43歲的許志安與 38歲的鄭秀文（ Sammi），過去 20年來感情路上幾經離離合合，隨着上周本報獨家踢爆二人在佐敦太平館甜蜜嘆豬髀餐後，安仔昨日終首度開腔承認與 Sammi復合。他昨日接受訪問時說：「家都係初步，希望可以有將來。」


其他娛樂名人影片

本報上周四獨家踢爆許志安與鄭秀文在佐敦太平館餐廳撐枱腳，復合鐵證如山。一直未有開腔回應的安仔，昨日終打破緘默，承認與 Sammi愛火重燃。安仔昨日上午接受商台訪問，問到上周他與 Sammi撐枱腳時，安仔說：「我哋有個共識，覺得應該要同一啲關心呢件事嘅人有一啲交代，我哋家係好需要、我哋開始正式嘗試吓，睇吓可唔可以喺番埋一齊。」

放大圖片
許志安昨日風騷現身演唱會記招，他否認借戀情谷個唱。

許志安昨日風騷現身演唱會記招，他否認借戀情谷個唱。

放大圖片
安仔和 Sammi的感情飽歷風霜，外界一致祝福兩人能早日結婚。資料圖片

安仔和 Sammi的感情飽歷風霜，外界一致祝福兩人能早日結婚。資料圖片

復合全靠一剎那感覺

問安仔復合感覺如何？他說：「希望可以畀多啲空間我哋去嘗試一吓，畢竟分開咗咁耐，始終都有一種可能，做咗好耐朋友，變咗即係希望可以囉。因為好多時候性格任何嘢都好似變遷咗，唔同咗，咁家都係初步，所以唔知日後嘅事會點，但我哋會盡量去 try，希望可以有將來。」安仔指身邊老友事前不知情，他說：「我不嬲對呢方面比較低調少少，但我覺得應該要嘅，因為嗰餐飯之後嘅報道嚟得太太太突然，兼且呢件唔係一件乜嘢唔好嘅事，我覺得應該要同一啲關心呢件事嘅人一齊分享。」二人究竟如何再走在一起？安仔說：「好自然喎，我相信感情嘢每一個普通人都會有呢一種突然間嚟、一剎那嘅感覺。」據悉，安仔與 Sammi也有結婚打算，但今年二人工作忙碌， Sammi 8月要與劉德華出埠拍攝杜琪峯執導的新片，所以起碼要待明年才結婚。

「拍拖係好普通嘅事」

安仔昨午於尖沙嘴 The Mira酒店，為 5月 27及 28日在紅館舉行的「許志安 On and On 25周年演唱會」舉行記者會，他踏上會場中央銀色大道風騷現身，全程春風滿面。半百傳媒昨日一見安仔即連聲恭喜，他聞言即甜絲絲說：「首先講演唱會先，今次開演唱會有壓力。」問他《唯獨你是不可取替》是否必唱？他哈笑一聲：「呢首要唱。」跟 Sammi合唱是否完美結局？他說：「哈哈！ Rundown未諗。」是否唯獨 Sammi不可取替？安仔一臉認真說：「我同 Sammi喺餐廳裏面俾記者影咗，呢幾日我同 Sammi有共識，覺得呢件係事實，應該要畀一啲朋友去知道呢件事實，拍拖係好普通嘅事，我哋有共識同大家講嘗試開始番一齊，重新認識。」有消息指安仔和 Sammi將於今年 8月在法國舉行婚禮，他說：「嚇咗我一跳，我真係唔知。我希望大家畀空間我哋嘗試一齊。」會否求婚？他說：「啱啱重新開始。」談到復合原因，安仔表示全憑感覺，問他誰人踏出第一步？他說：「冇得講點開始，好 natural（自然），好正常溝通。」有指他送 999支玫瑰冧 Sammi，安仔澄清沒有。問他是否視 Sammi為終身伴侶，安仔坦言沒想到太長遠，最緊要這刻心裏平安。

否認借戀情宣傳個唱

究竟今次復合有沒有初戀感覺？安仔竟低頭儍笑兼尷尬說：「答唔到。」那麼，愛火重燃是否比以往更懂珍惜更甜蜜？他點頭回應：「唔。」有指安仔借勢宣傳個唱，他說：「我對呢方面睇得好開，相信冇人會將真感情去做宣傳，咁係侮辱愛情兩字。」對於復合剛巧撞正個唱宣傳期，安仔無奈說：「要嚟嘅時候冇得去計，唔使理人點睇。」至於有指他們趕生仔而結婚，安仔說：「完全冇諗。」對於前女友余德琳被指為免患上抑鬱而食藥，安仔說：「以前唔好提，佢係圈外人，唔好打擾佢。」安仔好友蘇永康昨表示戥老友開心，指好友復合比任何財政預算案及施政報告更順應民意。採訪：馬建華攝影：陳志嵐、陳順禎

有情歲月：相知相依 20年

「唯獨你一個是不可給取替」一句耳熟能詳的歌詞，安仔與 Sammi卻花了 20年時間去見證。兩人 91年相戀至今，經多番離合，終再走在一起，也是 fans最想看到的大團圓結局。資料來源：《蘋果》資料室

放大圖片
94年：安仔與 Sammi的事業正起飛，被迫發展地下情，但兩人早已是 fans心目中的一對。

94年：安仔與 Sammi的事業正起飛，被迫發展地下情，但兩人早已是 fans心目中的一對。

放大圖片
96年： Sammi擔任安仔首次個唱的嘉賓，她依偎在安仔身旁大唱情歌，更一度哭成淚人。

96年： Sammi擔任安仔首次個唱的嘉賓，她依偎在安仔身旁大唱情歌，更一度哭成淚人。

放大圖片
01年：當年盛傳 Sammi介入王鋒戀（王菲、謝霆鋒），她與安仔出席新城頒獎禮時表情尷尬。

01年：當年盛傳 Sammi介入王鋒戀（王菲、謝霆鋒），她與安仔出席新城頒獎禮時表情尷尬。

放大圖片
02年：安仔與 Sammi分別奪得《勁歌》最受歡迎男、女歌星獎，安仔發表經典「廚房宣言」，承認兩人關係。

02年：安仔與 Sammi分別奪得《勁歌》最受歡迎男、女歌星獎，安仔發表經典「廚房宣言」，承認兩人關係。

放大圖片
08年：安仔與 Sammi分手後，為東亞華星演唱會演出，舊戀情依舊被擺上枱。

08年：安仔與 Sammi分手後，為東亞華星演唱會演出，舊戀情依舊被擺上枱。

放大圖片
09年：安仔擔任 Sammi演唱會嘉賓，更送上 12支寓意我愛你的火紅玫瑰給她。

09年：安仔擔任 Sammi演唱會嘉賓，更送上 12支寓意我愛你的火紅玫瑰給她。




許志安（左）與 Sammi上周被本報獨家拍到撐枱腳嘆豬髀後，昨日正式宣佈復合。資料圖片

相士話：結婚生仔雙喜臨門

安仔與 Sammi離離合合幾經波折，終於再走在一起，兩人戀情更獲城中著名相士一致唱好，看來距離修成正果之路不遠矣！

蘇民峰：結婚

「安仔嘅桃花年係 2010， 2011年係佢夫妻宮相冲，容易感情變化，許志安如果照正常結婚運係 2012至 2013，但今年係 Sammi紅鸞桃花年，係一個容易結婚嘅運，所以今年同呢兩年結婚機會都比較大。結婚運唔使兩個一齊有，睇一個人就得 o架喇！」

麥玲玲：雙喜
放大圖片

 

「安仔本身命格係天干連兩字，即係話就算拍好耐拖，去到結婚呢步都要分開，先至符合個命格。所以今次復合，再發生另外一段感情嘅話，感情就穩定。 Sammi本身個命都係有少少夫妻宮相冲，我睇佢哋結婚最似係 2012年，都會係結婚年有喜嘅。」

李丞責：結婚
放大圖片

 

「係咪結婚係同十二地支係循環，相識嗰年係結合年，如果佢哋係十二年或者十年一個循環之後，就能夠相合。（安仔與 Sammi於 91年拍拖，剛好是兩個循環）一個人 38歲之後係睇中庭位，佢哋鼻直，顴骨高，都會係一個幾合拍嘅配合。」

區仲德：結婚
放大圖片

 

「安仔命格屬土，今年行緊兩粒靚星運，叫三台同天解星，所有愛情不如意可以一掃而空，同埋佢今年粒桃花星都比較旺盛。但最主要係鄭秀文，佢命格屬陽水，今年佢有一粒福星同紅鸞星移入夫妻宮，今年農曆 8月係兩個結婚佳期，好大機會結婚。」


蘇民峰

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄