明星靚相大分享☆

劉嘉玲跟梁朝偉由相戀到結婚，當中有過許多不同的經歷，人在變，但浪漫情懷不變。在這資訊發達的年代，他們仍堅持以書信傳情，將難以啟齒的說話，寫成信件放在枕邊給對方，就算是簡單的幾句，都可以變成情書。

劉嘉玲在《最強囍事》僅佔四天戲份，但有多個造型，包括空姐、 o靚模及作家等，她以往演繹過許多類型的角色，但上述幾個角色卻未演過。

放大圖片

嘉玲會將情書放在保險箱，留待日後回味。

放大圖片

嘉玲喜歡寫情信給偉仔，她說這樣可感動對方。　資料圖片

情書藏保險箱 放大圖片

嘉玲讚葛優在《讓子彈飛》中帶領她入戲。　劇照

嘉玲扮 o靚模絕對超齡，不過最緊要有「事業線」，作為一部賀年笑片，胡鬧點沒關係，最緊要睇得開心，所以她不介意露事業線扮 o靚妹，她說：「打扮係得嘅，不過年紀唔似，事業線我都有，反而係每日拍戲要扮一個造型，快得滯，未嗒真味道已經轉咗妝。細個想做空姐，又夢想過做作家，今次都扮到。」問梁朝偉看見嘉玲的 o靚模造型有何反應？她笑說：「佢咪嗗一聲吞咗落去。」嘉玲夢想過當作家，現今微博流行，每個藝人都變成作家，除寫微博，嘉玲也愛寫散文：「自傳就唔會寫喇，散文寫畀自己睇，唔會出書，只係將每個感受記落嚟。」原來嘉玲跟梁朝偉多年來也愛以書信傳情，嘉玲說：「我嘅年代流行寫信，我覺得寫信好浪漫，好易感動對方。姜文搵葛優、發哥（周潤發）拍戲都係寫信。我會將封信放喺床邊等偉仔睇，呢啲係情趣，信件會放喺保險箱，好有收藏價值。家啲人應該多寫信，可以提高中文水準，想表達自己、或者有嘢講唔出口，咪寫出嚟囉。過時過節吓吓 SMS，轉發再轉發，太無感情，親密嘅朋友我都會親自打電話，咁可以聽到朋友把聲。」

自認唔識搞笑 放大圖片

甄子丹與嘉玲在《最強囍事》中齊齊搞笑。

另外，在《最》片中甄子丹放下宇宙最好打身份與嘉玲齊齊搞笑，嘉玲自認並非擅拍笑片的藝人，她說：「一直覺得自己唔識搞笑，冇呢方面嘅細胞。同葛優合作《讓子彈飛》都係佢節奏好帶到我出嚟，周星馳、葛優搞笑自己唔會笑，假如甄子丹有（搞笑），咁我都可以，今次同佢未熟絡已經拍完，希望下次再有機會合作。」採訪：魯萍　攝影：陳俊強


曾想過當作家的嘉玲愛寫散文，將自己的感受記錄下來。