尖沙咀

徐子珊入行咁耐一直是非多多，不過好姨就覺得呢位港姐一向都係美貌與智慧並重，就好似日前好姨去尖沙咀同朋友high tea，離開時見到子珊喺酒店門口同自己班fans「social」，雖然子珊同班fans不停有傾有講又影合照，不過仍然充滿警覺性，冇幾耐已經發現好姨在場，重離遠同好姨打招呼，而佢身邊嘅助手就仍然傻下傻下咁四圍望搵好姨。其實好姨真係幾佩服子珊，就算自己架車已經到咗門口，但仍然繼續招呼 fans，甚至無論男女fans合照都來者不拒，前後擾攘咗成十五分鐘，班fans都唔好意思再纏住子珊，子珊先至上自己架車離去，離去時重同好姨揮手講拜拜。話佢麻煩？似乎都係對同事之間嘅事啫！


唔係講笑，子珊冇幾耐已經發現好姨嘅存在，身邊其他人？重係頭岳岳四圍望，完全唔知好姨喺邊度。


話晒fans都係自己米飯班主之一，所以子珊非常識做，唔好話傾偈，男女fans要求合照一樣冇問題。




開車離去時子珊仍然不忘同好姨揮手拜拜，識做到呢！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄