首次登記稅高企下，環保車優勢不言而喻，日產最新 Serena以激筍價熱辣到港，全靠環保鐵三角組成嘅 Pure Drive系統帶動下，令車價足足比原來慳成 3萬幾蚊稅，在加稅陰影下，終見到振奮的曙光！記者：徐影龍攝影：伍慶泉Model： Betrys@GME Models

鐵三角組成 Pure Drive 放大圖片
■眼鏡形錶板好有型，仲會提你慳咗幾多油作鼓勵。

■眼鏡形錶板好有型，仲會提你慳咗幾多油作鼓勵。

日產最新 Serena大玩一種名為「 Pure Drive」環保 Concept，當中包括三項重要嘅配搭組成鐵三角陣容。由日產大力催谷嘅 CVT無段波箱，再加引擎缸內嘅直噴技術，呢兩項已屬慳油低排嘅保證，今次「兩膽拖多隻腳」，加入歐系大熱嘅 Stop& Go停車熄匙功能（日產名為 Idling Stop System），進一步榨盡所有慳到油嘅地方。今時今日首次登記稅咁貴，我嘅着眼點係會否因環保而損失汽車性能？故第一時間跳上車，實試一下呢個 Pure Drive有乜咁巴閉。

踩 Brake兩秒自動熄偈

喺將軍澳遊走幾個圈，試齊大直路、上斜、燈位同慢車表現，即使車廂頗寧靜，須細心留意才發現踩 Brake約 2秒後，引擎便自動關閉，一轉綠燈再畀油，短於 0.3秒即時可行車，而且全無冷震現象，同車乘客肯定 Feel唔到。較有驚喜嘅係未因注重慳油，而令起步同加速變成軟腳蟹， X-CVT波箱亦算迅速配合，咁大架車有咁嘅表現，已屬中上水準之作。

放大圖片
■保留 Serena風味，換上鋼琴黑面板，感覺更高級。

■保留 Serena風味，換上鋼琴黑面板，感覺更高級。

放大圖片
■難得加速或停車熄匙，對行車均無影響。

■難得加速或停車熄匙，對行車均無影響。

 

車廂比舊款更闊落 放大圖片
■車廂夠闊落，大幅度擋風玻璃令視野亦很清晰。

■車廂夠闊落，大幅度擋風玻璃令視野亦很清晰。

節能上令人滿意，再細心品嚐 Serena出名嘅「流動行宮」設計。外觀上，車頭跟舊款一樣，偏向方角線條，立體層次感亦更勝一籌。最靚係大範圍電鍍飾邊，另配以磨砂銀鬼面罩同霧燈燈框，閃亮同啞色間配襯得相當不俗。走入駕駛艙，設計風格保留濃厚 Serena味道，但中控台面板換上仿鋼琴面物料，觀感上更為高級豪華。最搶眼係眼鏡形錶板，以藍、綠色提示你當前揸得夠唔夠慳油，環保唔係得把口，改變下駕駛習慣仲嚟得實際。

放大圖片
■車內隱藏超過 10個儲物櫃方便老婆。

■車內隱藏超過 10個儲物櫃方便老婆。

放大圖片
■選配套裝包含後泊鏡頭、 DVD機同頭頂 10.1吋特大屏幕。

■選配套裝包含後泊鏡頭、 DVD機同頭頂 10.1吋特大屏幕。

 

放低前排背　營造完美梳化 放大圖片
■前中排座椅可合拼成特長梳化，姚明嚟到都唔頂腳。

■前中排座椅可合拼成特長梳化，姚明嚟到都唔頂腳。

Serena主打 7/8人 MPV，新車較舊款更闊落豪華，天窗由二變一，令透光面積更大。中後排百變座椅仍是主打，幾十種組合方便你靈活裝載大型物件。要讚嘅係前排都配合到，放低椅背後，跟中排銜接成完美梳化，兩口子挨低曬月光數星星，咁就夠晒盞鬼啦！

Nissan Serena Highway Star 放大圖片
■平板式車尾，無多餘曲線位，增加載物實用性。

■平板式車尾，無多餘曲線位，增加載物實用性。

引擎： 1,997cc直四馬力： 147PS/5,600rpm扭力： 21.4kgm/4,400rpm傳動： X-CVT智能無段波箱售價：$293,719（環保價）查詢： 2803 5333（合誠汽車）

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄