陳敏之今次在劇集《怒火街頭》中有新嘗試，將會飾演妓女，當中不乏性感造型及具挑逗性的場面，敏之更戴了兩個 bra加強效果，還希望到一樓一實地視察。首度拍無綫劇集的李璨琛則直言因角色吸引，不介意為理想貼錢打工。

無綫劇集《怒火街頭》昨日在電視城試造型，鄭嘉穎、胡杏兒、陳敏之及首次拍劇的李璨琛等演員出席，飾演妓女的陳敏之一身低胸熱褲造型十分養眼，搶去不少風頭。劇中稱為「索腿天后」的陳敏之，坦言今次將會有不少新嘗試。

擬到紅燈區視察 放大圖片

（左起）李璨琛與陳敏之及滕麗名等合拍新劇，他表示為理想不介意貼錢打工。

敏之笑說：「我喺戲入面會有好多性感嘅服飾同埋有啲挑逗性嘅場面，仲會有一場話我裸體追賊，真係入行咁耐都未試過。雖然我睇咗好多次《我不賣身．我賣子宮》劉美君喺戲入面個角色，不過我都打算實地視察。」講到今次為這性感造型，敏之直言下了不少工夫，她笑說：「我戴咗個 nude bra同 push up bra，加埋我自己嗰少少先有呢個效果。」據知此劇大部份場面會在深水埗拍攝，敏之表示已經有心理準備被人問價。對於敏之的裸跑戲，監製唐基明說：「始終電視尺度有限，所以我哋家仲諗緊會點樣拍，但係我都有聽講敏之想去見識吓，或者到時會陪佢一齊去。」雖然還未知拍攝效果如何，但已令觀眾期待。

李璨琛貼錢拍劇 放大圖片

鄭嘉穎坦言與胡杏兒合作放心，不怕傳緋聞。

首次拍劇的李璨琛今次將會飾演社工，問到酬勞，他說：「我平時捽碟兩晚嘅錢都多過拍劇，但係我覺得呢個角色好吸引，加上又未試過同無綫拍劇，所以我預咗呢兩個月會畀晒部劇，家又冇乜經濟負擔，所以可以為理想做啲鍾意嘅嘢。」飾演流氓律師的鄭嘉穎，今次再度與胡杏兒飾演情侶，嘉穎笑說：「我好放心同杏兒合作，因為呢個一定冇緋聞。」嘉穎也表示對《鐵馬尋橋》的成績滿意，打算相約演員食飯欣賞結局。採訪：何慧斯攝影：彭琮然


首度飾演妓女的陳敏之將有大膽嘗試，她表示有意實地視察。\n

陳敏之演妓靠實地考察

陳敏之（圖）、鄭嘉穎、李璨琛昨日出席劇集《怒火街頭》造型活動，在劇中演妓女的敏之谷胸上陣，卻還比另一演員朱婉儀密實，敏之說：「我冇佢咁好身材嘛！但我都整咗好多嘢，戴咗nude bra同push bra，（都有啲效果！）我都有少少㗎！」她坦言拍接客戲份時都會打扮得性感及挑逗，更不排除要到深水埗企街：「都有心理準備會有人問價，亦有睇番啲電影同做實地考察，做咗好多功課。」敏之又透露於劇中有裸跑戲份，非常大膽。同場的嘉穎繼《烈火雄心3》後再度跟胡杏兒合作，問對方的緋聞男友黃宗澤有否叫他照顧杏兒時，他說：「冇喎！（對你好放心？）我對自己非常放心，呢個一定冇緋聞。」

陳敏之

陳敏之雙Bra谷事業線

圈中有不少女星都是長腿一族，高妹陳敏之加入無綫後，憑着高挑身材，獲得不少演出機會，最近她接拍無綫劇集《怒火街頭》，與鄭嘉穎、胡杏兒及梁政珏等合作。身穿低胸裝扮妓女的陳敏之谷盡事業線，她說：「我都整咗好多嘢！戴咗Nude Bra同Push Up Bra，我都有少少o架！」她表示為角色都做了不少功課，更買了劉美君主演的《我不賣身．我賣子宮》影碟參考，稍後會到深水埗作實地考察：「拍接客時都會打扮得性感及挑逗。（怕唔怕到時有人問價？）都有呢個心理準備。」她更透露於劇中有場大膽的裸跑戲。

而鄭嘉穎與胡杏兒繼《烈火雄心3》後再度合作，問黃宗澤有否叫他照顧杏兒時，他說：「冇！（佢對你好放心？）我對自己非常放心，呢個一定冇緋聞。」而李璨琛首次接拍無綫劇集，他表示純粹對劇中的「流氓社工」角色感興趣，問他是否拍電影酬勞較多時，他說：「其實我打兩晚碟嘅價錢都貴過拍一套劇。」

身材驕人的梁政珏，被陳敏之搶去風頭。



鄭嘉穎與胡杏兒合作，不擔心傳緋聞。



陳敏之在新劇中飾演妓女，露長腿及晒胸。