王祖藍︰我梗係想拍處境劇啦！
曾勵珍︰我半年前已經 book定《畢打》原班人馬 o架喎！
樂易玲︰處境劇一早冇預祖藍！"
樂易玲與曾勵珍大鬥法 王祖藍慘變磨心
2010年04月23日
陳志雲未被停職前，在無綫舉足輕重，但隨着他下台，曾聯手抵禦「迷雲黨」兩大女高層樂易玲與曾勵珍，立即各據山頭，不過就難為藝人左右做人難。
當中被珍姐（曾勵珍）一手捧紅的王祖藍，原本早早答應珍姐將於 5月以《畢打自己人》原班人馬，再拍攝新開的處境劇，但《荃加福祿壽》播映後報捷，負責嘅樂小姐食住個勢下令添食 13集，因此令王祖藍慘變磨心，最後惟有向視為「伯樂」的珍姐辭演。他提到新處境劇時亦難掩無奈：「我梗係想拍啦……不過呢啲嘢都要睇公司安排囉！」
曾勵珍早在半年前《畢打》煞科時，已經開晒口要以原班人馬再拍新處境劇《天天天晴》（暫名），緊接汪阿姐主演的《女王辦公室》播出，因此有關演員早早度定從 5月開始的半年檔期，但正當新劇劇本已度得七七八八準備上馬之際，樂易玲「馬房」，由何小慧監製的《荃加福祿壽》收視報捷，樂小姐立即食住個勢添食。
珍姐帶祖藍出身
早前王祖藍收到風公司想添食 13集《荃》，便出口術公開表示自己不想再扮女人，但最後都要留低。他惟有推說這幾個月太忙而辭演新劇，因而令
珍姐十分氣結，更要為此大費周章改劇本。一位知情者說：「珍姐帶祖藍出身拍《同事三分親》，祖藍依家大紅大紫，心知係珍姐俾機會佢。所以知道開處境劇，祖藍即使忙到爆，都話實會喺後半截加入。點知《荃》一定要添食，搞到祖藍覺得有負珍姐囉！」
日前，記者問到祖藍關於辭演新處境劇一事時，他解釋說：「其實我都好想拍 o架！由《同事三分親》到《畢打自己人》，班同事相處咗兩年，好似屋企人咁，但係我之後好忙，冇辦法啦！」王祖藍之後便「一輪嘴」數自己未來幾個月的工作安排，「我五月喺紅館做杜麗莎個 show，六月紅館又有個基督教布道會，之後開始排七月個 one man show，八月中仲有個教會音樂 show。」
不過知情者說：「其實除咗 7月 30、 31嗰兩場，係祖藍嘅個人騷要佢多啲時間準備之外，其他都係小兒科，點講都係佢要俾期樂小姐做《荃加福祿壽》啫！」
在《荃加福祿壽》中，王祖藍身兼多職，由度橋、度對白、搞造型，甚至連街頭訪問都要做埋（圖），難怪他添食拍《荃》便無暇拍新劇。
無綫處境劇一向係珍姐馬房的王牌，《畢打自己人》的徐榮（左）、王祖藍和陳茵媺更是她一手捧紅。珍姐講好原班人馬再拍新處境劇，現在卻少了王祖藍。《蘋果日報》圖片
樂小姐稱祖藍請咗假
問到樂易玲有關祖藍辭演處境劇一事，她卻聲稱係祖藍一早請假，所以演唔到處境劇，「祖藍向 TVB請咗假嘛！新處境劇由頭到尾都冇預佢！」事後記者再致電王祖藍求證，他否認曾請假，至於其他提問則不願多談。
而新處境劇《天天天晴》監製徐遇安被問到此事時，似乎亦有難言之隱：「係想用《畢打》原班人馬嘅！（王祖藍臨時被抽起角色喎。）咁公司有幾多人啫？來來去去係嗰班！我真係唔方便同你講住。」本刊記者多次想找珍姐回應此事，但一直未獲回覆。
《荃加福祿壽》大收旺場，最高收視達 32點，樂小姐又點會俾佢停？上周五（ 16日）四位主角更舉行祝捷會，宣布添食 13集。《蘋果日報》圖片
上月《畢打》才奪得壹電視頒獎禮的「十大電視節目」第七位，一眾演員捧獎慶功，還預計 5月在新處境劇會再度合作，當日大忙人王祖藍缺席，想不到最後他連新處境劇也演不成。《蘋果日報》圖片
王祖藍早前放風指自己不想再扮女人，其實是為演新處境劇鋪路，可惜事與願違。
新劇由李司棋孭飛
被珍姐欽點孭飛拍新處境劇的李司棋，已有十幾年冇拍處境劇，近作則是《有營主婦》（圖）。
多年來無綫的處境劇，均找來可以壓陣的演技派女星當主角。繼《女王辦公室》後，新處境劇《天天天晴》就找來十幾年冇演處境劇的李司棋擔大旗，今次不再賣寫字樓是非，而是賣溫情。
李司棋扮演一個接手去世老公兜踎珠寶店的師奶，與女兒陳茵媺相依為命，但她卻將珠寶店愈做愈好，以至夫家的人要搶回珠寶店，其中發生不少有笑有淚的情節。司棋姐說：「其實上星期二（ 13日），我已經開始試造型，到時公司都會幫我搵啲珠寶贊助。」
《畢打》舊將望原班開拍
一班《畢打》演員合作無間，更因為扮演閆器的陳鴻烈突然過身，而共同經歷生離死別之苦，知道製作總監曾勵珍一聲令下原班人馬再合作無不雀躍，但最終事與願違，大家都感到無奈。
黎耀祥：「珍姐係講過原班人馬再拍 o架，我就一早度咗期 7月拍完《巾幗 2》就入組，其他嘢我唔知囉！」
欣宜：「我依家拍緊《隔離七日情》，仲未知有冇份拍新處境劇，其實我好想拍 o架！大家合作咗成年好似我屋企人咁！」
江欣燕：「我好恨拍呢個新劇 o架！雖然依家做緊《獎門人》，但應該就到期嘅，唔知公司安排呢，乜唔係原班人馬咩？」
徐榮：「等呢個新處境劇開拍，等咗好耐啦！乜祖藍唔做咩？我唔知呀！仲以為原班人馬㖭！」
TVB兩大女高層奪權大鬥法 王祖藍慘變磨心
陳志雲未被停職前，在TVB舉足輕重，但隨著他下台，曾聯手抵禦“迷雲黨”兩大女高層樂易玲與曾勵珍，立即各據山頭，不過就難爲藝人左右做人難。
當中被珍姐(曾勵珍)一手捧紅的王祖藍，原本早早答應珍姐將于5月以《畢打自己人》原班人馬，再拍攝新開的處境劇，但《荃加福祿壽》播映後報捷，負責的樂小姐看勢頭大好立即宣布加開13集，因此令王祖藍慘變磨心，最後惟有向視爲“伯樂”的珍姐辭演。他提到新處境劇時亦難掩無奈：“我當然想拍啦……不過這種事都要看公司安排啰！”
留言列表
