人人都話陳山聰好似內地潮丐犀利哥。 
於《女王辦公室》中，陳山聰憑潮着打扮、入時配襯，被網民稱呼他為「潮山聰」。
無論是潮山聰，還是犀利哥，也是公認的潮流達人。
陳山聰不止戲內潮，戲外亦深具潮流觸覺，老友林峯也要找他幫手襯衫，林峯喎，少爺仔不乏形象指導，卻仍是屬意山聰，整件事不止潮，還很型，只是這位潮流達人，原來入行已經16年，事業低潮時，曾一度當Sales。
「Artist都係一個人，你冇飯開嘅時候，都要諗下辦法，我覺得呢個經驗唔係乜嘢壞事。」
「問心嗰句，我真係唔會羨慕林峯，或者 10年前可能會，俾公司力捧喎，但你睇下佢依家幾紅都好，其實佢都捱咗10年，佢都好辛苦。」
口說不羨慕，但時來運到，機會終於降臨山聰面前，連跑幾場做訪問，還要帶上自己的潮服，換衫也是趕頭趕命，換過衫影相時，他才發覺「咦，件衫係咪咁着呢？」
化妝師回應一句：「睇你點演繹啫，你着咗就係啱啦。」
潮山聰有否着錯，我不知道，也看不出，但肯定這件衫，以後都會是這樣穿法。
因為潮山聰都係咁着。
訪問陳山聰前，與朋友提到，看陳山聰在娛樂圈打滾已有10多年，更笑說他應該與謝天華差不多年紀，想來也有40多歲，誰知出現在眼前的，卻是比大多數後生仔更潮的潮人，更因為他衣着入時，現在有花名叫「潮山聰」，入行16年的他，今年才33歲。
一天內連趕幾個訪問，晚上還要返回TVB錄影，相信多年來陳山聰也沒有這麼忙過，但忙也有忙的好，起碼證明有人注意。傳媒爭相訪問，劇集亦沒有停過，5月將播《掌上明珠》，陳山聰現在又正趕拍《洪武三十二》，《學警狙擊》原班人馬，更包括早前竄紅的Laughing哥謝天華。
正當全城掀起Laughing熱時，其實當時還有個與Laughing哥作對，光頭配潮着的角色「左輪」，串爆囂張的演繹，讓陳山聰得到台慶最佳男配角提名，只是遇上更搶鏡的Laughing哥，陳山聰被迫陪跑。
潮着上位
上天很公平，機會總留給有準備的人，山聰不單止不介意做配角，而且堅持每個角色也要做到最好，像在《女王辦公室》內飾演的辦公室助理雷宇，角色設定是潮人一族，山聰不惜工本取出私伙潮衫，而且是山下智久在日劇《零秒出手》的紫色Visvim背囊及同牌子鞋，一身型爆潮着，令陳山聰得到觀眾熱捧，是網民替山聰改名為潮山聰。
但未來兩齣劇集不是古裝、便是民初，豈不是令潮山聰毫無用武之地？
「《女王辦公室》騷咗一次夠啦，我始終係一個演員，演員要有唔同角色去俾觀眾認同，最後都希望觀眾係睇到我嘅戲，至於衫，係觀眾同傳媒咁啱喺呢個位留意到，其實戲先係最重要。」
說起潮，怎能不提紅遍中港日，甚至被外國傳媒形容為「中國最酷男人」的犀利哥，想不到觀眾竟然將山聰在之前《絕代商驕》梳得一頭亂髮的角色童一本，與犀利哥相提並論，令山聰哭笑不得，亦證明觀眾一直有留意山聰，多年努力沒有白費。 
有網民指陳山聰在《絕代商驕》中的童一本，貌似紅遍中港日的犀利哥。 
「只要觀眾鍾意，我都開心嘅，其實我唔係最潮，喺《女王辦公室》裏面，我都係學番時下嘅年青人，佢哋先係最潮，只不過係個角色上突出咗少少，其實喺衣着方面，未必每一個人都受落，但我覺得冇乜所謂嘅，咁梗係希望觀眾或者媒體唔止認識『潮山聰』，反而係一個識得演戲嘅陳山聰囉。」 
陳山聰與呂慧儀在《女王辦公室》中飾演一對，但現實中山聰對女友卻不願多提。 
《女王辦公室》中，陳山聰的私伙潮著打扮，令他贏得潮山聰的美譽
人生低潮
的確，陳山聰很喜歡演藝事業，畢竟他已在行內奮鬥了16年，在TVB的劇集中，經常會看到山聰的演出，卻令人差點忘了他其實是歌手出身，93年入行時是藝能旗下藝人，劉德華旗下力捧新人，只是97年一場金融風暴，不止令很多香港人傾家蕩產，山聰也成為娛樂圈的失業大軍。
在事業低潮時，陳山聰曾做過 Sales，亦做過assistant designer，原來「潮」山聰並非一朝一夕，而是經過多年培訓。
「我媽咪係裁縫，可能耳濡目染啦，由細到大其實都好鍾意?，只不過一直潛在喺裏面，或者冇人發現到，咁啱係《女王》俾人留意到，咪發覺囉。其實一直以嚟都睇好多書，做好多研究，畫過啲衫款，呢個係我其中一個興趣，咁興趣又帶到俾我喺娛樂圈呢行用得着嘅，我覺得相得益彰，係一件幾好嘅事。」 
寶貴經驗
做明星歌手要大紅大紫固然不易，但要回歸平淡做回普通打工仔就更難，低潮時的生活，不覺得委屈嗎？
「出嚟社會做嘢，第一份工就係唱歌，未真真正正接觸過出面打工係乜嘢一回事，自從嗰段時間之後，有機會俾我出去面對呢個咁大嘅社會，到一啲寶貴經驗，令到今時今日我喺演戲上有好大嘅幫助。」
「當然初初唔係好習慣，但我覺得我自己承受到呢個壓力，能夠令自己開心或者驕傲嘅係，我能夠喺逆境之中求存，我覺得呢樣嘢係最緊要囉。同埋有一個正面嘅思想，Artist都係一個人，你冇飯開嘅時候，都要諗吓辦法，我覺得呢個經驗唔係乜嘢壞事，雖然話係Artist，但冇嘢做，唔可以成世坐喺屋企，希望將呢一樣嘢帶番去正面嘅。」
自食其力
「冇飯開？」我聽後有點愕然，陳山聰家人不是在澳門經營物流生意嗎？少爺仔何用紆尊降貴？
「你話有家底嗎？其實又唔係嘅，係近呢幾年澳門經濟起飛，咁生意上就好啲，完全唔關我事，如果係因為家底呢樣嘢，相信我都可以唔做呢行，轉做其他嘢。哥哥都有叫我返去幫手，但首先我唔鍾意做生意，第二，我當年年少氣盛，好有大志唔想靠屋企，想創一番事業俾屋企人睇，覺得係我自己選擇嘅。我覺得人要成長囉，要成長就要承擔後果，唔可以因為失敗而匿番屋企，咁你就唔會再進步，只會俾家人保護，我唔鍾意呢樣嘢，所以我比較獨立啲嘅。」
陳山聰有二兄四姊，在家中是孺子，他自言家人給他很大的自由度，捱了幾年Sales及時裝設計工作，對娛樂圈仍是念念不忘，最後在2000年返回無綫，雖然人工不高，卻有機會做旅遊節目主持，總算能重新開始。
陳山聰入行時青靚白淨，保持着陽光大男孩形象，但要重新開始，卻不得不放下身段，在劇集內飾演配角不特止，還要是討人厭的奸角或者小混混，豈不是浪費了俊朗外貌？ 
入行時的陳山聰，青靚白淨，保持陽光大男孩的形象。
「其實好多謝TVB俾到呢啲機會我。有得做主角就最好啦，每一個藝人都想，但係睇番Laughing哥都一樣得啦，有啲角色都好出，好似左輪咁，依家就好多人認得，當然最好梗係好似柴九黎耀祥咁啦。」 
陳山聰在《幕後大老爺》雖然只是做配角，但他卻堅持做好每一個角色。
嚮往自由
陳山聰在圈中人緣甚佳，而最老友的莫過於TVB力捧小生林峯，二人經常孖住去玩去蒲之外，陳山聰還是林峯半個形象指導，不時為老友揀衫襯衫。但林峯含着金鎖匙出世，少爺仔入行，機會比普通藝員更多，陳山聰從不羨慕老友嗎？ 
陳山聰在圈中人緣甚佳，郭政鴻便是他老友之一。
「問心嗰句，我真係唔會羨慕林峯，或者10年前可能會，俾公司力捧喎，但你睇下佢依家幾紅都好，其實佢都捱咗10年，佢都好辛苦。
其實佢(林峯)好忙，真係忙到冇晒自由，但我性格唔係咁，我係鍾意自由自在，隨時可以落街食牛腩粉嗰隻。」
不羨不妒，或許正是山聰與林峯可以友誼永固的原因。
跑步達人 
潮人潮着，沒有fit到漏的身材，一切也是枉然，所以陳山聰一為健康，二為着靚衫，一星期總有幾天要去跑步，日夕鍜練下，早已具備了一副鋼條身材。
為了測試自己，他更參加了今屆的渣打馬拉松，最後以49分鐘多一點，跑完10公里賽，初試啼聲，成績斐然，明年更會挑戰半馬。
山聰酷愛馬拉松，皆因他的演藝生涯真的很像馬拉松。
「好記得10年前蔣志光同我講，做呢行就好似跑馬拉松咁，你努力去跑啦，跑完之後，就一定有成果，一定會有人賞識，估唔到喺今時今日終於應驗咗。」
山聰說時，嘴角不禁露出滿足笑容。
留言列表
