防曬方程式，就係朝早起身第一件事要即刻搽防曬，寧願妝可以唔化，早餐都可以暫時唔食，全身搽一層 SPF 70先，面部搽 SPF 30或 SPF 50都應該足夠。等半個鐘之後先至搽 cream和化妝，當然最好選擇有防曬度數的化妝 base，基本上無搽防曬我係唔會出門口嘅。」
放大圖片 
■ Gaile每次去旅行都一定會帶備噴霧式的防曬，貪其夠方便，例如背部這類難以自己塗抹的地方，一噴就搞掂，真正不求人！
放大圖片 
■ Neutrogena輕透無感防曬噴霧 SPF70，質地輕爽，方便塗抹，由頭到腳、何難擦部位都容易噴到。$139.9/141g
放大圖片 
■ Gaile最愛沙灘陽光，特別愛 outdoor job，但三十歲人連一點淡斑都無，睇佢咁勤力去做防曬，紫外光好難過得了她的防曬金鐘罩！
放大圖片 
先防曬後美白
世上沒有醜女人，只有懶女人。這句說話 Gaile應該好 buy，要白滑，仲有好多手尾跟：「一星期我至少做四次深層美白 mask，最好冲凉時做，皮膚吸收好啲。其實先防曬後美白永遠無錯，用啲有效的防曬產品，就算做少少美白都可以有好好效果。有啲女仔花好多錢去買防曬霜，但之前我試玩過一個紫外光機做測試，原來有效定無效即刻現形！所以揀啱牌子我就唔會再轉喇。」
Gaile大測試： 放大圖片 
1.將兩個不同牌子防曬霜擠在測試膠片上。
放大圖片 
2.再將兩張膠片放上紫外光測試帶，再放入紫外光機約 20至 30秒。
放大圖片 
3.取出後，可以清楚見到中間的測試膠帶變淡紫色，表示防曬霜無辦法完全阻隔紫外光；而右邊的測試帶依然很白淨，可完全阻隔紫外光。
水上運動更要防曬 放大圖片 
■做水上運動， Gaile推介防水防汗的防曬乳霜，但佢提醒每隔一至兩個鐘就要補搽。
Gaile興趣多多，一時要做設計師，一時又要做時裝雜誌編輯。以上的事慢慢做不趕急，但夏天殺到埋身， Gaile今季最大興趣就是 wakeboard、 skateboard、潛水等水上運動。但她就提醒各位咪以為在水中非乾煎就可以放鬆防曬功夫，其實這種情況反而仲容易曬傷：「水上運動時皮膚沾濕水，凉浸浸的感覺令人以為無咁易曬傷，其實此時反而忽略了做防曬。因為防曬用品好快就會被水洗走，所以一定要用防水防汗的防曬產品，每隔一至兩個鐘最好補搽一次。」
放大圖片 
■ Neutrogena Ultra Sheer運動型輕透防曬乳 SPF 50+/ PA+++，四小時防水防汗仍可維持高防曬能力，添加了電解質複合物，補充流汗時流失的礦物質。$129.9/100ml
放大圖片 
■ Neutrogena Ultra Sheer輕透無感高效 UV防曬露 SPF50+/PA+++，蜜桃色有白裏透紅的效果，可修飾膚色不勻。$135.9/30ml
放大圖片 
■ Neutrogena Ultra Sheer輕透無感高效 UV防曬露 SPF50+/PA+++，粉紫色可以作化妝打底用，修飾暗啞及偏黃膚色。$135.9/30ml
放大圖片 
■講到今季最愛的防曬新品， Gaile就情傾這兩款有調色作用的防曬乳霜：「有時唔夠瞓或者面色唔好，就可以用佢嚟調校面色，防曬同化妝 base集於一身，好方便！」
查詢： Neutrogena（ 2736 3885） 
留言列表
