曾經風靡一時的綿羊仔 Vespa，被台灣及日本的潮男潮女揸到人氣爆晒燈。雖然近年有回落之勢，但數到今時今日的經典鐵殼羊， Vespa的地位依然穩固。不死羊今年再次脫舊換新，以 GTS300 SUPER及 LX150ie兩款不同級別的新羊招客，小黃蜂依舊可愛，斑斕色彩依舊討人歡心。記者：許維雅攝影：譚盈傑模特兒：梓菕

燃油電噴慳油反應好 放大圖片

 

數數手指，意大利品牌 Vespa已有 65年歷史， Piaggio公司於 1946年 4月 1日推出第一台 Vespa。 Vespa來自意大利文 Wasp，即代表黃蜂的意思，時至今日所推出的新一代綿羊 GTS300 SUPER及 LX150ie，黃蜂腰腹尾的獨特神髓依舊保留，如此誓守經典造型多年不變，看來只有它才可以做得到。兩款最新型號的 Vespa，外形其實大致一樣，分別在於尺碼大少少的 GTS300屬貴價版，規格、性能及裝飾都相對較高檔次。大佬 GTS所配的是 278cc四衝水冷，比起細佬 LX的 151cc四衝風冷，馬力多 10匹，不過兩兄弟的引擎卻齊齊棄化油器，改用全新燃油電噴系統，比起上一代更慳油，反應更快。雖然揸得 Vespa的，從來都唔會着眼馬力，但大佬的排氣量由 244cc升為 278cc，力量好咗，就有助減低扭力輸出時的轉數，副偈襟玩啲，保養都容易啲，所以大佬貴啲唔係無道理呢！

GTS300 SUPER 放大圖片
■座椅用料較靚，更包上白邊。

■座椅用料較靚，更包上白邊。

放大圖片
■電鍍裝飾的車章寫上 S，細佬寫上 L。

■電鍍裝飾的車章寫上 S，細佬寫上 L。

放大圖片
■車頭風口位以 U形設計。

■車頭風口位以 U形設計。

放大圖片
■黑銀色錶板感覺較成熟。

■黑銀色錶板感覺較成熟。

放大圖片
■方形大尾燈加 Super字樣凸章。

■方形大尾燈加 Super字樣凸章。

 

GTS300 SUPER規格

引擎： 278cc四衝水冷單汽缸馬力： 22ps/7,500rpm扭力： 2.23kg-m/5,000rpm傳動： CVT無段變速自動波　皮帶售價：$43,800

Classic與跑味的取捨 放大圖片

 

咁究竟貴幾多呢？兩款型號相差$16,000，賣二萬幾蚊的 LX150價錢無疑吸引好多，不過 GTS大佬屬高性能版本，配備當然足料得多，例如前後懸掛系統， GTS就有單搖臂油壓前叉及雙筒油壓避震，還附有預載調校； LX只得單搖臂吸震筒及單筒避震。此外， GTS會跟 12吋輪胎； LX只得 10吋，但新一代 LX為了增加中低速轉向時的穩定性，就將頭轆改為 11吋輪圈。再數到 GTS的制動系統，前後均採用 220mm煞車碟； LX則以前碟後鼓作設定，前煞車係 200mm煞車碟連浮動兩活塞卡鉗，後面配 110mm機械鼓。綜合各方面配備，大佬操控安全及穩定性當然稍勝一籌。至於車身裝飾方面，兩兄弟亦各有特色，當中最大分別是錶板， LX配感覺較懷舊的米色錶板，而 GTS就配上跑味濃些少的黑銀色錶板。新一代 Vespa繼續燦爛， GTS有黑色及鮮紅色選擇； LX則有橙、黃、銀及紅四色，個人認為橙色最 Classic，俾我揀，我係寧願棄功能戀外表，投細佬心水一票。

LX150 ie 放大圖片
■米色錶板襯橙色車身，夠 Classic。

■米色錶板襯橙色車身，夠 Classic。

放大圖片
■細佬以前碟後鼓作為制動系統。

■細佬以前碟後鼓作為制動系統。

放大圖片
■座椅形狀設計及尺碼跟大佬不同。

■座椅形狀設計及尺碼跟大佬不同。

放大圖片
■貯物箱夠大，可容納兩個頭盔。

■貯物箱夠大，可容納兩個頭盔。

放大圖片
■細尾燈有電鍍粗邊配襯，各有特色。

■細尾燈有電鍍粗邊配襯，各有特色。

 

LX150 ie規格

引擎： 151cc四衝強制風冷單汽缸馬力： 12hp/7,750rpm扭力： 1.18kg-m/6,000rpm傳動： CVT無段變速自動波　皮帶售價：$27,800

查詢： 2788 1133（ Power Vigor）


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄