Move捉馬騮 百變造型睇見就嬲
邊有人仲用手掣捉馬騮 o架？按個掣就捉到始終唔傳神，都係拎住支 Move棍 Fing Fing吓！化身成網，笠住啲百厭又啜核嘅死馬騮特別肉緊；今個月尾出嘅中英文合版《揮一揮！捉猴啦》，啲馬騮仲加入新造型，令你更易明白故事流程！文：阿洛
超必超爽快 放大圖片 
最新一代《揮一揮！捉猴啦》中英文合版，將於月尾見街，今次最大賣點係支援 Move；一拎起支 Move，畫面就會變成個網，啲嗶波猴衝埋嚟就可笠住佢，玩法同之前幾代完全唔同，新鮮感滿載！除咗化身成網，仲可轉換「武器」，例如變成可以拍馬騮同背景物品嘅紙扇，又或者可以轉用射擊用嘅「丫叉」，變到好似射擊 Game咁玩，而遊戲過程都有好多關卡需要用到射擊技巧，仲有就係新追加嘅「超必」，「強力吸猴器」同「香蕉轉化器」，好爽！
放大圖片 
■馬騮造型寸到爆，「拿破猴」？仲有註解 㖭！吹咩！
放大圖片 
■可以儲起不同馬騮造型嘅名冊，仲有影片。
放大圖片 
■捉馬騮都要狙擊？玩法多啲囉。
放大圖片 
■如果俾啲衰馬騮整暈，就要狂 Fing控制器。
中文版獨有最新造型 放大圖片 
可能你會覺得呢類 Game，出中文版好似無乜用；錯晒！今次有好多製作水準好高嘅動畫場面交代劇情，而且故事可謂賺人熱淚，筆者睇到「嗶波猴」大佬嘅身世真係眼濕濕呀！「嗶波猴」嘅造型一向抵死，今集更加玩嘢，隨住唔同關卡嘅主題，沿途會見到扮西裝友、喪屍、學生妹…… 777種造型嘅「嗶波猴」，而中英文合版更會新增《 Little Big Planet》等多個造型，得意可愛到爆，女朋友坐喺側邊睇都唔會悶，媾女必備！
放大圖片 
■故事動畫水準幾高，有中文字幕自然更了解劇情。
放大圖片 
■繼續有捉猴連技，一次過捉幾隻會高分啲！
同梱版送你蕉套 放大圖片 
■同梱版送嘅蕉形保護盒，可保護你嘅 Move控制器。
上個月買咗日文版嘅機迷可能會嬲嬲哋！因為中文版獨有嘅 Move同梱版，隻 Game會連多支 Move掣，等你可以玩協力雙打玩小遊戲；此外還會多送造型極有品味嘅香蕉形 PS Move保護盒。呢隻蕉形保護盒，除咗可以用嚟放支 Move外，應該仲可以自行發掘到一啲神秘用途，令佢成為你最貼身嘅物品，例如……用嚟做眼鏡盒，裝牙膏牙刷去露營等！
放大圖片 
■雪地關卡，班馬騮除咗扮企鵝仲會着羽絨，同近排香港人一樣。
放大圖片 
■啲馬騮埋你身就係想搶你啲香蕉，搶晒你就輸。
Profile 放大圖片 
Ape Escape On The Move！中英文合版類型：動作廠商： SCE JAPAN Studio發售日期： 1月 31日人數： 2人 
留言列表
