阿修羅之怒蘋機會：動作 Game似睇片　斯文怒轟－明星靚相大分享☆

蘋機會：動作 Game似睇片　斯文怒轟

七、八十後大男孩，大概都會記得《龍珠》入面一幕幕的熱血激戰，如果你都曾迷戀那份拳拳到肉的快感，《阿修羅之怒》一定啱你！齋睇格鬥場面比《龍珠》更爆更熱血，加上型爆人物及動作設計、勁多動畫元素，仲要充斥大量跟畫面㩒掣嘅 QTE，打得咁激嘅動作 Game，原來都可以斯斯文文咁玩！記者：韓繼聰

其他副刊影片迫力劇情×華麗畫風

《阿修羅之怒》被稱為體驗型戲劇性遊戲，劇情自然成為重要一環。故事主角阿修羅本為神，點知被人屈不特止，仲要老婆被殺、個女被捉，真係聞者傷心，所以 Game名索性叫《阿修羅之怒》！由於佢失咗憶，劇情中有不少回憶插敍，逐步推進劇情。最抵死係包裝成一集集動畫，中段間場、結尾會出現「下回分解」日文字，加埋次回預告同上回提要，似足睇卡通。劇情以外，其華麗畫風亦受到不少好評，人物及背景設定帶有強烈的東方神話元素，同時亦加入科幻元素，打鬥場面亦極具迫力，爆缸斷手，拳拳到肉，包保睇得熱血沸騰，真心覺得《阿修羅之怒》就算唔係遊戲，而係動畫，一樣會大獲好評！

放大圖片
■同好多熱血格鬥動漫一樣，主角係識得變身，點變？玩過咪知囉！

■同好多熱血格鬥動漫一樣，主角係識得變身，點變？玩過咪知囉！

放大圖片
■敵人體型超誇張，閒閒哋大過成個地球，結合埋高科技元素，好勁呀！

■敵人體型超誇張，閒閒哋大過成個地球，結合埋高科技元素，好勁呀！

放大圖片
■被人老屈，個女仲要俾人捉埋，此仇不報勢係假！

■被人老屈，個女仲要俾人捉埋，此仇不報勢係假！

放大圖片
■每關中段都有動畫間場，好有睇卡通片 Feel。

■每關中段都有動畫間場，好有睇卡通片 Feel。

熱血動作×指令×射擊放大圖片
■用完特殊攻擊雙手會過熱，要唞唞先可再嚟過。

■用完特殊攻擊雙手會過熱，要唞唞先可再嚟過。

隨劇情發展，遊戲部份會越嚟越多。不過不能否認遊戲難度的確不高，建議玩家可以一嚟就玩高難度，相信可以更能體驗熱血格鬥的快感。遊戲以動作格鬥為主軸，操作簡單直接夠爽快，而當中亦夾雜咗「 QTE」及「射擊」元素。劇情或格鬥途中，會有唔少突然出現的按掣指令，只要啱時機按掣就能達成要求，例如要 KO大佬跟指示按掣，便能引發熱血到痹嘅 KO動畫。另外，由於阿修羅不時要對付體型極大嘅敵人，遠距離射擊亦成為其中一個作戰方法，要利用 Analog控制瞄準器再進行射擊。雖然《阿修羅之怒》冇得儲嘢升呢，加上版數不多，耐玩性有點不足，但遊戲形式同種類都頗為新穎，加上大量吸引動畫，都不失為一隻好 Game！

放大圖片
■「指令」部份就係要睇準時機，跟畫面提示㩒掣。