3日密密拖︰ 15/1行名店

男仔 look超蓮當晚亦孖住印第安民族 look嘅新拖友 Jeremy一齊行時代廣場連卡佛,一見到記者, Jeremy即詐嬌:「佢哋(記者)好衰,話我基。」超蓮即和應:「係啦,唔好亂寫呀。」煙韌到暈。"
封面
閨房瘟仔 超蓮爆何家性規條
2010年01月20日
公認係何家最索千金的三太細女何超蓮,魅力勁到連疑似攣的靚仔男友都拗直,超蓮日日黐住「翻版山下智久」男友 Jeremy拍拖巡遊,恨到港男個個眼都紅。
18歲又讀過番書,寒冬照着超低胸短裙,之不過外表「 open」嘅超蓮原來內裏極「斯文」。超蓮上週接受本刊獨家訪問,大爆深得三太家傳防蝕底秘技,更承諾會將「寶貴第一次」留給未來老公。
去年暑假至同初戀男友 Tim(徐鈺恆)分手,條件好到似超蓮咁,又點會冇人追。近日,超蓮身邊就出現高大英俊留長髮嘅 Jeremy Wong,雖然超蓮死口唔認同 Jeremy係男友,不過被胞姐超雲爆完 Jeremy見過家長,本刊又連續多日發現二人於銅鑼灣、尖沙咀行街拍拖,見少一日都唔得。

朋友瞓床
超蓮 facebook中放咗唔少佢嘅閨房相,而一向鍾意帶朋友返屋企嘅超蓮仲大方到畀女性朋友瞓佢張床,咁超蓮成日話 Jeremy係朋友,咁 Jeremy咪應該有機會「試床」?

帶仔返閨
上月尾, Jeremy被影到跟超蓮一齊返三太陳婉珍位於渣甸山布力架徑豪宅, Jeremy更話見過三太多次,對方讚他不錯。

日日想見

18/1跟攞相
超蓮跟 Jeremy幾乎日日見,這天下午二人便孖住到尖沙咀柯士甸道一幢大廈,逗留了大約 1個鐘才離開。超蓮話:「你哋唔好亂寫呀,我上去化妝師 Annie G. office攞番幅相咋。我哋家返屋企 o架喇!」

上週四( 14日),記者先在銅鑼灣東角駅發現超蓮與兩個女性朋友齊齊行街買衫。轉頭記者便發現 Jeremy Wong出現, Jeremy入鋪頭前已被超蓮友人提水:「有記者呀!你唔好入去啦!」 Jeremy即時急腳鬆人。
Jeremy:拍咗拖幾個月!
買完民族衫,被記者打亂與男友拍拖計劃的超蓮離開商場時,依然保持一貫可愛笑容,向記者撒嬌:「好衰 o架你哋!影我試衫!(係咪你叫男朋友 Jeremy走先 o架?)佢唔係男朋友,好朋友嚟咋!我要返屋企食晚飯呀,拜拜。」
翌日記者於銅鑼灣再發現 Jeremy孖住一位斯文男友行連卡佛,記者上前訪問 Jeremy,他大方承認已見過三太兼自爆同超蓮拍拖幾個月,更否認曾在同志網留言:「我梗係唔係基啦!我邊忽似呀?(咁你同超蓮拍咗拖幾耐呀?)幾個月囉!」

14/1行妹場
拖友鍾意着民族服裝,超蓮亦去到銅鑼灣東角駅試民族衫,可能想襯番 Jeremy,一身姣豹裝的 Jeremy發現有記者後,即與超蓮分道揚鑣。


孖仔 shopping
上週五, Jeremy跟超蓮約會前就孖住男性友人到銅鑼灣連卡佛 shopping,二人更有講有笑,睇嚟感情不錯。

超蓮:第一次留結婚嗰晚!
當日 Jeremy跟男性友人 shopping完,便到百德新街會合超蓮。
上週六( 16日),超蓮再度出動往金鐘逛唱片鋪,仲笑笑口企定定接受訪問。
F:《 FACE》 何:何超蓮
F:家姐超雲話媽咪三太有教你性教育,你拍拖會唔會偷嘗禁果呀?
何:你唔好睇我個樣唔保守,其實我好保守好乖,唔會喺出邊過夜 o架!我同 G.E.M.一樣 o架!(歌星鄧紫棋( G.E.M.)曾在訪問自爆未蝕底過畀男朋友,初夜要留畀未來老公。)
F:咁媽咪點教你性教育呀?
何:都係護苗基金嗰啲,女仔要識得保護自己,要識得 say no囉!嗰樣嘢(性)我真係諗住留到結婚嗰晚 o架!
F:家啲女仔愈嚟愈 open、社會風氣又差,你哋家教反而好好喎?
何:做錯咗就一世 o架啦,搞出人命就好大鑊,會連累埋屋企人添!媽咪話 feel到個男仔想進一步行動,就盡量唔好兩個人獨處,去多人嘅地方,同最緊要唔好去男朋友屋企!
F:但 Jeremy都俾我哋影過去你屋企喎!
何:我屋企好多人 o架!又有保母又有工人,好安全!
18歲超蓮家教咁好咁識諗,唔怪得賭王話三房仔女最乖最令佢放心啦!

專溝靚仔
前年初高調跟同係靚仔嘅 Tim拍拖至上年初分手,超蓮話怕怕,以後拒公開戀情。

超蓮家姐超雲最近便大爆 Jeremy經常跟超蓮返何家,但就話對妹妹放心:「佢唔使我教性教育,媽咪有教佢!」《蘋果日報》圖片

上年 18歲生日,賭王揼成千萬為超蓮同孖生細佬猷啟擺生日酒會,更各送兩層澳門豪宅作生日禮物。

貴族港女
於英國唸預科的超蓮,雖出身名門,但香港出生的她外表極之 kawaii,所以亦沾染港女嗜好,例如愛蒲銅鑼灣買閃石手機套,亦非常崇拜偶像明星,同 90後港女冇乜分別。

冧祖兒
上週六( 16日),超蓮單拖到金鐘太古廣場買容祖兒《 Perfect 10 Live 2009》 DVD,口味夠晒 local。

睇 Sammi
雖然讀番書,但一直迷港星,上月鄭秀文(右圖)開騷,身為 fans嘅超蓮就拖埋新男友 Jeremy一齊捧場。

貨車帽
戴住 Angelababy和 Janice Man設計過的品牌 Choice貨車帽,及「 Mix-Style」星星耳筒,與蒲銅鑼灣及旺角的少女品味一致。

迷吳尊
超蓮講明係吳尊忠心 fans, 08年尾飛輪海到澳門出席國慶騷,超蓮同一般 fans妹一樣,霸定頭位捧偶像。

買閃石
崇日嘅超蓮非常喜歡到銅鑼灣搵新款閃石手機套,所以總統商場,簡直是她的至愛。

涉谷朝聖
上年去東京旅行,亦跟港女一樣,鍾意到「涉谷 109」商場朝聖。


勝利 V
平時愛自拍擺上 facebook,又鍾意影貼紙相嘅超蓮,招牌甫士係港女 5式中最多人擺嘅 cutie舉 V,連細佬都學。

貼紙相

撲簽名
前年 3月,超蓮孖住龍鳳胎細佬猷啟一齊睇性感女神 Leah Dizon演唱會,完騷後更攞埋女神寫真到後台攞簽名。

arrow
arrow
    全站熱搜

    stacylife 發表在 痞客邦 留言(0) 人氣()