下個月你就要大學畢業，正式踏足社會，雖然，屋企並唔係等住你攞錢返嚟開飯，之但係你一腔熱誠，滿懷希望咁去搵工，自然唔希望不停咁食白果啦。
以下，係我呢個阿爸以過來人嘅身份，畀你嘅十個搵工提示，請你好好記住。
2.一次唔成功，唔等於永遠唔成功——無人係見一份工就會飛黃騰達嘅，見工，係一種經驗嘅累積，唔好因為衰咗一兩次，就失去原有嘅鬥志，應該同自己講，佢唔揀我，係佢嘅損失，我一定會搵到另一份更好嘅。
3.唔做準備，等於送死——見工，等於上戰場，唔做準備，等於送死，面試前，起碼研究吓人哋間公司嘅基本資料，同埋諗定一啲答問題嘅技巧，如果空槍上陣，倒不如留喺屋企瞓多一陣。
4.有熱誠，仲要有熱情——無論呢份工係咪你嘅人工最高理想，都請加多兩錢肉緊，畀人哋覺得你真係想嚟做，抱住騎牛搵馬嘅心情，木口木面嘅態度，等於用行動叫個老闆唔好請你。
5.莊閒唔分，一定扣分——你去面試，係答問題，唔係問問題，唔好人哋問你嘢，你就一輪嘴問做啲乜、有乜嘢福利、幾錢人工、一年有幾多日大假等，除非人哋主動講你聽，唔係一定會扣印象分。
7.返工怕蝕底，保唔住個位——勤力嘅人，未必個個識得欣賞，但係怕蝕底嘅人，就一定個個都唔欣賞，準時放工，做多一啲額外嘢，都好似呃咗佢副身家嘅人，一定唔會得上級歡心。
8.唔怕偏心，最怕無心——偏心嘅老細唔係最衰，只要佢偏心你就得嘞；不過，要佢偏心你，梗要有原因，一係你好做得，一係你好捱得，如果乜都唔得，咁就真係死得。
9.只識睇目前，將來好可憐——做一份工唔係幾日或者幾個月嘅事，揀工，梗係要睇遠啲，有嘢學，有晉升機會嘅工，始終係首選，如果純為眼前蠅頭小利打工，你二十年後都會同依家一樣。
全站熱搜
留言列表
