雖然欣欣非常害怕打針，但為了靚靚，欣欣毅然接受注射Botox在面額兩側，以達到V字面形的效果。另外眉心亦是瘦面的重點注射之一。▲除了在面部注射Botox外，欣欣亦分別在小腿（上）及手臂（下）注射Botox，做到全身皆瘦的效果。第一次拍Botox瘦身廣告，欣欣非常緊張，全程目及實拍攝效果。
以「肉毒桿菌針」（簡稱Botox）來進行修身瘦面已不再是甚麼美容秘密，甚至有女藝人成為Botox代言人，既可變靚又可賺錢，一舉兩得。已為人妻多年的江欣燕（欣欣），忙於拍劇過後，因為養尊處優而暴肥，最後決定加入Botox代言人行列，以300萬酬勞為「悅榕莊」擔任Botox代言人，實行搵錢瘦身一次過。
自從本年一月拍完《畢打自己人》後，「無工一身輕」的欣欣暫時未有新工作，過啲「食飽目訓、目訓飽食」的生活，欣欣身形變得脹爆，體重更達到120磅，一向貪靚的欣欣，於是毅然成為「Botox代言人」，實行以最快的速度回復昔日「樣靚身材正」的階段。 
Botox效果如何？從注射前（左）及注射後（右），效果清晰可見。
日捱五針
即將為新一輯《獎門人》擔任「獎老」的欣欣，早前因為暴飲暴食下身形暴漲了不少，連靚樣亦肥漲了不少，嚴重影響上鏡時的美態。為了能以最快速度回復昔日身段及美貌，早前欣欣盛傳以300萬酬勞秘密地為「悅榕莊」擔任「Botox代言人」。雖然欣欣是第一次接受Botox注射，但擺明「萬事以靚行先」的欣欣，在「變靚戰勝恐懼」之下，豪氣地一次過接受五枝Botox注射，包括面部三枝、手臂及小腿各一枝，可見欣欣為了變靚而不惜一切代價。 
極速變靚
在接受過5次Botox注射後，大約7日後開始發揮功效，其間欣欣完全不需要再接受其他治療。據知大約一個月後，Botox效用已發揮得淋漓盡致，而回復自信的欣欣，亦正式為美容院拍攝最新的Botox瘦身廣告。重拾回自信的欣欣，當日更以tube-top上陣，只以一條毛巾包實上身，在鏡頭前擺出靚樣，本已肥了不少的面容，明顯纖瘦了不少，重拾V字面形。 
注射Botox前，欣欣先要接受醫生詳細檢查，以看看那個部位需要接受注射。
克服恐懼
對於接受Botox瘦身，欣欣接受本刊電話訪問時，表示非常滿意瘦身效果，亦克服了本身對打針的恐懼。
3：3週刊 欣：江欣燕
3：點解會咁突然去打Botox瘦身？
欣：因為早前拍完《畢打自己人》後，一直暴飲暴食，最高試過去到120磅，連塊面都肥埋，一來自己貪靚，二來想試下打針瘦身會點，三來女人要天然瘦面係好難，所以最後決定試打Botox。
3：打之前有冇考慮好耐？
欣：都冇話考慮好耐，只係我一直都幾驚打針，為咗要克服呢個恐懼，我之前已經搵晒所有資料。最重要係做代言人之前，我要試吓個效果先，等我真係覺得有效，我先至決定做代言人拍廣告，我唔想憑空去推銷一件事。
3：丈夫對妳打Botox有咩意見？
欣：佢第一個反應係：「你唔使打啦！」，不過後來佢都係俾我自己決定。佢初頭都有少少擔心，唔知會有咩效果，不過依家見到個老婆靚啲，當然唔會再出聲啦！
3：聽講話你今次有300萬酬勞？
欣：哈哈……錢就唔好講啦，總之無論成績同酬勞，我都好滿意，最重要可以俾人知道，其實打針瘦面係一件好普通嘅事。
的確，對欣欣來說，可以變靚之餘又有錢賺，何樂而不為！ 
早在05年欣欣已經擔任纖體代言人，只是今次去得更加激，擔任botox代言人。 
留言列表
