孫耀威（ Eric）、王敏德及黎瑞恩等昨日在深圳出席「觀瀾湖世界職業明星邀請賽」記者會，孫耀威日前被發現在台灣街頭與陳美詩（ Macy）十指緊扣雨中浪漫兼咀嘴，昨日 Eric說：「發展中，係呢一年，我之前大病時開始。」

未諗求婚

Eric表示此行是出席台灣一位朋友的婚禮，新郎哥是他認識十多年的好友，對於此行是否為婚事取經， Eric笑說：「唔係，我會知道自己將來個婚禮係點搞，不過我未係時機結婚，等上帝安排。」他又謂還沒有想求婚。此外，王敏德早前與一名混血少女傳緋聞，他指對方是其新請助手，王敏德說：「話佢同我傳緋聞都 OK，佢幾靚女，我唔介意。」王敏德表示要趕及下月為右腳的十字韌帶動手術，隨後執導新片《飛虎》。採訪、攝影：曾小嘉


孫耀威昨終承認與 Macy（右圖）拍拖近一年。　資料圖片

孫耀威陳美詩因病生情

【戴佩玉深圳直擊】孫耀威、王敏德、黎瑞恩、王馨平等昨在觀瀾湖出席十月底假南海舉行的「世界職業明星高爾夫球邀請賽」記者會，孫耀威被追問與陳美詩緋聞，承認因自己生病時對方經常探望而發展戀情。

陳美詩與孫耀威發展一段探病情緣。（資料圖片）

孫耀威甫出現即遭追問在台灣被拍得手拖陳美詩，他靦覥表示剛從當地參加完好友的婚禮返港：「呢幾年我都冇刻意隱瞞感情事，總之影到啲乜咪乜囉。畀人影到我都知知哋，因為有個人成日喺我面前出現，我差啲想走埋去問佢係咪記者。（喺當地求婚？）冇呀。（係咪拍拖？）發展中。（都幾年喎。）唔係，係近呢一年，當我病咗嘅時候佢成日嚟探我，就咁開始嘅。」他笑謂最近身邊朋友排隊結婚，但自己的婚事則會聽候上帝安排。

王敏德唔怕緋聞

至於王敏德早前在澳門舉行個唱，被發現身邊有美相伴，他大方回應：「佢係我新請嘅助手，中英混血，幫我睇檔期仲睇埋account，同佢傳緋聞冇所謂，反正佢咁靚。」他又透露近日忙於籌拍一部關於飛虎隊的新片，屬意周秀娜擔任女主角：「套戲會係英語對白，集香港、美國資金，我都想搵個荷里活男演員出任第一男主角。」他又表示自己的右腿十字韌帶撕裂，正打算下月進行手術。

孫耀威終於承認和陳美詩拍拖一年。

戴夢夢（左起）、黎瑞恩和王馨平同樣對高球充滿興趣。

王敏德右腿十字韌帶撕裂，計劃下個月做手術。

孫耀威陳美詩暗交12個月

孫耀威與陳美詩傳緋聞多時，日前終被拍得拖手遊台灣，而他昨日亦承認戀情，自爆已拍拖一年！

孫耀威、王敏德、黎瑞恩與王馨平等出席《觀瀾湖世界職業明星高爾夫球邀請賽》記者會，賽事將於十月底在海南進行，大會更邀得荷里活巨星曉格蘭特等拍攝宣傳片，認真巴閉。

王敏德搵周秀娜擔正

另外，王敏德早前被指在澳門舉行個唱時有美相伴，他解釋：「佢係我新請嘅中英混血兒助手，幫我睇檔期仲睇埋Account，同佢傳緋聞冇所謂，反正佢咁靚！」由於長年運動關係，他表示最近發現右腿十字韌帶斷裂，下月要接受手術治療。提到工作，王敏德透露近日忙於籌拍一部關於飛虎隊的新片，打算找周秀娜擔任女主角﹕「套戲會係英語對白，集香港同美國資金，想搵個荷里活男星做男主角。」

影視組

孫耀威大方談情，透露未有計劃求婚。