明星靚相大分享☆

前日 36歲嘅林熙蕾一身輕便打扮，低調咁出現台北晶華酒店食飯，不過佢相約嘅唔係好友郭台銘太太曾馨瑩，而係內地紅遍半邊天嘅已婚諧星小沈陽。林熙蕾着咗一件寬鬆衫，露出黑色細肩帶，稍露性感，佢仲拎住價值 2萬幾蚊嘅 Bottega Veneta手袋、戴黑色帽自己先到達酒店。

放大圖片

二人食飽飯離開酒店，小沈陽更輕扶林熙蕾入。

放大圖片

小沈陽（右二）喺內地爆紅，參演嘅《三槍拍案驚奇》內地票房更過億。劇照

輕扶入電梯

大約十幾分鐘後，着住白衫白褲嘅小沈陽先至到，兩人為免外人打擾，喺包廂食飯傾偈，食足兩個鐘，然後肩並肩離開餐廳，仲邊行邊講邊笑，行到電梯口，小沈陽雖然已婚，但都唔避忌一手搭住林熙蕾順勢扶入電梯。小沈陽同林熙蕾將一齊拍電影《大笑江湖》，小沈陽今次去台灣，兩人特別抽時間約見面，林熙蕾更體貼咁準備咗鳳梨酥畀小沈陽做手信，林熙蕾前日話：「他很有趣，因為我比較內向又無趣，就跟他學幽默囉！」問佢有冇乘機展現電眼功力？佢笑住話：「我不知道怎麼放電啦！」28歲嘅小沈陽紅遍大陸，出生貧苦農村家庭嘅佢，因為舊年喺央視春晚表演小品《不差錢》後迅速走紅，更接拍張藝謀嘅《三槍拍案驚奇》，又拍廣告及唔停嘅商業演出，估計去年吸金四千幾萬人民幣。


林熙蕾前日同赴台嘅小沈陽相約食午飯，兩人喺包廂更傾足兩粒鐘。