新產品 iPad出爐，蘋果 Fans三倍價錢買入都話抵，想當年 iPhone一出又係有讚有彈，不過今日朋友圍埋有七成都用緊！就連英國名廚 Jamie Oliver特別設計 iPhone Apps，推出全新 20分鐘搞掂食譜，等潮人 Annie試做 Apps內食譜，睇睇是否 Easy又方便！記者︰黃家欣攝影︰譚盈傑
其他副刊影片 真人發聲 20分鐘食譜 放大圖片 
由 Jamie Oliver主理的食譜 Apps「 20 minutes meals」，共花六個月時間製作，去年底推出，下載費用為美元$7.99，旋即成為最高下載率的 iPhone Apps，全因用法簡易，條理又清晰，當然仲有靚仔廚神不時 Update食譜啦，款款 20分鐘完成，啱晒繁忙的城市人！
放大圖片 
一開啟程式即有 Jamie親自歡迎， Fans見到最開心，然後見到食譜分門別類，有主菜、意粉及甜品等選擇，一目了然。
放大圖片 
①挑選心水食譜後，即可見到完成品的圖片。
放大圖片 
②一按「 you'll need」，所有材料及用具清晰地羅列，加入 Shopping List，更可列出一張超市購物清單，唔怕買漏材料，好方便！
③再按「 step」即出現做法，每個步驟分野仔細，圖文並茂，邊睇邊做煮起來更易上手。如有特別貼士，更有 Jamie原聲提醒，好窩心！
放大圖片 
放大圖片 
挑戰者 Annie 放大圖片 
這個 Apps相當好用，圖文並茂，步驟仔細又清楚，仲有好多 Jamie Oliver教煮餸的小貼士短片，下載落手機後，可以不停溫習，唔識睇到識！
香腸小胡瓜卡邦拿Sausage& Courgette Carbonara
00hr20min製作難度：★★★☆☆份量： 2人
放大圖片 
放大圖片 
材料
意大利肉腸 3條、煙肉 2條、意粉 250克、蛋黃 2隻、忌廉 100毫升、小胡瓜 1條、巴馬臣芝士 50克、檸檬 1個、番荽 1棵（切碎）、橄欖油適量、鹽/胡椒粉各少許
做法
1.焗爐預熱至 100℃，將碟放入焗爐保溫。2.煮滾適量水加少許鹽，放入意粉不時攪拌，煮至爽彈後盛起瀝乾水。3.小胡瓜切粒；煙肉切絲；肉腸去衣後將肉搓成肉丸。4.燒熱鑊加少許橄欖油，轉中火放入肉丸煎 6分鐘至金黃，加煙肉及小胡瓜，煎至煙肉金黃香脆後熄火。5.將檸檬刨皮，榨出檸檬汁拌勻，再加蛋黃及忌廉拌勻至軟滑，然後加番荽碎，放入一半份量的芝士拌勻。6.將意粉放入（ 5）拌勻後放入平底鑊，加肉丸及煙肉拌勻，撒上鹽及胡椒調味煮勻，放上已預熱的碟上，灑上剩餘芝士即成。
放大圖片 
放大圖片 
Annie：雞蛋與忌廉拌入意粉時，由於雞蛋未煮熟，當意粉放入平底鑊與肉丸拌勻時，不妨多煮一會，甚至冚蓋用慢火加熱，食落就更衞生。另外用滾水烚意粉時，記得盛起一杯煮意粉水，如意粉變乾，可用這些水略蘸於意粉上。
士多啤梨狂想Eton Mess with Toasted Almonds
00hr20min製作難度：★★★☆☆份量： 2人
放大圖片 
放大圖片 
材料
杏仁片 1湯匙、呍呢拿枝 1條、糖粉 1湯匙、忌廉 175毫升、紅莓 75克、士多啤梨 75克、蛋白脆餅 Meringue 3個
做法 放大圖片 
1.將杏仁片放入平底鑊，用慢火烤至金黃後攤凉。2.將呍呢拿枝切開，取出呍呢拿籽，加 1/2湯匙糖粉及忌廉打至企身軟滑。3.士多啤梨切粒，加紅莓，用叉壓碎成半茸狀，再加剩餘糖粉拌勻。4.將果茸與忌廉拌勻，將蛋白脆餅撕碎拌入，略為攪拌後放入杯中，灑上杏仁片即成。
放大圖片 
放大圖片 
Annie：杏仁片烤過後會特別香，記得燒熱鑊後轉細火，不用落油，即可放入杏仁，要小心睇火，因為杏仁很容易會焦燶。
希臘沙律Gorgeous Greek Salad
00hr20min製作難度：★★☆☆☆份量： 2人
放大圖片 
放大圖片 
材料
牛油果 1個、檸檬 1個、乾牛至 1湯匙、洋葱 1/2個、番茄 4個、發達芝士 150克、黑橄欖 50克、生菜 1個、麪包 1/2個、紅酒醋/鹽/胡椒粉/橄欖油各適量
做法
1.將麪包撕碎，放入平底鑊用慢火烘至脆身微焦後盛起。2.檸檬刨皮後，榨汁拌勻；牛油果開半去核後，將果肉刮出切粒，拌入 2茶匙檸檬汁略醃；洋葱切薄片，加紅酒醋、鹽及胡椒粉拌勻略醃；番茄及黑橄欖切粒。3.將乾牛至拌入剩餘檸檬汁，倒入三倍份量橄欖油，再加鹽及胡椒粉調味。4.然後加番茄、黑橄欖、牛油果、生菜及洋葱拌勻上碟，最後灑上已烘香的麪包及芝士即成。
放大圖片 
放大圖片 
Annie：牛油果切粒之後，記得加少許檸檬汁略醃，這樣可防止牛油果變黑，上碟時就更美觀。 
留言列表
