明星靚相大分享☆

裝假狗
千嬅扯煙之餘，在一場化妝舞會的戲中，會扮麥當娜着雪糕筒背心裝胸作勢，「原來嗰度大咗，啲男人真係會望多兩眼。」她笑說。"
娛樂頂點
拍Ⅲ級片拒爆粗　千嬅日扯三包煙補鑊
2010年03月05日
由楊千嬅和余文樂孭飛的《志明與春嬌》月底上映，戲中因有大量吸煙鏡頭和粗口對白，最終被電檢處列為三級。
戲中無論主角、配角和大茄，都清一色用真聲演繹流利粗口，唯獨榮升人妻的千嬅，竟然破例唔使爆粗，改用較粗俗的助語詞代替。
有得必有失，既然唔使媽媽聲，千嬅亦索性豁出去煙駁煙，更試過一日勁扯三包煙，搞到氣管炎和哮喘發作，「我睇醫生嘅錢都要過萬，真係好……好辛苦。」千嬅說時憤怒，但始終冇爆粗。
由寰亞電影出品的三級片《志明與春嬌》（前名《談戀愛》）於本月 25日上映，講述飾演化妝小姐的楊千嬅，與余文樂在後巷煲煙煲出真愛。導演彭浩翔為了增加電影寫實性，拍攝前曾實地到不少龍蛇混雜的後巷觀察，在劇本上加入大量粗口。
千嬅在開拍前亦答應導演要求，會在戲中爆粗，不過到正式拍攝時，她有幾場粗口對白，卻改用了較粗俗字眼代替。據知千嬅今次獲優待不用爆粗，全因老闆林建岳在背後出手，避免令千嬅成為爛口女星。「呢樣嘢我就真係唔清楚，其實粗口都係香港嘅地道文化，劇情需要嘅我都會接受，不過我今次真係唔使爆粗。我自己平時好少講，拍戲就從來未試過，唔知係咪見到余文樂個樣得意，所以都好投入劇情，粗鄙咗啲！」千嬅說。

吞雲吐霧
電影講述千嬅在後巷煲煙而結識余文樂，從而展開一段戀情。拍攝時余更取笑千嬅連點煙都唔識，千嬅說：「食煙真係好臭，次次返屋企沖完涼仲成身味。」

取笑大煙炮
電影講煙剷情侶的愛情故事，非煙民的千嬅就認為吸煙比講粗口更加辛苦，最高紀錄試過一日連續扯了三包煙。拍攝一個鏡頭已經點了十支煙，令到本來有哮喘底嘅佢，日日氣管炎和喉嚨痛，一星期睇了三次醫生。她說：「係我自己研究揸煙手勢同食煙嘅表情，但最初拍嗰場戲，導演都唔收貨，話一睇就知我係咩大炮。（係咪大煙炮？）總之就唔識食嗰種啦！我咪日日都跟余文樂學嘢囉，直頭拜佢為師！嘩！食煙真係好辛苦，成日覺得自己好臭，又搞到哮喘病復發，我睇醫生嘅錢都要過萬。」

爆 cream巨乳
劇情講千嬅一班豬朋狗友買定巨乳蛋糕為她慶祝生日，但千嬅只切了一下，忌廉便破乳而出。
 
其間有位女臨記更伸手摸千嬅假乳，千嬅說：「嗰日成日俾人抽水，我惟有用個『胸』拮番佢哋！」
 
公園等埋位
為防造型曝光，每逢拍外景，千嬅會加件外套遮住巨乳。未正式埋位，她和余文樂還到附近公園玩氹氹轉，不過裝上五磅巨乳的千嬅卻轉極都唔郁，要靠余文樂幫手。
 
貪玩的余文樂仲玩到露白底，千嬅見到即走夾唔唞。
 
上月尾，電影舉行慰勞宴，千嬅、余文樂、導演彭浩翔（右一）和寰亞董事莊澄（左一）狂隊香檳慶祝。

余文樂千五萬簽約
不過屬正宗煙民的余文樂同樣表示拍扯煙戲好辛苦：「平時食煙都唔係咁食法，好彩片場有阿姐會煲定啲羅漢果潤番！千嬅真係唔識食，開頭次次都大煙炮。」今次《志》片是余文樂加盟東亞後的頭炮，出手闊綽的林建岳，就以千五萬元簽三年的轉會費利誘。為此余文樂說：「唔好講錢啦！總之我加入到呢間大公司好開心。其實之前同老闆合作過，佢真係好好人。」

千嬅拍片亦曾大膽過，在三級片《三更 2之餃子》（左）就與梁家輝有大膽牀上戲。另一套《天生一對》做乳癌中女，就試過除剩個 bra。