哪怕每隔一段時間總會聽到又有虐殺貓狗的新聞，我還是深信絕大多數香港人，對動物還是有顆溫熱的心。像全職主婦 Terry，兩隻愛犬 8年前相繼離世，傷心得發誓以後都不再養狗，反而促使她當上愛護動物協會暫養家長義工（ Foster Parents），過去 8年家中先後收留過達 30隻貓狗，讓那無處投放的爆棚愛心，奉獻給同病相憐的一群。記者：蔡俊業攝影：伍慶泉部份圖片由受訪者提供
放大圖片 
■初來甫到的 Coco，成個苦瓜乾。 Terry正式領養後曾接受膝蓋手術。
放大圖片 
■經 Terry悉心照料後變得開朗，還不時帶 Coco游水，疏乎呢！
愛犬猝逝當暫養義工療傷
Terry生於一個愛狗家族，自小父母便有養狗。大約 20年前，同事將兩隻剛出世的約瑟犬 BB送給她飼養，轉眼十多年，無可避免地要面對牠們衰老，「其中一隻出事當日瞓完晏覺，醒咗之後就去食埋自己個兜入面嘅嘢，佢可能都知自己會死，平日喺籠度大小二便，點知入去之後出唔番嚟，發出低吟聲，我丈夫喺屋企，就過去睇佢，見佢瞓咗喺度失禁，迷迷糊糊，於是 Call我返屋企。」隨即將牠送到診所，「第二朝一打電話去就已經走咗。」
訪問前 Terry還淡然的說：「哦，唔傷心 o架啦，咁耐，哈哈！」然而憶起老朋友彌留一刻，還是有點不能自已，「見佢好努力咁睜開對眼，同埋……原來有時講番都仲幾傷心！」大概是同生共死的關係，另一隻約瑟不夠一年後亦離世，對 Terry來說打擊很大。「傷心到覺得唔可以再養！」直到兩年後某天從電台聽到宣傳招募暫養義工， Terry說是個性驅使她參加，「又想養，又驚會失去，咁不如暫養啦！」不過初時只限養貓，謝絕狗仔。 Terry說那些都是市民在街見到的流浪貓，或因傷須治療的貓仔。隨時日修補內心深處的傷痛，再當狗主人，就要多得 Coco。
放大圖片 
■ Terry對 Coco寵愛有加，健康明顯好轉，仲四萬咁口！
放大圖片 
一樓掟狗半邊腦癱 放大圖片 
■最多試過一次暫養一胞三胎的小唐狗。
為免再經歷喪狗之痛， Terry跟自己約法三章不養狗，但自 05年遇到 Coco，防線開始放下。「其實佢唔係太可愛，因為佢實在太多病。」先是左腳，繼而盆骨，連膝頭位置都有問題，後來又發現牠有皮膚病，真箇紅顏薄命，「據我所知佢係漁護署嗰邊攞番嚟，當時佢已經兩歲，因為隻腳做過手術，又要按摩又要食藥……」
放大圖片 
■ Terry會為每隻暫養在家的貓狗拍照，為牠們製作一本私相冊。
放大圖片 
■ Terry乃天生動物狂， 02年起參加愛護動物協會的暫養家庭義工計劃。
放大圖片 
■ Terry剛暫養兩隻混種西施 BB，經常喺屋企陪佢哋玩。
放大圖片 
■相簿中還存有當年 Jimmy遭擲落街的剪報。
Terry說明白暫養宗旨，然而她將 Coco交還後，「先後有兩個人領養佢，第一位知佢隻腳有事就話唔要，後來有第二位，甚至已經辦好手續，但當時 Coco就快要接受第二次手術，最後又唔要。」眼見牠遭人連番「遺棄」，怒氣湧心頭，「聽到佢咁樣我就喊住話：『咁好啦，聽日我嚟接番佢！』」除了 Coco，最深刻的就要數 Jimmy。牠的出現可以追溯一宗法庭新聞： Jimmy的舊主人竟然喪心病狂，將牠由一樓擲落樓，當時僅數月大的 Jimmy雖奇迹生還，卻有一半腦部永久失去功能，「啱啱湊佢返嚟嘅時候，連企都企唔穩，我住村屋三樓，屋出面係馬路，為要畀少少運動佢做，每日就要抱佢落街兩次。」直至暫養期滿， Terry收到消息有人願意領養 Jimmy，她對這位新主人由衷感激，「佢半邊腦癱，又唔知佢會幾時過身，後遺症多要負擔相當醫療費，但主人都唔介意。」現在 Jimmy已經幾歲大， Terry還不時跟牠的主人聯絡。
先決條件：懂得放手 放大圖片 
Rebecca暫養期間所有狗糧同醫療費都由 SPCA負責，義工要付出嘅就係愛心同時間。
你都想加入暫養行列？愛護動物協會公關及傳訊經理顏綺苓（ Rebecca）直截了當的說條件：要懂得放手！「呢個計劃嘅義工最重要係有個心去幫動物，湊到佢啱時候，就要交番畀我哋畀人領養，所以個心要放得開。」當然還要有養狗經驗，有可能要餵食藥、滴眼藥水或搽藥膏等。每位有興趣參與的人，都要經過甄選，包括了解居住狀況及工作時間等。計劃由 2000年推行，現時有大約 100名暫養義工，絕大部份為家庭主婦，一般情況下狗隻會暫住 3個星期左右，而初生貓仔體形較細，所以暫養時間會較長。
放大圖片 
■當上義工後， Terry多了一班志同道合的「狗友」，不時開 Party。
放大圖片 
■ Terry走過遭遺棄的寵物玻璃幕牆，狗仔都立即興奮得彈起身。
放大圖片 
■經暫養家庭照顧的貓狗，適當時候就會回到愛護動物協會總部待人領養。
查詢： 2232 5524 網址：http://www.spca.org.hk 
■正待領養、兩個月大的 Lolipop，跟攝影哥哥玩餐飽後即倒頭大睡。
留言列表
