明星靚相大分享☆

答：我一直鍾意縮埋一舊，細個嗰陣瞓到好似「攣弓蝦米」，大個慢慢變成側睡。另外，可能我冇乜安全感，除咗攬實張被，我仲要攬住件風褸，係嗰種好滑、好似絲質嘅布料，我鍾意佢有自己陣味，攬住會瞓得特別好，所以出埠做嘢都會帶埋佢，試過登台唔記得帶，成個人都好唔舒服！

問：有冇偏食習慣？有咩一定唔食？

答：我超級抗拒茄子同青椒！可能係顏色同質感嘅問題，由細到大都唔鍾意食呢兩樣嘢，但有次做嘢試食有機茄子，感覺又可以接受喎！另外就係唔可以食菠菜，我天生對菠菜敏感，每次食咗，個嘴會好快又紅又腫，所以食嘢會睇清楚，菠菜麵同菠菜批都係陷阱！

問：讀書時邊科成績最差？最叻又係邊科？

答：我細個科科攞A，唯獨講故事係C，諗番我依家講嘢咁差，可能都有啲關係。講到最叻梗係體育，我係校隊代表，唔怪得咁恨拍動作片啦！可能因為媽咪係運動健將，所以我同家姐都有運動細胞，跳高、劍擊、籃球同排球樣樣皆精！

問：你覺得自己係咪購物狂？

答：都算係，屋企啲嘢多到畀媽咪投訴！其實我唔係唔買嘢唔安樂，但買開嘢就好容易買多幾樣，例如明明去買落妝油，會忍唔住買埋唇膏、眼線筆囉！呢個習慣好難改，所以冇事盡量少去街，尤其係護膚品同化妝品，呢兩樣嘢我都好難抗拒。