最近好受歡迎嘅 now101台遊戲節目《撳錢》，噚日落區去屯門舉行「全城撳錢嘉年華」，農夫、黃婉曼同 Keyman等幾個主持都有出席。

將有加碼活動

噚日 100位參賽者要答四條問題，全中可瓜分 10萬蚊超市禮券。有長者、孕婦拖埋老公一齊玩。最後有 70人答中四題，每人分別得 1,450蚊超市禮券。農夫話之後會有個加碼活動：「四月十日有個《撳錢王》，可以一人獨得 50萬獎金。到時唔只八條問題，總之問到得番一個人贏。如果有一題全部人錯晒，就會有復活機制，嗰一批人再作答，綵排時我哋都玩咗幾個鐘，預咗正式就要通頂。」

放大圖片
黃婉曼早排被影到同新男友拍拖。資料圖片

黃婉曼早排被影到同新男友拍拖。資料圖片

放大圖片
農夫透露《撳錢》遲啲有加碼活動，到時會有一位幸運兒獨得 50萬。

農夫透露《撳錢》遲啲有加碼活動，到時會有一位幸運兒獨得 50萬。

慘被農夫揶揄 放大圖片
噚日有成百人報名玩遊戲，爭奪 10萬蚊超市禮券。

噚日有成百人報名玩遊戲，爭奪 10萬蚊超市禮券。

另外，農夫噚日喺台上猛揶揄黃婉曼喺節目講錯嘢，又笑佢拍拖，話佢遊魂諗住男友「翻版林峯」。黃婉曼猛呻：「十世先出一次街都中招，佢係圈外人，上報紙係有壓力，大家手下留情啦！俾我去街食吓飯得啩。」問黃婉曼男友係咪似林峯？佢話：「唔講，費事佢囂。」再問男友會唔會玩《撳錢王》，黃婉曼好嬌嗲話：「拍拖算唔算家屬？可以玩啩，佢之前玩過，但我唔會通水。」


黃婉曼歡迎男友玩《撳錢》，仲話唔會通水。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄