佢唔忿氣囉！
我唔想同佢影相呀！
周一凌晨 1時許，飲到面紅紅的舒淇與何韻詩一同離開，其間更互窒搶鏡，手指指兼七情上面，引來不少記者採訪。"
娛樂頂點
慶功宴搶鋒頭 舒淇醉贏透底葉璇
2010年04月23日
經歷過無數是非、緋聞的葉璇，近年變得低調，以圖洗底。本周日（ 18日），她終洗脫花瓶之名，憑《意外》獲得今屆金像獎「最佳女配角獎」。談到得獎感受，熱淚盈眶，總算吐氣揚眉，賽後她出席經理人公司為她搞的慶功宴時，更風騷透底。
一山還有一山高，當晚失落最佳女主角獎的舒淇，亦有份戥人開心，她在慶功宴更全程 high爆，見人就攬，見酒就隊。記者發現她離開時明顯面紅紅和腳浮浮，亦不忘孖住何韻詩搶鏡，令原本是女贏家的葉璇鋒頭驟減。
舒淇慶功宴葉璇搶鋒頭
30歲的葉璇領獎吐氣揚眉，其經理人公司「紅館」隨即為她在尖沙嘴河內道一間樓上酒吧「聲雅廊」搞慶功，旗下的舒淇、楊千嬅、余文樂及何韻詩等藝人亦於頒獎禮後殺到。
葉璇成為慶功宴的主角，當然要滿場飛，不過據一位在場人士透露，當晚葉璇在酒吧內與其他藝人鮮有交流，反而落敗女主角獎的舒淇就借醉 high爆，「葉璇到場之後只係禮貌咁同公司啲藝人同職員點頭同擁抱一下，之後就集中火力，全程捉住老闆林建岳同《意外》導演鄭保瑞靜靜坐埋一邊密斟。至於舒淇就同輸俾葉璇嘅何韻詩鬼咁 friend，成晚好似孖公仔咁四圍走同公司同事碰杯，何韻詩仲好貪玩咁攞咗葉璇個獎座，搵助手幫自己影相。」
當晚舒淇穿上粉紅晚裝與張震頒影帝，但出席慶功時則換上 Bathing Ape紅外套。
得獎後，葉璇除了多謝古天樂，還邊喊邊說：「有一個好好導演朋友講過，話『葉璇，冇人會搵你做主角』。」道出自己曾有一段沮喪時期。
唱雙簧互窒
至凌晨 1時左右，舒淇孖住何韻詩落樓，飲到面紅紅的舒淇 high到爆，記者遂要求兩人合照，舒淇還借勢互窒，交足戲搶鏡。舒淇作狀說：「我唔同佢影相呀，佢攞咗我個獎！（意指何韻詩奪最佳衣着獎）」之後何韻詩又接力說：「係啦，佢唔忿氣囉！」雖然舒淇帶醉，但最後亦醒目打圓場話：「講笑啫，我邊會唔忿氣呀！」兩女一輪唱雙簧，反而掀起慶功當晚一陣高潮。
縱然女配角得主葉璇壓軸離開，不惜透底示人，又有職員扶住她上車，但其架勢排場都不及舒淇與何韻詩一輪唱雙簧可觀。身經百戰的是非女王葉璇，今勻真係老貓燒鬚。
背脊爆瘡
當晚葉璇離開時，仍然穿上其透視戰衣攞尾彩，但背脊粒粒卻大殺風景。
憑《歲月神偷》奪最佳新演員獎的李治廷（中）玩至 1時便與陳善之（左）和張家豐（右）一同離去。
當晚許志安亦有出席慶功宴，戥葉璇和李治廷開心。
當晚慶功場地聲雅廊，是卡拉 OK酒吧，場內設有數間 VIP房，據知他們 book了全場最大的 VIP房，岳少亦帶了兩箱私伙紅酒和香檳，埋單約 5萬元。
花旦變綠葉
葉璇領獎時喜極而泣，更在台上大爆自己辛酸史。其實葉璇 08年奪華裔小姐冠軍而入行即獲 TVB力捧，拍第一部劇集《廟街、媽、兄弟》已做第二女主角，其後的《封神榜》更孭飛，可惜她過分高調成為「是非女王」，接二連三的負面新聞最終逼她要重新嚟過，由配角做起。
姣黐富商
05年葉璇轉投林建岳旗下的紅館經理人公司，更突然升呢，除自爆做咗鄭裕彤契女外，更被拍得在夜店磨爆殼王陳國強。
是非女王
劇集《情陷夜中環 2》
變得高調的葉璇隨後是非不絕，包括被踢爆打助手、拍劇犯眾憎、自插大髀（圖）博見報等，總之日日有負面新聞，令公司放逐她到國內拍戲。
全職閒角
客串《維多利亞壹號》
葉璇沉寂了兩年後， 09年獲公司「放生」安排拍戲，當年就一口氣拍了 9部戲，不過唔係配角就係客串，《殺人犯》中飾演老態母親，但最終海報都冇佢個名。此外她連配音都撈埋，分別為《竊聽風雲》的張靜初和《十月圍城》的范冰冰配音，密密做，積極洗底。
舒淇慶功宴搶盡鋒頭 扮醉酒大贏透底葉璇
舒淇失落金像獎
經曆過無數是非、绯聞的葉璇，近年變得低調，以圖洗底。4月18日她終洗脫花瓶之名，憑《意外》獲得本屆金像獎“最佳女配角獎”。談到得獎感受，熱淚盈眶，總算吐氣揚眉，賽後她出席經理人公司爲她搞的慶功宴時，更風騷透底。
留言列表
