明星靚相大分享☆

下月 24歲的應屆港姐季軍莊思明，當選初期被狠批豬扒，前晚她與超級巨聲大孖周志文結伴行街睇戲，兩人沿途表現親暱，莊思明施嗲功狂冧 21歲的周志文齊齊食燒餅，更孖住欣賞《非誠勿擾 II》。

其他娛樂名人影片

名模莊思敏胞妹、大馬拿督女兒莊思明，去年當選港姐季軍後因被指貌似周啟邦兒子周國豐而被狠批為豬扒港姐，其孖生家姐莊思華也成為新聞人物，不過下月 24歲的莊思明卻越見順眼，即令人揣測莊思明是在愛情滋潤下變靚。

放大圖片

應屆港姐莊思明和周志文不避嫌行超市，表現親暱。

放大圖片

周志文敵不過莊思明的冧功，最終齊齊孖住食燒餅。

捐錢唱歌撻着

事實上入行不足一年的莊思明緋聞寥寥可數，去年 12月她為東華籌得 6萬多善款，當時她自爆現年 21歲的超級巨聲大孖周志文以「無名氏婆婆」捐出一千元支持她，令她大受感動，不過當日她就堅稱兩人屬好兄弟。雖然莊思明曾指與周志文沒有發展機會，但前晚 7時兩人卻結伴到銅鑼灣時代廣場的 city' super親密逛超市，兩人沿途有傾有講，表現得非常親密及有默契，他們更主攻行零食部和扒類，不過最後都空手而回。其間經過一間專買日式燒餅的小食店，莊思明即食指大動，但同行的周志文就似乎興趣不大，莊思明即以一把嬌嗲聲線狂冧對方，並說：「好食喎，不如一人買一個。」周志文起初以很飽婉拒，但莊思明繼續發揮冧功，並主動付款買了兩個燒餅，最終周志文冧爆答應。

買定飛睇《非 II》

兩人知道被發現即表現避忌，並火速到對面的便利店，不過由於二人無法擺脫記者，無奈任影，莊思明更坦言放甩記者失敗，並說：「見放唔甩你哋，而且又買咗飛睇《非誠勿擾 II》，咁惟有企喺度買嘢等開場囉。」最後兩人見時間到即匆匆趕入戲院欣賞電影。採訪、攝影：楊浩賢


莊思明比周志文大三年，但外形上十分合襯。