名模莊思敏（Jacquelin）與形象指導張學潤（Nelson）除了愛傾時裝外，亦喜歡相約歎美食，最近便相約到銅鑼灣的意大利餐廳品嘗意大利菜。兩人甫坐下便急不及待點菜，Nelson即揀選了一個「白松露野菌酥皮卷」，他表示這是「賣飛佛」。你一言我一語下，短短五分鐘便點了四款菜式，Nelson指意大利菜是其首選︰「我好鍾意食意粉類嘅食物，平時都會喺屋企煮，同我以前喺加拿大讀書有關。」貪靚的他還指進食高質素食物有助Keep Fit：「好似呢個白松露，健康又好好食，每次嚟呢間意大利餐廳都會叫，仲有個生蠔好新鮮。」
跟Nelson十分老友的Jacquelin亦喜愛吃意大利菜︰「我之前因為做嘢嚟過呢間餐廳，之後就成日嚟，有時同Nelson喺度食飯。」她自言最愛味道濃的食物，意大利菜正合心意，加上不太油膩，最適合愛靚的她。當日，Jacquelin特別點了兩款意大利菜，包括「意大利雲吞伴BASIL MOZZARELLA」及「法式脆炸豬手」，她說︰「個雲吞好好味，又夠特別，而且個皮好煙韌。」她還自言愛吃這間餐廳的海鮮︰「特別係生蠔，因為呢度嘅海鮮好新鮮，畀到我信心。」 饞嘴的張學潤自言只得兩個「飯堂」，就是這家意大利餐廳及跑馬地的中菜館「大少爺」。他表示愛上該菜館的老火湯，最有趣是他提到老火湯即有衝動去飲一趟！相反莊思敏只愛吃濃味食物，笑言會走遍全港，品嘗如泰國菜、上海菜及四川菜等惹味菜式。
最愛新鮮生蠔
法式脆炸豬手
意大利雲吞伴BASIL MOZZARELLA
白松露野菌酥皮卷
莊思敏覺得意大利菜不太油膩，適合貪靚的女士。
後記：為食走遍全港
同樣愛吃意大利菜的莊思敏與張學潤，大讚四款菜式「Oishii」。
全站熱搜
留言列表
