中　環

好多人都問好姨，邊一區最多明星出現？好姨會話一定係中環嘅ifc，因為除咗有唔少名人明星去入面間超級市場入貨之外，ifc名店林立，真係行一轉就已經可以行齊咁多間名店。就好似上週五（16日），好姨呢頭去超市撞到上山詩納，轉頭去行名店時，又撞到何傲兒。當日何傲兒同一名女性友人齊齊行名店shopping，雖然何傲兒人氣唔算高企，不過由於佢當日以一條短裙仔上陣，一對長腿成為當日最高收視，唔少男士見到都不禁望多兩眼。不過當日何傲兒雖然不停咁行名店，不過就明顯得個睇字，行咗幾間都買唔到心頭好，最後都係空手而回，似晒腿多過shopping囉！


雖然何傲兒暫時人氣唔算好高，不過當日佢以短裙仔上陣，一對長腿錄得非常高收視。




當日何傲兒行咗幾間名店，不過都係睇唔啱，行咗成個鐘一件戰利品都買唔到。


離開名店時何傲兒見到好姨，即時好熱情咁離遠打個招呼，後生女果然係特別熱情啲。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄